Thakle 9:2 - Buka Blahi Ka Cheke Holo

² Kate tothora mana glave te mamhara igne, gagahu biꞌo na ne jifla mei ka glave na jateula gagahu khaꞌaghi te biꞌo fara neu. Eghuteuna gagahu te jifla mei ka glave na igne ne toku tafruni naphaegna naprai na ne romno fara maloa na.

Thakle 9:2 Iomraidhean Croise

Jenesis 15:17

Kate pluluhi naprai na tela romnohi na, phei glepo ne thakle mei, kaisei sospen te fodu ka khaꞌaghi te gagahu nei kaisei juta te deudeplu fara eghu ne tei salaꞌu fari hotedi phei thura nafnahi re.

Jenesis 19:28

Mae Ebraham ne filo soru ka phei namono biꞌo Sodom ghe Gomora igre nei ka sare te gnafa ka Khoꞌu biꞌo Jordan. Mana ne filoni gagahu na ne haghe ka namono na jateula gagahu khaꞌaghi biꞌo neu.

Eksodas 19:18

Aonu Lord ne soru mei ke lamna khaꞌaghi biꞌo ne phae falithui ke kligna thogele, eghuteuna gagahu biꞌo ne toku thafruni thogele na. Gagahu igne ne haghe kligna ka maloa na jateula gagahugna kaisei khaꞌaghi biꞌo, eghuteuna thogele igne ne nghali thongana.

Profet Isaia 14:31

“Ghotilo naikno te au ka namono biꞌo Filistia! Ghotilo mhaghu tanhi fabiꞌo! Naugna ghotilo ginauna filoni gagahu biꞌo te haghe ke mosu kate nako mae naokare namono tuana. Eghuteuna mare te gnafa na ghosei tarabana mala jaola mei goigoni ghami ghotilo.”

Profet Daniel 3:6

Nu ihei te theome maimanihini mumuju gol igne na, ghehati ginauna koko laoni naikno tuana ke lamna bokis khaꞌaghi te brana fara na.”

Profet Joel 2:10

Kate kafe thugha mei cheche igre na, nauthoglu ghe maloa igre na kafe nghali. Naprai ghe glaba igre ginauna na kafe romno soru, eghuteuna nathunu are ginauna theome agha.

Profet Joel 2:2

Narane igne ginauna kafe romno soru, eghuteuna maloa igne ginauna thafru ka gromno. Aonu kaisei tothoghei cheche ginauna mei toku tafru vido te gnafa jateula kaisei armi eghu ke kligna thogele, ba jateula gromno te haghe te toku naprai na ra eghu. Theo kaisei glepo jateula igne teku tifa na, eghuteuna theo kaisei glepo nate jateula igne teu ginauna.

Profet Joel 2:30

Ka narane tuana, iara ginauna edi keha fagaglana biꞌo ka maloa kligna nei ka nauthoglu pari igne. Uve, dadara, khaꞌaghi nei gagahu eghu ginauna thakle mei.

Mae Khuru 2:19

Iara ginauna lilisei fagaglana: dadara, khaꞌaghi, nei u gagahu biꞌo kligna kau maloa nei agne pari kau nauthoglu gne mala filoni naiknore.

Thakle 14:11

Eghuteuna gagahugna khaꞌaghi te paradi mare na ginauna haghe fabrahu tifa tifa. Iheire fateo te pogho soru ka bosu nei mumuju gna nei lilisei fagaglana gna nanghagna mana teuna, mare ginauna theome gnafa ka papara bongi narane.”

Thakle 16:10

Falima engel na ne tei ne totofa nogna dis na ke kligna gna nogna sape nafnakno bosu na. Eghuteuna namono te gnafa te funei frunidi bosu na ne kafe romno soru. Eghuteuna naiknodi namono igre ne funu kakathu glapidire naugna ne kabru ghedi fara.

Thakle 8:12

Aonu fafati engel na ne ifu nogna khufli na. Eghuteuna kaisei vido biꞌo ka naprai na nei kaisei vido biꞌo ka glaba na eghu ne kafe blalho. Eghuteuna fatilodi nathunure jaola ne blalho. Eghume kaisei vido biꞌo ka narane na ne theome phae, eghuteuna kaisei vido biꞌo ka bongi na ne jaola.

Thakle 9:1

Aonu falima engel na ne ifu nogna khufli na. Eghuteuna iara ne filoni kaisei nathunu khoko funu kligna ne soru ka nauthoglu na. Mare ne tusu lao kaisei ki ka nathunu igne mala tothora grengathagna glave te mamhara fara na. Glave igne namonodi naitu te au ka sosolo.

Thakle 9:11

Cheche igre au kaisei nodi mae King te mala funei frunidire. Mae igne kaisei mae engel, mana ngala mae biꞌo gna glave te mamhara fara igne. Eghuteuna ka cheke Hibru na, nanghagna engel igne mare kiloni mana, “Abadon”, nei ka cheke Griki na, “Apolion”. Eghuteuna ka cheke tahati na, “Mae mala goigonidi thua lepore.”

Thakle 9:17

Aonu iara ne filodi hose igre baludi mae iheire te gnokro teu ke klignadi. Mare fahaghe phoko aean te ukru fara, pipito, nei rija eghu. Pha'udi hose igre jateula pha'u lion eghu. Hose igre jifla mei khaꞌaghi, gagahu, nei thina ngaja eghu ka foflodire.