Thakle 9:1 - Buka Blahi Ka Cheke Holo

¹ Aonu falima engel na ne ifu nogna khufli na. Eghuteuna iara ne filoni kaisei nathunu khoko funu kligna ne soru ka nauthoglu na. Mare ne tusu lao kaisei ki ka nathunu igne mala tothora grengathagna glave te mamhara fara na. Glave igne namonodi naitu te au ka sosolo.

Thakle 9:1 Iomraidhean Croise

Profet Isaia 14:12

“King gna Babilonia! Iagho neke haghe fara jateula nathunu rane neku ka tathadi naiknore. Nu gognarona, iagho khoko la soru funu kligna ka maloa ro. Tifa na iagho neke kaisei mae nheta ka magra neke uludi kmana kantri, nu gognarona Lord la koko soru nigho iagho pari.

Luku 10:18

Mae Jisas ne cheke eghu, “Iara neke filonihi mae Satan, mana theo nogna nolaghi ne khoko soru funugna kligna jateula nakafli neu ka maloa gne.

Luku 8:31

Eghuteuna naiture ne toreni mae Jisas mala thosei kuru teidi ka vido te kiloni mare “Glave mamhara te romno fara.”

Letas Teke Riso Tei Mae Pol Ka Khiloau Rom 10:7

Jaola, thosei cheke eghu, “Ihei nate soru ka namonodi mae teke lehe hira?” Gaoghathogna na, “Mae ihei nate soru te mala hatani Kraes mala ke karha fapulo?”

Thakle 1:18

Iara mae ihei te karha tifa te tifa. Tutuani! Tifa na iara neke lehehi, nu gognaro na iara kela karha fapulo mala au fabrahu tifa tifa. Iara au nolaghi te mala cheke ranghini ihei te mala au ka glehe nei ihei te mala au ka karha na. Iara jaola au nolaghi te mala cheke ranghini ihei nate tei Hades ka namonodi naikno tela lehehira.

Thakle 1:20

Iagho filodi fitu nathunu te louloku iara fei khame nhetagu gre, nu iagho theome laseni gaoghathodi fitu nathunu igre. Uve, fitu nathunu igre gaoghathogna na hatimare mae engel ka fitu khiloau gre. Eghuteuna iagho jaola filodi fitu juta teke hohoro ka gol. Fitu juta igre gaoghathogna na eidi fitu khiloau tuare kolho.”

Thakle 11:7

Ke leghugna te toutonuni phiamare chekegna God na, bosu te au ka glave te mamhara fara na ginau jifla mei mala magridi phiamare. Bosu igne ginauna tapla sorudi nei falehedi eghu phiamare.

Thakle 17:8

Bosu te filoni iagho igne tifa na neke karha, nu gognaro kela theome karha eghu. Eghuteuna bosu tuana ginauna theome raugha jifla mei ka glave te mamhara fara ana. Nu ke leghu na, God ginauna roꞌeni mana. Kmana naikno ka nauthoglu igne ginauna filodi kofubobhoi biꞌo nei jaglo nodi fara eghu gaoghathodire kate filoni bosu na. Tutuani, mare jaglo nodi naugna bosu igne tifa na neke karha eghuteuna gognaro na kela theome karha eghu, nu naꞌa ginauna nake pulo mei. Naikno igre theo nanghadi ka nogna buka God na. Kate vuavuhagna nauthoglu igne, God neke rioriso soru nanghadi naikno te mala karha fabrahu tifa tifa ka buka igne.

Thakle 20:1

Iara ne filoni kaisei engel ne soru funu kligna. Mana louloku ki grengathagna glave te mamhara fara na. Mana jaola louloku kaisei chen biꞌo.

Thakle 20:10

Aonu mare ginauna koko laoni mae Satan ka kholo khaꞌaghi te ngire ka thina te ngaja fara. Satan, mae ihei te chaichaghidi naiknore, ginauna au baludi bosu ghe mae profet chaichaghi. Thilomare na au jare mala papara bongi narane tifa tifa.

Thakle 6:13

Eghuteuna nathunu ka maloa na re jaola ne khoko soru pari jateula sisi gaju khebu te khoko pari ka nuri biꞌo ia eghu.

Thakle 8:10

Fatilo engel na ne ifu nogna khufli na. Eghuteuna kaisei nathunu biꞌo jateula juta jeklo teu filogna na ne soru mei ka maloa na ne khoko soru ke kligna fatilogna khoꞌu biꞌo nei glokha.

Thakle 8:12

Aonu fafati engel na ne ifu nogna khufli na. Eghuteuna kaisei vido biꞌo ka naprai na nei kaisei vido biꞌo ka glaba na eghu ne kafe blalho. Eghuteuna fatilodi nathunure jaola ne blalho. Eghume kaisei vido biꞌo ka narane na ne theome phae, eghuteuna kaisei vido biꞌo ka bongi na ne jaola.

Thakle 8:2

Iara ne filodi fitu engel re ne kegra neu ke ulugna God. Hatimare ne tusu lao fitu khufli ka mare.

Thakle 9:2

Kate tothora mana glave te mamhara igne, gagahu biꞌo na ne jifla mei ka glave na jateula gagahu khaꞌaghi te biꞌo fara neu. Eghuteuna gagahu te jifla mei ka glave na igne ne toku tafruni naphaegna naprai na ne romno fara maloa na.