Thakle 6:2 - Buka Blahi Ka Cheke Holo

² Aonu iara ne filoni kaisei mae balugna kaisei phaloho nei kaisei jata, mana saghe ka hose vegha na ne jifla mei. Eghuteuna mare jaola ne nhaꞌa lao kaisei khepi nafnakno ka pha'ugna mana na. Mana saghe ne tei ka hose na jateula kaisei mae teke ulu kau magra eghu, eghuteuna mana saghe ne tei mala ke uluni keha magra na.

Thakle 6:2 Iomraidhean Croise

Nodi Khoje Hatimare Mae Jiu 110:2

Fufunu Jerusalem te tei posa ka keha vido are, mana ne tusu ari nolaghi biꞌo ka iagho neke cheke eghu, “Iagho na funei frunidi nou naokare.”

Nodi Khoje Hatimare Mae Jiu 76:7

God, naikno te gnafare kafe mhaghu nigho iagho. Kate diꞌatamu iagho na, theo kaisei naikno te frane te ari kegra ke ulumu iagho na.

Nodi Khoje Hatimare Mae Jiu 98:1

Tahati kojeni kaisei khoje majaghani mala koje kilo fnaknoni Lord, naugna mana edi glepo te biꞌo. Mana la uludihi nogna naokare kau magra. Uve, mana ulu ka nogna nolaghi te blahi nei nheta fara.

Profet Isaia 25:8

Lord ginauna bobotho fabrahu u glehe na, eghuteuna mana ginauna nuju koko kholo ka tathadi naikno te gnafare. Eghuteuna mana ginauna hata fadelei mamaja te au ka naiknogna na. Lord thegna ngala teke chekeni igne.

Profet Sekaraea 1:8

Ka bongi, iara ne filoni kaisei mifi. Ka mifi igne iara ne filoni kaisei engel nogna Lord ne gnokro ka hose ukru te kegra ke paridi gaju ikoi te kiloni mare matel ka kaisei glogu ikoi. Ke leghugna mana keha mae gnokro ke kligna hose te ukru, nei hose te via, nei hose te vegha.

Matiu 28:18

Ka narane igne, mae Jisas mei ne cheke eghu ka nogna mae fanomho re, “Mae Mama snakre meihi ka iara nolaghi te gnafa kligna nei pari.

Ululahu Korin 15:25

Eigna Kraes ginauna mala funei frunidi gobigna lepore ghilei thokeni narane God nate lisei soru nogna naoka Kraes re ke parigna nogna nolaghi na.

Thakle 11:15

Aonu fafitu engel na ne ifu nogna khufli na. Eghuteuna iara ne nomhidi cheke te mei funu kligna re, ne eha eghu fabiꞌo, “Nolaghi te mala funei frunidi naiknogna nauthoglu gne gognaro nogna noda Lord nei nogna Kraes. Mana ginauna funei frunidi fabrahu tifa tifa.”

Thakle 11:18

Naikno te tirodi fatutuani nigho re ne thofno diꞌatadi fara, nu gognaro la mei nou narane iagho te mala diꞌa tamu na. Igne narane mala fatedi naikno tela lehehira. Igne narane mala tabadi nou mae gloku hatimare mae profet ra baludi nou naikno te gnafa teke ghatho tahu nigho, neuba mare ne mae nafnakno ba theome mae nafnakno. Igne narane te mala paradi naikno teke goigonidi naiknogna nauthoglu igne.”

Thakle 14:14

Ke leghu na iara ne filoni kaisei grokho vegha, eghuteuna ke kligna gna grokho igne iara filoni kaisei mae jateula mae teke mei funu ka God eghu filogna na. Mana ne gnokro neu ke kligna gna u grokho na. Ka pha'ugna na au kaisei khepi nafnakno teke hohoro ka gol, eghuteuna ka khamegna na louloku kaisei naflahi thagho te fnonu fara.

Thakle 15:2

Aonu iara ne filoni kaisei nhorora jateula thiro balu khaꞌaghi eghu. Eghuteuna iara jaola ne filodi naikno te magra te tapla soruni bosu nei mumuju gna na nei mae te au figas nabagna nanghagna na. Mare ne kegra neu rhegna nhorora te jateula thiro teuna, eghuteuna mare ne hata gita teke tusu ranghidi God re.

Thakle 17:14

King igre balugna bosu na ginauna magra ka Lam. Nu Lam baludi nogna naikno teke vavahi nei kilodi teku thegna te mala au heta ka nodi fatutuani, ginauna tapla sorudi kolho. Naugna Lam na funei frunidi Lord te gnafa nei King te gnafa.”

Thakle 19:14

Hatimare mae soldia di klignare mare saghe ka hose vegha na tei ke leghugna mana, eghuteuna mare ne pipichi famane pohe te vegha nei siasigla fara eghu.

Thakle 3:21

Iheire te leghu ghau fabrahu te ghilei lehe na, iara ginauna snakreni mana mala funei fruni balugu iara. Naugna iara tapla sorudihi nogu naokare, eghuteuna iara gognaro na funei fruni balugna mae Mama.

Thakle 9:7

Eghuteuna cheche igre jateula hose te kaikaliti te mala tei ka magra ia eghu. Ka pha'udire mare fahaghe glepo teke hohoro ka gol jateula khepi eghu. Eghuteuna tathadire jateula tatha naikno eghu.