Thakle 7:9 - Buka Blahi Ka Cheke Holo

⁹ Ke leghugna igne, iara ne filodi kmana naikno fara, te theome tangomana kaisei naikno te kahadire. Naikno igre mei funudi ka tharakna te gnafa nei ka vike te gnafa nei ka namono te gnafa nei ka cheke te gnafa teu ka nauthoglu igne. Mare ne kafe kegra ke ulugna nogna sape nafnakno mae King na nei ke ulugna Lam. Mare pipichi pohe vegha nei louloku grege thubo ka khamedire mala kilo fnaknoni God.

Thakle 7:9 Iomraidhean Croise

Jenesis 13:16

Iara ginauna na eni thumu iagho gre mala vuragha e thovu fara jateula nusu eghu. Jame la kahadi ngau mare u nusu igre ame tangomana nga mare te kahadi thumu iagho gre eghu!

Jenesis 49:10

Naikno nate karha mei ka vikemu iagho re ginauna mala au fabrahu ka sapegna king na. Eghuteuna naikno te gnafa re ginauna leghuni mae funei ka vikemu iagho na.

Nodi Khoje Hatimare Mae Jiu 2:8

Iagho tore ghau iara mala funei frunidi naikno te gnafa, nei namono te gnafa teu ka nauthoglu igne. Iara na snakre aridi ka iagho mala reireghidi iagho.

Nodi Khoje Hatimare Mae Jiu 22:27

Naikno te gnafa nei kokholo te gnafa teu kau nauthoglu igne ginauna nake pulo mei ka iagho mala tufru soru nigho.

Nodi Khoje Hatimare Mae Jiu 76:4

God, iagho thofno fnakno fara! Iagho fnakno fara jateula kaisei mae king te uludi nogna naokare ka magra teke pulo mei ka nolaghi biꞌora eghu.

Nodi Khoje Hatimare Mae Jiu 77:2

Kate thoke ghau puhi na iara tarai ka noda Lord. Funu grafi posa hamerane, iara ngafa haghe fabrahu khamegure ka tharai. Neuba, gaoghatho gu iara na theome nheta kolho.

Nodi Khoje Hatimare Mae Jiu 98:3

Mana tajini nogna nhaꞌa cheke na teke eni mana baludi nogna naikno Israel, naugna mana thofno namha ghita fabrahu. Naikno te gnafa ka namono te gnafa gre la lasenihi noda God tahati na uludihi hatimare mae naoka kau magra na.

Profet Jeremaea 16:19

Lord, iagho jateula nogu vido te keli mala poru eghu iara. Kate thoke mei hoholo biꞌo ka iara na, iagho reireghi ghau nei tusu ranghi ghau nolaghi. Naikno ka vido te gnafa ka nauthoglu igne ginauna mei cheke eghu ka iagho, “Kuꞌemi ghehati tifa ra neke pogho soru kolho ka tharumaꞌei mumuju te theome toghodi mare.

Profet Jeremaea 3:17

Ka narane igne naiknore ginauna kiloni namono biꞌo Jerusalem, nogna sape nafnakno Lord aheva nate gnokro mana jateula mae king. Eghuteuna naikno te gnafa ka nauthoglu igne ginauna salo fodu mei ka namono Jerusalem mala cheke fakelini nogu nafnakno iara Lord. Uve, naiknore ginauna theome maku jateula thina eghu nagnafadire mala eni fabrahu puhi te diꞌa na.

Profet Esikiel 47:5

Mana neke fafaja keha glima gobi mita, eghuteuna khoꞌu igne haghe ne vuhai kaisei khoꞌu biꞌo, iara te theome tangomana te nolo te kasa tagna na. Naikno na tangomana te apu tagna na, nu theome tangomana te tao kasa tagna na.

Profet Daniel 4:1

King Nebukadnesa ne fatei cheke ka naikno te gnafa, ka kantri te gnafa, ka kokholo te gnafa, nei ka cheke te gnafa teu ka nauthoglu igne. Mana ne cheke eghu: Pharikeli na au fabrahu ka ghotilo.

Profet Daniel 6:25

Eghuteuna ke leghugna igne, King Darius ne riso tei kaisei letas ka naikno te gnafa, nei ka vike te gnafa, nei ka cheke te gnafa teu ka kantri igne ne cheke eghu, “Phari keli na au ka ghotilo!

Profet Hosia 1:10

Mae profet ne cheke eghu ka naiknore, “Naiknodi Israel igre ginauna kmana fara jateula nusu ka gratha na are eghu. Ghotilo theome tangomana nate kahadire. Te chekeni agne na, ‘Gognarona, ghotilo theome nogu naikno iara.’ Nu mana ginauna cheke eghu ka ghotilo, ‘Ghotilo nogu naikno iara, eghuteuna iara nomi God ghotilo. Iara mae ihei te karha fabrahu tifa te tifa.’

Levitikas 23:40

Ka narane ululahu gna narane biꞌo igne, ghotilo mala hata mei famane sisi ka nomi gaju ghotilo ra, eghuteuna ghotilo mala hata khakladi gaju thubo, nei gregedi gaju te au kmana khaklagna, mala fufunu narane biꞌo igne. Eghuteuna ghotilo mala glealeꞌa nei ghatho tahu ghau iara Lord nomi God ghotilo.

Profet Sekaraea 10:8

Iara ginauna kilo meidi nogu naiknore mala salo fodu mei. Iara ginauna fakarhidi, eghuteuna mare te gnafa na mala kmana fara jateula tifa ra eghu.

Profet Sekaraea 2:11

Ka narane tuana kmana naikno ka keha kantri are ginauna mei ka iara Lord mala loku fodu balumi ghotilo nogu naikno iara ra, eghuteuna iara ginauna au balumi ghotilo gnafa.” Ka puhi igne, ghotilo ginauna lase ghau iara Lord mae ihei te au nolaghi fateote'o igne te kuru mei ghau iara ka ghotilo na.

Luku 12:1

Kaisei fata, kmana thogha thogha naikno ne khapru faligohoni mae Jisas mala fanomho ka mana ne ghilei tapla kligna naikno. Ame cheke nga mae Jisas ka naiknore teuna, mana ne kulu cheke eghu ka nogna mae fanomhore, “Fiofilo ghami ka puhidi mae Farasi gre. Mare chaghidi fara naiknore.

Luku 21:36

Eghuteuna ghotilo mala tarabana fabrahu. Tarai fabrahu eghu mala tangomana ghotilo te nheta teu te mala nabami te kafe rikhadi glepo te diꞌa fara nate mei ginau igre. Jaola ghotilo tarai fabrahu mala tangomana te mei kegra ke ulugu iara mae teke mei funu ka God.”

Jone 12:13

Eghume, mare ne tei pulei grege thubo mala tei thafoni mana ka nabrou na. Aonu, mare ne gleale'a fara kate filoni te mei mae Jisas na ne thagru eghu fabiꞌo, “Hosanna! Kilo fnaknoni God!” “God fablahini mana te mei ka nanghagna Lord!” “God fablahini nodi King mae Israel!”

Letas Teke Riso Tei Mae Pol Ka Khiloau Rom 11:25

Uve kheraguro, iara magnahaghe ghami te thofno laseni glepo biꞌo te poru igne, eigna glepo te poru igne ginauna togho ghami mala thosei fahaehaghe ghotilo. God ne fapatugamadi nagnafadi mae Jiu gre ghilei thokeni narane te mala ke pulo mei ka God hatimare mae iheire te theome Jiu teke vavahi mana gre.

Efesus 6:13

Eghume, gognaro na ghotilo fahaghe gobigna lepo te mala magra teke tusu ari God ka ghotilo ra. Eghuteuna ghotilo ginauna tangomana te fanograni mae naoka igne, neuba mana ne mei ka unha narane te mala eni ranghi ghami ghotilo glepo te diꞌa fara na. Eghuteuna kate magra te gnafa na, ghotilo ginauna kegra heta fabrahu.

Hibru 11:12

Neubane kuekuꞌe fara mae Ebraham ne namo lehe, naikno te karha ka vikegna mana re kmana fara jateula nathunu kau maloa, ba nusu ka thongna te theome tangomana te kahadi.

Hibru 12:22

Nu ghotilo la mei namohi ka kaisei namono majaghani, u thogele te kiloni Saion. Igne namono Jerusalem te au kligna na, nogna namono biꞌo God mae ihei te karha te tifa. Jare te au thogha thogha engel nogna God.

Thakle 11:15

Aonu fafitu engel na ne ifu nogna khufli na. Eghuteuna iara ne nomhidi cheke te mei funu kligna re, ne eha eghu fabiꞌo, “Nolaghi te mala funei frunidi naiknogna nauthoglu gne gognaro nogna noda Lord nei nogna Kraes. Mana ginauna funei frunidi fabrahu tifa tifa.”

Thakle 22:3

Eghuteuna gobigna lepo te diꞌare theome tangomana te au ke lamnagna namono biꞌo igne. Nu nogna sape nafnakno God nei nogna Lam eghu nate au ke lamnagna namono biꞌo igne. Eghuteuna nogna naikno gloku God re ginauna pogho soru ka mana.

Thakle 3:18

Nu te chekeni iara ka ghotilo na, ghotilo mala foli gol ka iara, mala thofno dedei tutuani nomi. Eghuteuna ghotilo mala foli pohe vegha ka iara, mala pipichi nei mala theome mamajadi thinimi te soesole are. Eghuteuna ghotilo mala jaola foli meresin ka iara mala nhaꞌa lao ka tathami te dofu are, mala tangomana teke fifilo fakeli na.

Thakle 4:4

Eghuteuna falithuni nogna sape nafnakno mae King na, varadaki fati sape nafnakno aula jare. Aonu ka sape nafnakno igre iara filodi varadaki fati mae biꞌo ka khiloaure ne gnokro neu ke klignadi. Eghuteuna mare pipichi pohe vegha, nei fahaghe khepi nafnakno teke hohoro ka gol.

Thakle 5:11

Kate filo lao iara na, iara ne nomhini khojedi kmana mola mola engel, theome tangomana te kahadi. Mare ne kegra falithuni nogna sape nafnakno mae King na baludi fati glepo te karhare nei hatimare mae biꞌo ka khiloaure.

Thakle 5:9

Mare ne kafe kojeni kaisei khoje te majaghani ranghini mae Lam na, ne cheke eghu, “Iagho nabamu te hata pepa na te mala hata koko loke are. Naugna mare neke falehe nigho, eghuteuna dadaragna glehemu iagho na kaisei fafara mala foli fajifladi nogna naikno God re. Naikno igre mei funudi ka vike te gnafa, ka cheke te gnafa, ka namono te gnafa nei ka kokholo te gnafa ka nauthoglu igne.

Thakle 6:11

Aonu mare ne tusu lao pohe vegha ka mae tharunga te gnafare, ne cheke eghu, “Ghotilo mala ofou katha vido kmoꞌei. Naikno khiloau te gnafa teke loku jateula ghotilo teu igre ginauna jaola na lehe jateula nomi mae naoka ghotilo teke falehe ghami ghotilo tifa ra eghu. Eghuteuna God ginauna nake foli fapulo ka mare nakarhami ghotilo te gnafare. Nu ulu lahu na ghotilo ofou ghilei kafe lehe naikno khiloau gre.”