Thakle 6:4 - Buka Blahi Ka Cheke Holo

⁴ Aonu keha hose na ne jifla mei. Hose igne ukru fara. Eghuteuna kaisei mae te saghe ka thagrugna hose igne na, mare ne tusu lao kaisei naflahi biꞌo mala magra. Mana jaola ne hata nolaghi te mala fufunu magra ka nauthoglu igne, mala faghoreho fari thedi naiknore.

Thakle 6:4 Iomraidhean Croise

Nodi Khoje Hatimare Mae Jiu 17:13

God, mei sagho mala magra e tapla sorudi nogu naoka iara gre. Iagho hata nou naflahi na mala magra ka mare mala ke hata fapulo ghau ka khamedi mae te gnognoro gre.

Profet Daniel 5:19

Mana neke kaisei mae biꞌo fara. Eghuteuna naikno ka kantri te gnafa, ka kokholo te gnafa nei ka cheke te gnafa teu igre neke mhaghuni mana. Jame te magnahaghei faleheni ihei na, mana ginauna faleheni naikno tuana. Jame te magnahaghei fakarhini ihei na, mana ginauna fakarhini naikno tuana. Mana au nogna nolaghi te mala nhaꞌa hagheni ihei, ba te mala nhaꞌa faparini ihei.

Profet Sekaraea 1:8

Ka bongi, iara ne filoni kaisei mifi. Ka mifi igne iara ne filoni kaisei engel nogna Lord ne gnokro ka hose ukru te kegra ke paridi gaju ikoi te kiloni mare matel ka kaisei glogu ikoi. Ke leghugna mana keha mae gnokro ke kligna hose te ukru, nei hose te via, nei hose te vegha.

Profet Sekaraea 6:2

Iara filoni chariot ulu lahu na, hose ukru igre te korho na, eghuteuna fapea chariot, hose pipito igre te korho na.

Matiu 10:34

Mae Jisas ne cheke eghu ka mare, “Thosei ghathoni ghotilo na hata mei iara pharikeli na ka nauthoglu igne teuna. Theo, iara theome hata mei pharikeli na, nu iara mei mala magra naiknore fari thedi.

Matiu 24:6

Ghotilo ginauna nomhidi naogladi magra ka namono kmana te namo, nei thoutonudi magra ka namono delei. Nu thosei nanga nomi eghu. Naugna glepo tuare eghu nodiu ngala, nu narane leghu lahu na theome thoke mei ngau.

Jone 19:11

Mae Jisas ne cheke eghu ka mae Paelat, “Iagho theo kaisei nou nolaghi ke klignagu iara. Nu iagho tangomana te tupijuru ghau iara na, naugna God neke snakre nigho iagho te mala eni tuana. Nu mae ihei te snakre ghau iara ka khamemu iagho na, mana thono nakhibogna biꞌo fara ke tulao mu iaghoi.”

Thakle 12:3

Eghuteuna keha fagaglana biꞌo na ne thakle ka maloa na. Jare kaisei pholi biꞌo te ukru. Mana au fitu pha'ugna nei nabotho honagna. Ka soasopa pha'u igre mana au kaisei khepi nafnakno.

Thakle 13:10

Jame ihei teke snakreni God te mala tei ka suga sosolo na, tutuani mana ginauna mala au ka suga sosolo. Jame ihei teke snakreni God te mala lehe ka naflahi na, tutuani mana ginauna mala lehe ka naflahi. Eghume, te thoke mei puhi igre ka ghotilo na, ghotilo nogna naikno God ra mala kegra heta, nei mala fatutuani heta eghu ka God.”

Thakle 17:3

Aonu nogna nolaghi Tharunga te Blahi na ne mei ka iara eghuteuna engel na ne baubatu ghau iara ne tei ka kaisei namono nagou. Ka vido tuana iara ne filoni kaisei gaꞌase gnokro neu ke kligna gna kaisei bosu te ukru fara thinigna na. Bosu igne iko tongana nangha lausasaba ka thinigna na. Nangha igre thofno cheke faparini God. Eghuteuna aula fitu pha'u nei nabotho honagna.

Thakle 17:6

Eghuteuna iara ne filoni gaꞌase igne naꞌa ne dranga, eigna naꞌa ne koꞌu dadaradi nogna naikno God re. Naꞌa neke falehedi naikno khiloaure, naugna mare ne fatutuani ni mae Jisas. Aonu kate filoni iara te eghu naꞌa igne, iara ne jaglo nogu fara nei diꞌanagnafagu.