Thakle 7:4 - Buka Blahi Ka Cheke Holo

⁴ Aonu iara ne nomhidi niha naikno te au nogna fagaglana God tadire, thokeni kaisei gobi phiatutu fati thogha naikno. Mare jifla mei ka vike te gnafa gna Israel.

Thakle 7:4 Iomraidhean Croise

Jenesis 15:5

Aonu Lord ne hata fajiflani mae Ebram kosi ne cheke eghu ka mana, “Filo haghe sagho ka maloa na. Jare na kmana nathunu fara te theome naba kaisei naikno te kahadire, eghume vikemu iagho re ginauna na jateula nathunu tuare eghu kmana fara.”

Eksodas 28:21

Ka puhi igne, mare na famamhaku nabotho phei thina te nabadi thugna Jekop, igre nabotho phei vikegna Israel. Eghuteuna ke kligna di nabotho phei thina igre, mare ghagra nanghadi nabotho phei thugna Jekop, eghuteuna thina te gnafa igre au kaisei nangha tagna.

Profet Esikiel 47:13

Lord God ne cheke eghu, “Igre nohigna glose te mala tufa ghotilo ka nabotho phei vikegna Israel. Phei vikegna Josep, phei vido glose.

Profet Esikiel 48:19

Neuba naikno te au ka namono igne ne kehare keha vikei, mare te gnafa na ginauna mala kafe loku nagare ngala ka glose igne.

Profet Sekaraea 9:1

Kaisei nogna cheke profet: Igne nogna cheke Lord ranghini glose Hadrak nei namono Damaskas. Lord filodi gobigna lepo vikegna Israel nei keha mae ka nauthoglu igne eghu te edi mare re.

Matiu 19:28

Mae Jisas ne cheke eghu ka mare, “Tutuani fara, te chekeni iara ka ghotilo na. Kate thoke mei nogna nauthoglu majaghani God na iara mae teke mei funu kligna na ginauna gnokro ka sape nafnakno. Eghuteuna ghotilo te gnafa te leghu ghau iara gre ginauna jaola gnokro ka nabotho phei sape nafnaknore. Eghuteuna ghotilo ginauna funei frunidi nabotho phei vikegna Israel.

Luku 14:22

“Kate ke pulo mei mae gloku na, mana ne cheke eghu, ‘Mae funei, unha te chekedi iagho mala edi iara teku ra iara la edihi, nu kmana vido kroghau lamna suga na.’

Luku 22:30

Eghuteuna ghotilo ginauna mala gnokro balugu iara ka tevo na mala ghamu nei koꞌu eghu ka nogu nauthoglu majaghani iara na. Ghotilo ginauna na gnokro ka sape nafnakno te mala fatedi nabotho phei vikegna Israel.”

Mae Khuru 26:7

Eghuteuna nabotho phei vikemi ghehati re neke pogho soru ka God bongi narane, naugna mare ofou mala filoni thoke meigna u nhaꞌa cheke igne. King Agripa, hatimare mae Jiu gre fathoro ghau iara gognaro na naugna iara jaola ofoni nhaꞌa cheke igne!

Letas Teke Riso Tei Mae Pol Ka Khiloau Rom 9:27

Mae Isaia ne eha eghu eidi maedi Israel, “Neuba naiknodi Israel gre ne kmana fara jateula nusu ka glilihi neu, God ginauna fakarhadi keha ghu kolho.

Jemes 1:1

Iara mae Jemes, nogna mae gloku God nei nogna Lord Jisas Kraes. Kubae ghami nogna naikno God te au heva heva ka nauthoglu gne.

Thakle 14:1

Aonu iara filo tei ne filoni Lam te kegra teu ke kligna gna Thogele Saion, eghuteuna kaisei gobi phiatutu fati thogha naikno kegra neu balugna mana. Nanghadi Lam ghe Kmagna re la kafe auhi ka greredire.

Thakle 14:3

Kaisei gobi phiatutu fati thogha naikno igre mare kegra ke ulugna God mae ihei te gnokro teu ka nogna sape nafnakno nei ke uludi fati glepo te karhare nei hatimare mae biꞌo ka khiloaure. Eghuteuna naikno igre ne kojeni kaisei khoje majaghani. God neke foli fajifladi naikno igre ka naikno te gnafa ka nauthoglu igne. Mare ngala te tangomana te kojeni khoje igne.

Thakle 7:5

Igre nanghadi vike te gnafa Israel re: mae Juda, mae Ruben, mae Gad, mae Asa, mae Naftali, mae Manase, mae Simion, mae Livae, mae Isakar, mae Sebulun, mae Josep, mae Benjamin. Ke lamnadi soasopai vike igre mae engel na ne lilisei fagaglana ka greredi nabotho phei thogha naiknore.

Thakle 9:16

Te nomhini iara ka mare na, tothoghei mae soldia te gnokro ka hose na mare kaikaliti mala tei ka magra, mare thokeni phei gobi mola.