Thakle 4:9 - Buka Blahi Ka Cheke Holo

⁹ Glepo te karha igre ne koje ranghini mae ihei te gnokro teu ka nogna sape nafnakno mae King na, mae ihei te karha tifa tifa. Mare ne koje eghu, “Ghehati pala hagheni nanghamu na, fafnakno nigho, nei cheke fakeli nigho! Iagho au nolaghi ke klignadi gobigna lepo te gnafa ka nauthoglu igne!”

Thakle 4:9 Iomraidhean Croise

Nodi Khoje Hatimare Mae Jiu 47:8

God, nogna God mae Ebraham, te gnokro teu ka nogna sape nafnakno na mana funei frunidi naikno te gnafare. Mae lida di keha kantri are ginauna na salofodu mei mala kaisei ngala baluda tahati nogna naikno mana re. Mana au nogna nolaghi te mala tapla sorudi hatimare mae armi, eghuteuna mana ginauna kaisei nodi king naiknore.

Eksodas 15:18

“Lord, iagho ginau na funei fruni fabrahu tifa e tifa.”

Profet Isaia 6:1

Ka finogha te lehe King Usia igne, iara neke filoni kaisei mifi. Ka mifi igne, iara filo haghe ne filoni Lord mae ihei te fnakno fara te gnokro teu ka nogna sape nafnakno na, eghuteuna nogna phoko brahu mana na ne thafru Sugablahi igne.

Profet Daniel 12:7

Aonu mae te kegra teu ke mata khoꞌu igne ne ngafa haghe phei khamegnare ka maloa na ne nhaꞌa cheke ka nanghagna God mae ihei te karha te tifa igne. Iara ne nomhini mana te cheke eghu na, “Glepo igre ginauna na theome tughu nabagna thilo finogha namno nhigra. Kate theo nodi nolaghi nogna naikno God igre te mala magra na, glepo igre ginauna na jaola ari gnafa.”

Profet Daniel 4:34

Aonu King Nebukadnesa ne cheke eghu eidi narane igre, “Kate gnafa fitu finogha igre, iara mae Nebukadnesa filo haghe ka maloa kligna, eghuteuna gaoghathogu na iara neke snagla fapulo. “Aonu iara ne cheke fakelini God mae ihei te fnakno kligna lahu. Uve, iara ghatho tahuni nei pala hagheni eghu nanghagna mana te karha fabrahu tifa te tifa. Tutuani, God igne ginauna funei frunidi fabrahu naikno te gnafa ka nauthoglu gne.

Diutronomi 32:40

Iara karha fabrahu, eghuteuna iara eni kaisei nhaꞌa cheke eghu,

Hibru 7:25

Naugna igne mana gognaro te haghe na au nolaghi te mala fakarhadi naikno te mei ka God re naugna mare ne fatutuani ni mae Jisas. Mae Jisas tangomana te mala fakarhadi naugna mana karha fabrahu, eghuteuna mana mala taraidi mare ka God Kmada.

Hibru 7:8

Eidi mae pris te atha kaisei fabothodi gobigna lepo ka naiknore igre, mare mala lehe. Nu te chekeni ka grioriso te blahi na, mae Melkisedek gne mana e karha fabrahu tifa tifa.

Thakle 1:18

Iara mae ihei te karha tifa te tifa. Tutuani! Tifa na iara neke lehehi, nu gognaro na iara kela karha fapulo mala au fabrahu tifa tifa. Iara au nolaghi te mala cheke ranghini ihei te mala au ka glehe nei ihei te mala au ka karha na. Iara jaola au nolaghi te mala cheke ranghini ihei nate tei Hades ka namonodi naikno tela lehehira.

Thakle 10:6

Ka vido tuana, mana ne eni kaisei nhaꞌa cheke ka nanghagna God mae ihei te karha te tifa tifa. Tutuani, God neke vuavuhani kligna nei pari nei nhorora nei thua lepo te au ke lamnadi. Aonu engel na ne cheke eghu ka nanghagna God, “Ka narane nate ifu fafitu engel nogna khufli na, nogna gaoghatho God teke poru teku igre ginauna horoghoto tutuani. Igne u Nonomho te Keli teke chekeni mana tifa ka nogna mae gloku, hatimare mae profet ra. Narane te mala ofo na la gnafahi!”

Thakle 15:7

Ka vido tuana kaisei ka fati glepo te karha igre ne tusu lao ka fitu engel igre fitu dis teke hohoro ka gol. Dis igre fodu ka diꞌatagna God mae ihei te karha fabrahu tifa tifa.

Thakle 21:5

Aonu mae ihei te gnokro ka nogna sape nafnakno mae King na ne cheke eghu, “Filo sagho, iara nake hohoro famajaghani thua lepore!” Aonu mana neke cheke eghu ka iara, “Iagho rioriso soru cheke igre, naugna cheke igre thofno tutuani fara eghuteuna iagho tangomana te fatutuanidire.”

Thakle 4:2

Aonu nogna nolaghi Tharunga te Blahi na ne ghosei ne mei ka iara mala batuni gaoghathogu iara na. Eghuteuna iara ne filoni kaisei nogna sape nafnakno mae King te au kligna te gnokro teu kaisei mae tagna na.

Thakle 4:8

Fati glepo te karha igre sopa au namno baghi. Glepo te karha igre thinidire iko tongana ka tatha, ke lamna nei ke kosi. Bongi narane na mare theome gnafa te kojeni, “Blahi, blahi, blahi Lord God thofno nolaghi, teke au tifa, nei gognaro gne nei nake pulo mei nathuꞌu nauriha.”

Thakle 5:1

Aonu iara ne filoni kaisei pepa brahu te louloku fei khame nhetagna mae ihei te gnokro teu ka nogna sape nafnakno mae King na. Pepa brahu igne mare haru phei gaju ikodi ka phei philegnare neke piphiri. Mare te rioriso ka phei philegnare. Eghuteuna, mare famamhaku pepa igne ka fitu loke.

Thakle 6:16

Aonu mare ne eha eghu lao ka thogele nei ka thina teure, “Khoko soru ke klignami mala pophoru ghami ka ihei te gnokro kau nogna sape nafnakno mae King na ana nei ka mae Lam te diꞌatagna ana.

Thakle 7:15

Naugna igne mare kegra ke ulugna nogna sape nafnakno God na mala fafnaknoni mana. Mare theome gnafa bongi narane na pogho soru ranghini mana ke lamnagna nogna Sugablahi igne. Eghuteuna God mae ihei te gnokro ka sape nafnakno na ginauna au baludi mala reireghi fakelidi.