Thakle 4:4 - Buka Blahi Ka Cheke Holo

⁴ Eghuteuna falithuni nogna sape nafnakno mae King na, varadaki fati sape nafnakno aula jare. Aonu ka sape nafnakno igre iara filodi varadaki fati mae biꞌo ka khiloaure ne gnokro neu ke klignadi. Eghuteuna mare pipichi pohe vegha, nei fahaghe khepi nafnakno teke hohoro ka gol.

Thakle 4:4 Iomraidhean Croise

Nogna Buka Esta 8:15

Mare ne fapichi lao ka mae Modikae pohe te jateula blu teu, ne pohei te vegha. Mare ne fapichi lao kaisei phoko ukru te brahu, nei kaisei khepi nafnakno te gol ka mana, aonu mana ne jifla mei ka suga gna king. Aonu naikno te gnafa ka vido te gnafa ke lamnagna namono biꞌo Susa igre ne kafe eha fabiꞌo balu gleale'a.

Nodi Khoje Hatimare Mae Jiu 21:3

Iagho mei balu nou nolaghi te biꞌo mala fablahini mana nei mala lilisei soru ka pha'ugna na u khepi nafnakno teke hohoro kau gol.

Matiu 19:28

Mae Jisas ne cheke eghu ka mare, “Tutuani fara, te chekeni iara ka ghotilo na. Kate thoke mei nogna nauthoglu majaghani God na iara mae teke mei funu kligna na ginauna gnokro ka sape nafnakno. Eghuteuna ghotilo te gnafa te leghu ghau iara gre ginauna jaola gnokro ka nabotho phei sape nafnaknore. Eghuteuna ghotilo ginauna funei frunidi nabotho phei vikegna Israel.

Luku 22:30

Eghuteuna ghotilo ginauna mala gnokro balugu iara ka tevo na mala ghamu nei koꞌu eghu ka nogu nauthoglu majaghani iara na. Ghotilo ginauna na gnokro ka sape nafnakno te mala fatedi nabotho phei vikegna Israel.”

Fapea Timoti 4:8

Eghuteuna gognaro na u taba te mala uluni iara na la kulu auhi. Uve, ka narane leghu lahu na Lord mae ihei te tangomana te mala fatedi naiknore ka puhi te doglo na, mana ginauna cheke eghu ka iara, “Iagho kaisei mae te doglo ke ulugu iara. Igne nou taba iagho na.” Eghuteuna mana ginauna na theome eni igne ka iara kolho, nu jaola ranghidi naikno te gnafa te ofoni teu ke pulo meigna mana na.

Thakle 11:16

Varadaki fati mae biꞌo ka khiloau te gnokro teu ka nodi sape nafnakno ke ulugna God igre turupuku ne pogho soru ka God.

Thakle 14:3

Kaisei gobi phiatutu fati thogha naikno igre mare kegra ke ulugna God mae ihei te gnokro teu ka nogna sape nafnakno nei ke uludi fati glepo te karhare nei hatimare mae biꞌo ka khiloaure. Eghuteuna naikno igre ne kojeni kaisei khoje majaghani. God neke foli fajifladi naikno igre ka naikno te gnafa ka nauthoglu igne. Mare ngala te tangomana te kojeni khoje igne.

Thakle 19:14

Hatimare mae soldia di klignare mare saghe ka hose vegha na tei ke leghugna mana, eghuteuna mare ne pipichi famane pohe te vegha nei siasigla fara eghu.

Thakle 19:4

Aonu varadaki fati mae biꞌo ka khiloaure baludi fati glepo te karha igre, mare turupuku ne pogho soru ka God mae ihei te gnokro teu ka nogna sape nafnakno na. Eghuteuna mare ne cheke eghu, “Amen! Tahati cheke fakelini God!”

Thakle 2:10

Ghotilo thosei mhaghuni kaisei glepo neubane para ghami mare. Filo si ghotilo! Satan ginauna fariuriu ghami ghotilo mala laseni te thofno leghuni mana kate lilisei ka suga sosolo keha naikno ka tothoghei ghotilo gne. Eghuteuna ghotilo ginauna au papara jare nabagna nabotho narane. Nu ghotilo mala fatutuani ghau iara ngala, neuba mare falelehe ghami ghotilo. Eghuteuna naugna te eni iagho igne, iara ginauna tusu ari nakarha te theo huigna na ka ghotilo, jateula mare te tusu lao taba biꞌo ka mae ihei te uluni fangenghele ia eghu.

Thakle 20:4

Iara ne filodi keha nodi sape nafnakno mae king. Tharungadi naikno teke kusu mare pha'udire tifa ra gnokro neu jare. Nogna naoka God re neke falehedi mare naugna mare neke fatutuani ni fabrahu chekegna God na nei toutonuni eigna u cheke tuana. Mae igre neke theome pogho soru ka bosu ba ka mumuju gna na. Eghuteuna mare jaola neke theome hata nogna fagaglana bosu na ka greredire ba ka khamedire. Nu mare neke karha fapulo mala funei fruni balugna Kraes kaisei thogha finogha.

Thakle 3:18

Nu te chekeni iara ka ghotilo na, ghotilo mala foli gol ka iara, mala thofno dedei tutuani nomi. Eghuteuna ghotilo mala foli pohe vegha ka iara, mala pipichi nei mala theome mamajadi thinimi te soesole are. Eghuteuna ghotilo mala jaola foli meresin ka iara mala nhaꞌa lao ka tathami te dofu are, mala tangomana teke fifilo fakeli na.

Thakle 4:10

Kate kojeni mare khoje igne na, hatimare varadaki fati mae biꞌo ka khiloaure ne pogho soru ke ulugna mae ihei te gnokro teu ka nogna sape nafnakno mae King na. Mare tufru soru ne lilisei nodi khepi nafnaknore ke ulugna nogna sape nafnakno mae King na ne cheke eghu,

Thakle 4:6

Eghuteuna ke ulugna nogna sape nafnakno mae King na au glepo jateula nhorora eghu, nu jateula thiro eghu te tangomana iara te filo laoni. Aonu fati glepo te karha ne kegra falithui ka fati philegna nogna sape nafnakno mae King na. Glepo te karha igre au kmana tatha ka thinidire, ke ulu nei ke leghu.

Thakle 5:11

Kate filo lao iara na, iara ne nomhini khojedi kmana mola mola engel, theome tangomana te kahadi. Mare ne kegra falithuni nogna sape nafnakno mae King na baludi fati glepo te karhare nei hatimare mae biꞌo ka khiloaure.

Thakle 5:14

Aonu ka vido tuana fati glepo te karha igre ne cheke eghu, “Amen!” Eghuteuna hatimare mae biꞌo ka khiloaure turupuku ne pogho soru ka phiamare.

Thakle 5:6

Aonu iara ne filoni kaisei Lam kegra teu ke ulugna nogna sape nafnakno mae King na farihoteidi fati glepo te karha igre nei hatimare mae biꞌo ka khiloau te kegra falithuini teu nogna sape nafnakno mae King na. Eghuteuna Lam igne jateula teke falelehehi mare eghu filogna na. Mana au fitu honagna nei fitu tathagna. Igre fitu tharunga keli nogna God teke kurudi mana te tei heva heva ka nauthoglu igne.

Thakle 5:8

Eghuteuna kate hata mae Lam pepa na, fati glepo te karha gre baludi hatimare varadaki fati mae biꞌo ka khiloaure mare ne pogho soru ke ulugna mae Lam ne kilo fnaknoni mana. Mare te gnafa na kafe hata gita biꞌo mala koje nei dis teke hohoro ka gol te fodu ka insens. Dis igre nodi tharai iheire te fatutuani ni God re.

Thakle 6:11

Aonu mare ne tusu lao pohe vegha ka mae tharunga te gnafare, ne cheke eghu, “Ghotilo mala ofou katha vido kmoꞌei. Naikno khiloau te gnafa teke loku jateula ghotilo teu igre ginauna jaola na lehe jateula nomi mae naoka ghotilo teke falehe ghami ghotilo tifa ra eghu. Eghuteuna God ginauna nake foli fapulo ka mare nakarhami ghotilo te gnafare. Nu ulu lahu na ghotilo ofou ghilei kafe lehe naikno khiloau gre.”

Thakle 7:11

Aonu hatimare mae engel re ne kegra falithuini nogna sape nafnakno mae King na nei falithuidi hatimare mae biꞌo ka khiloau nei fati glepo te karha igre. Mae engel re ne turupuku ke ulugna nogna sape nafnakno mae King na ne pogho soru ranghini God,

Thakle 7:9

Ke leghugna igne, iara ne filodi kmana naikno fara, te theome tangomana kaisei naikno te kahadire. Naikno igre mei funudi ka tharakna te gnafa nei ka vike te gnafa nei ka namono te gnafa nei ka cheke te gnafa teu ka nauthoglu igne. Mare ne kafe kegra ke ulugna nogna sape nafnakno mae King na nei ke ulugna Lam. Mare pipichi pohe vegha nei louloku grege thubo ka khamedire mala kilo fnaknoni God.

Thakle 9:7

Eghuteuna cheche igre jateula hose te kaikaliti te mala tei ka magra ia eghu. Ka pha'udire mare fahaghe glepo teke hohoro ka gol jateula khepi eghu. Eghuteuna tathadire jateula tatha naikno eghu.