Thakle 7:16 - Buka Blahi Ka Cheke Holo

¹⁶ Mare ginauna theome tangomana te rofo nei theome tangomana te roi koꞌu. Eghuteuna nabranagna naprai na nei nabranadi keha glepore eghu ginauna theome tangomana nate goigonidi mare na.

Thakle 7:16 Iomraidhean Croise

Nodi Khoje Hatimare Mae Jiu 121:5

Lord ginauna reireghi ghita, nei au baluda eghu.

Nodi Khoje Hatimare Mae Jiu 121:6

Uve, mana ginauna reireghi ghita bongi narane na.

Nodi Khoje Hatimare Mae Jiu 143:6

Gognaro na nakarhagu iara na thono jateula glose te mojara eghu. Eghume iara ngafa haghe khamegu na ka iagho balu tharai, naugna iara thono magnahaghei nigho iagho fara te jateula kaisei mae te magnahaghei koꞌura teuna.

Nodi Khoje Hatimare Mae Jiu 42:2

God, iagho God te karha, iara magnahaghei nigho iagho fara jateula mae ihei te moja graragna na te magnahaghei koꞌura eghu. God, niha nau te mala ari iara te mala kegra ke ulumu te mala tarai na?

Nodi Khoje Hatimare Mae Jiu 63:1

God, iagho nogu God iara. Iara magnahaghei nigho iagho fara te mala au fabrahu ka nakarhagu gne. Kate theomu iagho na, iara haimini ka nakarhagu na jateula glose te moja te theo khoꞌura eghu, eghume iara magnahaghei nigho iagho fara te mala au balugu iara.

Famane Khoje 1:6

Thosei filo fapari ghau iara naugna guligu iara gne ne pipito. Guligu iara gne nhogri, naugna thabusigu iara re diꞌatadi ka iara eghume mare huhuru ghau iara mala loku ka nagare grep ke lamna naprai te brana. Naugna igne te theome tangomana iara te reireghi fakelini thinigu thegu gne!

Profet Isaia 25:4

Lord, leuleghu fata kate thoke mei puhi biꞌo na, naikno te kuma baludi iheire te theo nodi nolaghi igre, ginauna rikha mei ka iagho mala poru. Iagho jateula vido keli mala poru eghu ka narane te thoke mei saeklon na, eghuteuna iagho jateula vido mala jemnu eghu kate brana naprai na, naugna iheire te paradi keha naikno igre, jateula nakhete biꞌo balu fila te soru mei ka nauthoglu ra eghu,

Profet Isaia 32:2

Mae igre jateula kaisei vido te rheta te mala poru ka nuri nei nakhete teura eghu. Mae igre ginauna na jateula glokha khoꞌu te fura haghe ka namono nagou ra eghu, ba jateula kaisei naungo thina biꞌo te mala poru ka naprai ra eghu.

Profet Isaia 41:17

“Nogu naikno iara igre tanhi mei ka iara mala toghodi, jateula mae ihei te kuma te magnahaghei fara khoꞌu ra eghu. Eghuteuna iara Lord, nodi God mae Israel, iara ginauna nomhidi nodi tharai re na theome ghatho ihodi.

Profet Isaia 49:10

Mare ginauna na theome ke rofo, ba roi koꞌu. Eghuteuna nabranagna naprai nei nuri teu igre ginauna theome goigonidi. Naugna iara ne kokhoni nogudi, iara ginauna batudi mala tei ka vido aheva te au khoꞌu te keli.

Profet Isaia 65:13

Eghume, igne unha te chekeni Lord na, “Nogu mae gloku iara re ginauna ima ghedi, eghuteuna ghotilo ginauna na rofo kolho. Nogu mae gloku iara re ginauna koꞌu ghedi, nu ghotilo ginauna roi koꞌu. Nogu mae gloku iara re ginauna glealeꞌa fara, nu ghotilo ginauna mamaja nomi fara.

Profet Jona 4:8

Eghuteuna kate haghe naprai na, God ne eni nuri te brana fara na ne ghaghafa mei ke maghati. Eghuteuna naprai na ne brana soru ka phaꞌugna mae Jona na ne glaꞌe soru mana. Aonu, mana ne cheke eghu, “Mala unha site karha teu iara gnea? Iara nabagu na mala lehe kolho!”

Matiu 13:21

Nu theome sukha pari ka nagnafagna mana na kolho, eghume theome au raugha kolho. Kate thoke mei puhi biꞌo ba naꞌau papara naugna te fatutuani ni chekegna God.

Matiu 13:6

Nu kate brana naprai na sisire ne kafe brango ne kafe lehe, naugna glathidire ne theome soru pari.

Matiu 5:6

Keli tadi iheire te magnahagheni fara te eni unha te keli te magnahagheni God. Naugna God ginauna toghodi mare te mala eni igne.

Nonomho Te Keli Teke Risoi Mae Mak 4:17

Eghuteuna mare theome snakreni farirhiu na mala tei au ka nagnafadire. Mare tathaji ka katha vido kmoꞌei kolho. Kate mei puhi biꞌo nei naꞌau papara naugna u cheke na teuna, mare ginauna na ghosei lisa kokoni nodi fatutuani na.

Nonomho Te Keli Teke Risoi Mae Mak 4:6

Nu kate brana naprai na sisire ne kafe brango. Sisire ne lehe naugna glathidire ne theome soru pari.

Luku 1:53

Mana toghodi iheire te rofo re mala fabohodi ka gano te keli. Mana brue fadelei iheire te dedei fara mala ke kuma.

Luku 6:21

Ghotilo te rofo gognaro ra, ghotilo tangomana te gleale'a na. Naugna ghotilo ginauna nake bohou. Ghotilo te tanhi gognaro ra, ghotilo tangomana te gleale'a na. Naugna ghotilo ginauna nake maꞌeu.

Jone 4:14

Nu ihei te koꞌu ka khoꞌu te tusu ranghini iara na, mana ginauna nake theome roi koꞌu. U khoꞌu nate tusu mei iara igne na jateula ngau glokha eghu na fura mei fabrahu ke lamnagna mana. U khoꞌu igne ginauna na tusu ranghini mana u karha fei tifa na.”

Jemes 1:11

Kate haghe naprai na, ginauna na brana e brana. Eghuteuna gaju tuare ginauna na brango ka nabrana gna naprai na, aonu chechenge gaju teke famane khuakhuda tuare ginauna na ghoꞌe khoko soru lehe. Na jateula tuana eghu mae ihei te dedei na. Kate loku teuna mana ginauna lehe kokodi nogna dedeire.

Thakle 21:4

Mana ginauna ghiha koko kholo te gnafa ka tathadire. Jare ginauna theo kaisei naikno tangomana teke lehe na, ba teke diꞌanagnafa na ba teke tanhi na ba teke papara na. Naugna glepo te gnafa tifa re la theohi.”