Thakle 8:3 - Buka Blahi Ka Cheke Holo

³ Aonu kaisei engel mei ne kegra ka olta na. Eghuteuna mana louloku kaisei tapera teke hohoro ka gol te fodu ka insens. Hatimare ne tusu ranghini mana kmana insens mala salo fodu baludi nodi tharai nogna naikno God re. Eghuteuna mana ne fafara ka olta teke hohoro ka gol te kegra teu ke ulugna nogna sape nafnakno mae King na.

Thakle 8:3 Iomraidhean Croise

Ululahu Kings 7:50

nei dis, nei glepo mala falehe juta, nei dis mala gahu insens, nei sevol mala krisu nakrofu. Eghuteuna mare hata gol ne horo hins maladi phei grengathagna u Chogho te Blahi Fara igne, nei maladi phei grengathagna Sugablahi na.

Nodi Khoje Hatimare Mae Jiu 141:2

Iara magnahaghei nigho iagho te glealeꞌa ka nogu tharai iara gre, jateula iagho te glealeꞌa kate gagahu haghe ka iagho u insens te gahu mare pris ra eghu. Uve, Lord, iara magnahaghei nigho iagho te glealeꞌa ka iara kate ngafa haghe iara khamegu na te tarai ka iagho na, jateula iagho te glealeꞌa kate fafara grafiro ra eghu.

Eksodas 40:26

Eghuteuna mana atha Olta mala Gahu Insens te ghiha tafru mare ka gol igne ne lilisei lamna ka Suga Tapuale te Blahi na, ke ulugna pohe aheva te bobotho Bokis Blahi gna Nhaꞌa Cheke na.

Profet Isaia 6:6

Aonu kaisei ka engel igre tei ka olta na ne hata kaisei sisibe brana ka chochomi flalo ne mei balugna ka iara.

Profet Esikiel 41:22

Kaisei olta teke horo mare ka thaba na au ka vido igne. Haghegna na kaisei mita vidogna, eghuteuna kaisei nanaba ngala eigna gerigna te gnafa re thokeni kaisei mita. Mare horo khukrugna re, eghuteuna pesigna na eghu baludi keha philegna re neke eni ka thaba. Mae igne ne cheke eghu ka iara, “Tevo igne kegra fabrahu ke ulugna Lord.”

Profet Emos 9:1

Iara neke filoni kaisei mifi teke fakakhana Lord ka iara. Ka mifi igne, iara ne filoni mana te kegra teu rhegna olta ka Sugablahi na, eghuteuna mana ne cheke eghu faheta, “Tututu sagho ke klignadi phei khegra biꞌo ke ulugna Sugablahi na are, mala nghali Sugablahi igne. Koko sukha phei khegra igre mala soru ke klignadi naikno te au teu igre. Eghuteuna iheire te theome lehe ka narane igne, mare ginauna lehe kate tei ka magra na. Ginauna theo kaisei ka mare nate rikha agne na, ba nate tei poru na. Uve, mare te gnafa na mala lehe.

Profet Malakai 1:11

Naikno te gnafa ka kantri te gnafa teu ka nauthoglu na igre ginauna atha insens nei gano eghu mei mala fafara ka olta, eigna mare ghatho tahu ghau iara.’

Naba 4:11

“Eghuteuna keha glepo na igne, thilo mare na atha kaisei pohe blu mala toutoku olta teke eni mare ka gol, eghuteuna ke atha kaisei guli vena mala toku lao ka olta na. Aonu ke lisu fapulo phei gaju mala pala gna olta igne.

Luku 1:10

Ka vido tuana, naikno te kmanare ne tarai neu kosi.

Letas Teke Riso Tei Mae Pol Ka Khiloau Rom 8:34

Te eghu na theo kaisei naikno te tangomana te fate ghita tahati na, eghuteuna chekeni ne jafra tahati teuna. Naugna Jisas Kraes mae ihei teke lehe na mana neke karha fapulo, mana gognaro na auhi fei nhetagna God, eghuteuna mana tarai heta mala togho ghita tahati.

Hibru 7:25

Naugna igne mana gognaro te haghe na au nolaghi te mala fakarhadi naikno te mei ka God re naugna mare ne fatutuani ni mae Jisas. Mae Jisas tangomana te mala fakarhadi naugna mana karha fabrahu, eghuteuna mana mala taraidi mare ka God Kmada.

Hibru 9:4

Ke lamnagna u chogho igne mare lilisei kaisei tevo te hohoro ka gol mala gahu insens ka God, nei kaisei bokis fagaglana gna nogna nhaꞌa cheke God na. U bokis tuana ghiha gol ke kosi. Ke lamnagna bokis na, au phei thabasoa teke riso soru God nogna vetula na. Jaola mare tathaji kaisei botol gol, ke lamnagna botol tuana au katha vido gano gna tifa teke mei funugna ka God te kiloi ‘manna’, nei nogna khodo mae Eron te kotu khakla na au la jare.

Thakle 10:1

Iara ne filoni kaisei engel te nolaghi fara ne soru mei funu kligna. Mana pipichi ka kaisei grokho balugna kaisei maja ka pha'ugna na. Eghuteuna tathagna na siasigla jateula naprai eghu, eghuteuna phei ghahegnare jateula khegra biꞌo te phae teu ka khaꞌaghira eghu.

Thakle 14:18

Keha engel na ne jifla mei funugna ka olta na. Engel igne mala reireghi khaꞌaghi ka olta na. Mana tei kokoni olta na, ne eha eghu fabiꞌo ka keha engel te fnonu fara nogna naflahi thagho na, “Tei fatedi naikno te diꞌa ka nauthoglu gne eigna mare kaikaliti mala kegra ke ulugna fate na jateula sisi grep tela ghanohira eghu. U fate te eni iagho igne jateula kaisei mae te hata naflahi thagho te mala kato sisira eghu.”

Thakle 5:8

Eghuteuna kate hata mae Lam pepa na, fati glepo te karha gre baludi hatimare varadaki fati mae biꞌo ka khiloaure mare ne pogho soru ke ulugna mae Lam ne kilo fnaknoni mana. Mare te gnafa na kafe hata gita biꞌo mala koje nei dis teke hohoro ka gol te fodu ka insens. Dis igre nodi tharai iheire te fatutuani ni God re.

Thakle 6:9

Mae Lam na ne hata koko falima loke gna buka na. Aonu iara ne filodi keha tharunga ke parigna olta na. Tharunga igre, tharungadi naikno teke falelehe mare tifa ra, naugna mare neke fatutuani ni fabrahu chekegna God na nei toutonuni eigna u cheke tuana.

Thakle 7:2

Aonu iara ne filoni kaisei engel ne thakle mei ke maghati. Mana louloku kaisei glepo te mala eni fagaglana ne lilisei ka greredi nogna naikno God re. Engel igne ne eha fabiꞌo ka keha fati engel re. God neke tusu lao nolaghi ka fati engel igre mala goigonidi glose nei nhorora.

Thakle 8:4

Gagahugna insens baludi nodi tharai nogna naikno God re haghe ne thoke ka God funu ka tapera ikoi te au ka khamegna engel na.

Thakle 8:5

Aonu engel na ne hata tapera insens na ne fafodu khaꞌaghi ka olta na ne koko soru ka nauthoglu na. Ka vido tuana nakafli nei fila nei nakheu biꞌo.

Thakle 9:13

Fafamno engel na ne ifu nogna khufli na. Aonu iara ne nomhini kaisei cheke te jifla mei ka fati sulukhugna olta teke hohoro ka gol te kegra teu ke ulugna God na.