Thakle 8:10 - Buka Blahi Ka Cheke Holo

¹⁰ Fatilo engel na ne ifu nogna khufli na. Eghuteuna kaisei nathunu biꞌo jateula juta jeklo teu filogna na ne soru mei ka maloa na ne khoko soru ke kligna fatilogna khoꞌu biꞌo nei glokha.

Thakle 8:10 Iomraidhean Croise

Fapea Kronikols 32:3

mana ne cheke baludi nogna mae biꞌo nei nogna mae armi teu igre. Mare kaisei gaoghatho ne tatafru glokha khoꞌu te au ke kosigna namono biꞌo Jerusalem mala theome koꞌu armi gna Asiria kate mei mare ka vido igne. Aonu mae biꞌo igre ne hata kmana mae, eghuteuna mare jifla ne tei ke kosi namono ne tatafru glokha khoꞌu igre.

Profet Isaia 12:3

Ghotilo ginauna keli tami fara, naugna God ne thofno fakarhi ghami ghotilo.

Profet Isaia 14:12

“King gna Babilonia! Iagho neke haghe fara jateula nathunu rane neku ka tathadi naiknore. Nu gognarona, iagho khoko la soru funu kligna ka maloa ro. Tifa na iagho neke kaisei mae nheta ka magra neke uludi kmana kantri, nu gognarona Lord la koko soru nigho iagho pari.

Profet Sekaraea 13:8

Heva heva ke lamnagna glose igne, jame thilo mae, phei ginauna lehe, eghuteuna kaisei kolho nate karha na.

Profet Sekaraea 13:9

Eghuteuna iheire te karha teure, iara ginauna kafe paradi hui, mala tangomana mare te klino ka tathagu iara na. Ginauna na jateula mae te gahu silva nei gol ka khaꞌaghi te mala koko thona ra eghu. Aonu mare ginauna tarai mei ka iara, iara ginauna tangomana te nomhidi mare na. Eghuteuna iara ginauna cheke eghu, ‘Naikno igre nogu iara.’ Eghuteuna mare ginauna cheke eghu, ‘Lord na nomi God ghehati.’ ”

Matiu 25:1

Mae Jisas ne cheke eghu, “Ka narane leghu lahu na, nafnata puhi God te funei frunidi nogna naiknore igne jateula cheke nabadi nabotho gaꞌase te mala loku sisi ka tholaghi ia eghu. Uve, nabotho gaꞌase igre neke tei ofoni mae mala tolaghi na. Rehati ne hata nodi jutare baludi.

Luku 10:18

Mae Jisas ne cheke eghu, “Iara neke filonihi mae Satan, mana theo nogna nolaghi ne khoko soru funugna kligna jateula nakafli neu ka maloa gne.

Letas Teke Rioriso Mae Jud 1:13

Nafnata naikno igre tahati filodi koba puhidi te diꞌare. Naikno tuare jateula galo te pulei mei kmana chara ka glilihi ia eghu, ba jateula nathunu te tei kokodi vido mala audira eghu kolho. God la kulu tarabanahi namono te romno fara na mala audire, mare naꞌau papara fabrahu jare tifa tifa.

Thakle 1:20

Iagho filodi fitu nathunu te louloku iara fei khame nhetagu gre, nu iagho theome laseni gaoghathodi fitu nathunu igre. Uve, fitu nathunu igre gaoghathogna na hatimare mae engel ka fitu khiloau gre. Eghuteuna iagho jaola filodi fitu juta teke hohoro ka gol. Fitu juta igre gaoghathogna na eidi fitu khiloau tuare kolho.”

Thakle 12:4

Aonu sekogna na ne prosa ka maloa na ne khoko fatilogna nathunu na pari. Eghuteuna pholi na mei ne kegra ke ulugna gaꞌase te namo fakarha teu thugna na. Mana magnahaghei te ghamu thugna gaꞌase na kate karha mei majaghani na.

Thakle 14:7

Engel na ne cheke eghu fabiꞌo, “Ghotilo mala ghatho tahuni God nei mala pala hagheni nanghagna na, naugna nogna narane mana te mala fatedi naiknore la meihi. Eghume ghotilo mala pogho soru ranghini mae ihei teke vuavuhani kligna nei nauthoglu nei nhorora nei glokha kho'ure.”

Thakle 16:4

Aonu fatilo engel na ne tei ne totofa nogna dis na ke kligna khoꞌu ba glokha. Eghuteuna khoꞌu nei glokha teure jaola ne kafe dadara.

Thakle 6:13

Eghuteuna nathunu ka maloa na re jaola ne khoko soru pari jateula sisi gaju khebu te khoko pari ka nuri biꞌo ia eghu.

Thakle 8:7

Engel ulu lahu na ne ifu nogna khufli na. Aonu nakhete thina nei khaꞌaghi balu dadara ne thofa soru ka nauthoglu na. Eghuteuna ke lamnagna nauthoglu na, kaisei vido biꞌo gna glose baludi buburu te gnafa nei fatilo gaju gna nathua na ne nhako ka khaꞌaghi.

Thakle 9:1

Aonu falima engel na ne ifu nogna khufli na. Eghuteuna iara ne filoni kaisei nathunu khoko funu kligna ne soru ka nauthoglu na. Mare ne tusu lao kaisei ki ka nathunu igne mala tothora grengathagna glave te mamhara fara na. Glave igne namonodi naitu te au ka sosolo.

Thakle 9:15

Ka vido tuana, fafamno engel na ne snakre teidi fati engel igre mala aknu falehe fatilo naiknogna nauthoglu igne. Fati engel igre, mare neke kulu kaikalitihi tifa malagna narane gognaro gne ngala.

Thakle 9:18

Mare ne falelehe fatilogna naikno na ka thilo papara biꞌo igre ka khaꞌaghi, ka gagahu, nei ka thina ngaja eghu teke mei ka foflodi hose igre. Hose igre jaola falelehe naikno ka sekodire naugna sekodire au pha'u jateula mogo eghu, igre glepo te mala goigonidi naiknore.

Jajis 15:11

Aonu thilo thogha soldia di Juda tei ka gluma Etam ne cheke faheta eghu ka Samson, “Theome lasedi sagho maedi Filistia te funei fruni ghita tahati grea? Unha sagho te eni ka ghehati gnea?” Nu Samson ne cheke eghu, “Iara eni igne mala ke tughu fapulo unha teke eni mare ka iara na.”