Thakle 4:7 - Buka Blahi Ka Cheke Holo

⁷ Glepo te karha ulu lahu na jateula kaisei lion eghu. Fapea na jateula kaisei sua buluka. Fatilo na jateula tatha naikno. Fafati na jateula gaghata biꞌo te flalo teu eghu.

Thakle 4:7 Iomraidhean Croise

Jenesis 49:9

Juda, iagho jateula kaisei lion majaghani te falelehe bosu te ghamu ghegna ra eghu, eghuteuna gnafa teuna gnokro soru me thuru nogna, eghuteuna theo kaisei naikno te frane te mala lao fadofrai ia eghu.

Fapea Samuel 1:23

Naiknore neke keli tadi fara ka mae Sol ghe mae Jonatan. Phiamare neke kaisei loku fodu fabrahu neke ghilei thokeni narane glehedina. Phei mae igre theidire flalo jateula gaghata, ba rheta jateula lion.

Proveb 28:2

Kate magra farithedi naikno gna kaisei kantri, ginauna au kmana mae biꞌo, nu mae te autagna gaoghatho te keli nei lalase teuna ngala te mae biꞌo kantri na, mana ginauna eni kantri igne mala kegra heta.

Profet Isaia 40:31

Nu iheire te rouronu ka Lord na, ginauna nake rheta fapulo. Uve, mare ginauna flalo ka maloa jateula gaghata eghu. Mare ginauna na lase chari, nu mare na theome tangomana te babaꞌo na. Eghuteuna mare ginauna nolo tei kate khaba, nu mare na theome tangomana te nigra na.

Profet Esikiel 1:10

Glepo karha igre au fati tatha foflo naikno ka phaꞌudire. Eghuteuna au tatha foflo lion fei khame nheta, eghuteuna tatha foflo buluka fei mairi, eghuteuna tatha foflo gaghata ke leghu.

Profet Esikiel 1:8

Glepo te karha igre kafe au fati tatha foflodi nei au fati baghidi, eghuteuna ke paridi baghire, mare au khame jateula naikno eghu.

Profet Esikiel 10:14

Engel igre kafe au fati foflo nei tatha. Kaisei na jateula foflogna nei tathagna eghu engel, eghuteuna fapea na jateula tathagna nei foflogna eghu naikno, eghuteuna fatilo na jateula tathagna nei foflogna eghu lion, eghuteuna fafati na jateula tathagna nei foflogna eghu gaghata.

Profet Esikiel 10:21

Mare te gnafa na sopa au fati tatha nei foflo, nei fati baghi, eghuteuna ke pari ka baghi igre mare au glepo jateula khame naikno eghu filodi re.

Profet Daniel 7:4

“Kaisei na jateula lion eghu, nu au phei baghigna jateula gaghata eghu. Eghuteuna kate filo teu iara na, kaisei mae mei ne hata koko phei baghi igre. Aonu mana pala haghe glepo igne ne fakegra haghe ka phei ghahegna te jateula ghahe naikno teu igre. Eghuteuna tusu lao gaoghatho tagna mala ghaoghatho jateula naikno eghu.

Profet Obadaea 1:4

Nu te chekeni iara ka ghotilo na, neuba ghotilo ne flalo kligna jateula gaghata neu, ba hohoro nomi suga fari hotei nathunu ka maloa kligna, iara ginauna koko soru ghami ghotilo pari.

Naba 23:24

Naikno igre nheta fara jateula lion biꞌo ra eghu. Uve, mare jateula lion te falehedi keha glepo mhata te mala ghamu nei koꞌu fahui teu dadaradi ra eghu.”

Naba 24:9

Ghotilo jateula lion biꞌo te thuru gnafa nogna teu ia eghu. Uve, ghotilo jateula lion gaꞌase gna te thuru iho teu ia eghu. Mare mhaghu te tei mala fadofrani na. Jame kaisei mae fablahi ghami ghotilo, God ginauna jaola fablahini mana. Nu jame kaisei mae tibri ghami ghotilo mala thoke ghami hoholo teuna, God ginauna jaola tibrini mana mala thokeni hoholo.”

Ululahu Korin 14:20

Kheraguro, puhimi ghotilo re mala klino jateula sua eghu. Thosei edi glepo te diꞌare. Nu ghotilo mala au jateula mae tela biꞌohi eghu ka puhimire ka khiloau gne, thosei ghaoghatho jateula mae sua eghu.

Diutronomi 28:49

“Lord ginauna hata mei kaisei armi gna kaisei kantri te khaba fara mala mei magra ka ghotilo. Nodi namono na au ka keha philegna nauthoglu igne, eghuteuna ghotilo theome laseni nodi cheke mare na. Mare ginauna mei ka ghotilo jateula kaisei gaghata te flalo te sukha ra eghu.

Thakle 4:6

Eghuteuna ke ulugna nogna sape nafnakno mae King na au glepo jateula nhorora eghu, nu jateula thiro eghu te tangomana iara te filo laoni. Aonu fati glepo te karha ne kegra falithui ka fati philegna nogna sape nafnakno mae King na. Glepo te karha igre au kmana tatha ka thinidire, ke ulu nei ke leghu.

Thakle 6:3

Aonu iara ne filoni mae Lam na ne hata koko fapea loke gna buka na, eghuteuna iara ne nomhini fapea glepo te karha na ne cheke eghu ka kaisei mae, “Mei sagho!”

Thakle 6:5

Mae Lam na ne hata koko fatilo loke na. Aonu iara ne nomhini fatilo glepo te karha na ne cheke eghu ka kaisei mae, “Mei sagho!” Iara filo lao ne filoni kaisei hose te pipito ne jifla mei. Eghuteuna mae te saghe ka hose na mana louloku kaisei skel ka khamegna na.

Thakle 6:7

Aonu mae Lam na ne hata koko fafati loke gna buka na, eghuteuna iara ne nomhini fafati glepo te karha na ne cheke eghu ka kaisei mae, “Mei sagho!”