Thakle 5:5 - Buka Blahi Ka Cheke Holo

⁵ Nu kaisei mae biꞌo ka khiloau na ne cheke eghu ka iara, “Ghema, thosei tanhi. Filo sagho! Igne lion ka vikegna mae Juda. Mana neke karha mei ka vikegna mae King Devet mala baubatudi vikegna mae Juda, eigna mana la tapla sorudihi nogna naokare kau magra na. Eghume, mana nabagna te hata koko fitu loke igre te mala tothora pepa na.”

Thakle 5:5 Iomraidhean Croise

Fapea Kronikols 9:18

Sape nafnakno igne au namno step te mala haghe tagna na, eghuteuna nabotho phei mumuju lion te kegra sopa ka phei khukrudi namno step igre. Mare lilisei kaisei glepo pari ke ulu mala tapla king ke kligna gna. Mare edi glepo igre ka gol. Sape nafnakno igne au phei vido mala lilisei khame, eghuteuna phei mumuju lion khegrau jare, kaisei khegra ka keha phile na, eghuteuna kehana kegra ka keha phile na. Theo kaisei king ka nauthoglu igne teke eni kaisei sape nafnakno biꞌo jateula nogna mae Solomon igne teuna.

Thoutonu Eigna Mae Job 41:15

Ka thagrugna na, glepo jateula vido aean teu igre thofno toku tafruni.

Profet Isaia 11:1

Kaisei ing majaghani ka vikegna King Devet thugna mae Jesi ginauna kotu haghe jateula grege majaghani te kotu mei ka pikhu gaju teke kato soru mare pari tifara eghu.

Profet Isaia 11:10

Ka narane igne, king te jateula glathi ka vikegna King Devet teu igne, ginauna na jateula kaisei flagi eghu, mala tangomana naiknodi keha kantri are te mei filoni mana. Eghuteuna naikno te gnafare ginauna ghatho tahuni namonogna mana Jerusalem.

Profet Jeremaea 31:16

Nu iara ne cheke eghu: “Resel, thosei tanhi. Iagho famomoja kholodi tathamure, naugna iara ginauna tusu ranghi nigho glepo te keli eidi gloku te keli teke edi iagho ranghidi thumura. Goro sua igre ginauna jifla mei ka namonodi mae naokare mala ke pulo mei ka nodi namono na. Eghuteuna nakarhamu iagho na ginauna thofno keli fara.” Igne cheke gna Lord.

Profet Daniel 7:16

Aonu iara kegra haghe ne tei filoni kaisei engel kegra neu ka vido tuana. Iara ne cheke ka mana mala rurutha ranghi ghau gaoghathodi glepo igre. “Aonu mana ne cheke eghu ka iara,

Naba 24:9

Ghotilo jateula lion biꞌo te thuru gnafa nogna teu ia eghu. Uve, ghotilo jateula lion gaꞌase gna te thuru iho teu ia eghu. Mare mhaghu te tei mala fadofrani na. Jame kaisei mae fablahi ghami ghotilo, God ginauna jaola fablahini mana. Nu jame kaisei mae tibri ghami ghotilo mala thoke ghami hoholo teuna, God ginauna jaola tibrini mana mala thokeni hoholo.”

Luku 23:28

Nu mae Jisas figri ne cheke eghu ka reꞌe, “Ghotilo goro naikno biꞌomi Jerusalem. Thosei tanhi ghau iara, nu ghotilo tanhi ghami themi, nei goro thumire eghu.

Luku 7:13

Mae Jisas ne filoni naꞌa ne kokhoni nogna ni. Mana ne tei ka naꞌa ne cheke eghu, “Naikno biꞌo, thosei tanhi.”

Luku 8:52

Naikno te au ka suga tuana ne kafe tanhi balu diꞌanagnafa, naugna sua gaꞌase na la lehehi. Nu mae Jisas ne cheke eghu, “Thosei tanhi. Naꞌa theome lehe, nu naꞌa thuru au kolho!”

Jone 20:13

Phia engel igre ne cheke eghu ka Meri, “Naikno biꞌo, tanhi unha sagho ia?” Naꞌa ne cheke eghu, “Rehati ne atha fadelei thinigna nogu Lord iara na. Nu iara theome laseni aheva te tei lilisei rehati na.”

Letas Teke Riso Tei Mae Pol Ka Khiloau Rom 1:3

U Nonomho te Keli igne eigna Thugna Jisas Kraes noda Lord. Mana neke karha mei ka vikegna mae King Devet. Eghuteuna mana mae blahi jateula God eghu, eghuteuna God neke fakarha fapuloni mana ka nogna nolaghi biꞌo na nei mala laseni naiknore mana te thofno Thugna God na.

Letas Teke Riso Tei Mae Pol Ka Khiloau Rom 15:12

Eghuteuna mae profet Isaia ne cheke eghu, “Kaisei mae ka vikegna Jesi ginauna mei. Mana ginauna mei mala funei frunidi iheire te theome Jiu, eghuteuna mare ginauna rouronu ka mana mala toghodi.”

Hibru 7:14

Naugna tahati lasenihi, mae Jisas igne neke karha mei ka vikegna mae Juda. Eghuteuna mae Moses neke theome chekeni kaisei glepo eigna vike tuana kani teke cheke eidi mana hatimare mae pris.

Thakle 1:1

Igne buka thoutonu eigna narane God ginauna nate funei frunidi gobigna lepore. Glepo te au ke lamnagna buka igne theo kaisei naikno teke lasedi tifa re, nu gognaro na mae Jisas Kraes la famane fataklehi. Tutuani, God neke fatakleni igne ka mae Jisas mala ke tathakle mana ka nogna mae glokure eigna glepo igre na theome raugha thakle meidire. Kraes neke kuruni nogna engel na mala fatakle glepo igre ka iara nogna mae gloku na.

Thakle 22:16

“Iara mae Jisas, iara neke kuru ari ka ghotilo nogu engel na mala toutonudi glepo igre ka ghotilo te au ka khiloau are. Iara neke karha mei ka vikegna mae kuꞌeda Devet. Iara jateula nathunu rane te siasigla ia eghu.”

Thakle 3:21

Iheire te leghu ghau fabrahu te ghilei lehe na, iara ginauna snakreni mana mala funei fruni balugu iara. Naugna iara tapla sorudihi nogu naokare, eghuteuna iara gognaro na funei fruni balugna mae Mama.

Thakle 4:10

Kate kojeni mare khoje igne na, hatimare varadaki fati mae biꞌo ka khiloaure ne pogho soru ke ulugna mae ihei te gnokro teu ka nogna sape nafnakno mae King na. Mare tufru soru ne lilisei nodi khepi nafnaknore ke ulugna nogna sape nafnakno mae King na ne cheke eghu,

Thakle 4:4

Eghuteuna falithuni nogna sape nafnakno mae King na, varadaki fati sape nafnakno aula jare. Aonu ka sape nafnakno igre iara filodi varadaki fati mae biꞌo ka khiloaure ne gnokro neu ke klignadi. Eghuteuna mare pipichi pohe vegha, nei fahaghe khepi nafnakno teke hohoro ka gol.

Thakle 5:4

Ka vido tuana iara ne tanhi fabiꞌo, naugna mare ne theome filoni kaisei naikno nabagna te tothora te efra ke lamnagna pepa igne.

Thakle 6:1

Kate filo teu iara na, mae Lam na ne hata koko loke ulu lahu na ka fitu loke igre. Eghuteuna iara ne nomhini kaisei ka fati glepo te karha igre ne eha fabiꞌo jateula fila neu. Mana ne cheke eghu ka kaisei mae, “Mei sagho!”

Thakle 7:13

Aonu kaisei mae ka hatimare mae biꞌodi ka khiloau gre ne ghusna eghu ka iara, “Ghema, iheire si naikno te pipichi pohe vegha igrea? Neke mei funudi aheva?”