Thakle 3:7 - Buka Blahi Ka Cheke Holo

⁷ Mae igne neke cheke eghu ka iara, “Iagho rioriso tei kaisei letas ranghini engel gna khiloau Filadelfia, eghuteuna iagho cheke eghu ka mana: Igre nogu cheke iara mae ihei te blahi nei taji fabrahuni teu nogu nhaꞌa cheke na. Iara au nolaghi te mala funei frunidi naiknore jateula mae King Devet tifa ia eghu. Tutuani iara au nolaghi te mala chekeni ihei te ruma haghe ka nogna nauthoglu majaghani God na, nei ihei nate theome ruma haghe jare na. Jateula iara te au kaisei ki ka khamegu na te mala tothora grengatha na ranghidi kehare nei bobotho ranghidi kehare teuna.

Thakle 3:7 Iomraidhean Croise

Thoutonu Eigna Mae Job 11:10

“Jame God mei lisei nigho ke lamna suga sosolo, eghuteuna mana fate nigho, ginauna unha nate eni iagho na?

Thoutonu Eigna Mae Job 12:14

Jame te paꞌe soru mana kaisei glepo na, ginauna na theo kaisei naikno na teke fakegra haghe na. Eghuteuna jame te lilisei mana kaisei naikno ka suga sososlo na, ginauna na theo kaisei naikno na teke hata fajifla na.

Nodi Khoje Hatimare Mae Jiu 145:17

Gobigna lepo te edi Lord gre thofno doglo fara, eghuteuna gobigna lepo te edi mana re falalase ranghi ghita te mae keli fara mana ka tahati na.

Nodi Khoje Hatimare Mae Jiu 16:10

Iagho ginauna na theome snakre tei ghau iara ka namonodi naikno tela lehehi ra. Iagho theome snakre ghau iara te mala boto ke lamna gluma na naugna iara ne namha nigho iagho.

Nodi Khoje Hatimare Mae Jiu 89:18

Lord God, iagho ngala te vahini naikno na te mala saghe leghu ghami ghehati na. Uve, iagho ngala te blahi na nei iagho ngala nomi God ghehati mae Israel, nei iagho ngala teke vahini mae king te mala funei fruni ghami ghehati na.

Profet Isaia 22:22

Iara ginauna vahini mae Eliakim mala kaisei mae biꞌo ka nogna gavman mae king, mae ihei nate karha mei ke leghugna mae King Devet. Eghuteuna iara ginauna tusu ranghini mana nolaghi te mala edi unha te magnahaghedi manare, eghuteuna theo kaisei naikno nate lhotini mana na.

Profet Isaia 30:11

Ghotilo mae profet ra thosei toutonuni mei ka ghehati. Ghehati theome magnahaghei te nomhidi thua nafnata cheke eigna God te Blahi gna Israel!’ ”

Profet Isaia 41:14

Neuba ghotilo mae Israel gre ne glaꞌe fara, ghotilo thosei mhaghu, naugna iara ginauna togho ghami ghotilo.” Igne chekegna Lord nodi thofno God te Blahi mae Israel mae ihei te fakarhi ghami ghotilo.

Profet Isaia 41:16

Jateula mae te koko haghe wit, eghuteuna pala nuri me tei koko delei chara gnare teura eghu. Jateula tuana eghu ghotilo ginauna mala khi teidi nomi naokare mala rikha, eghuteuna mare ginauna dofidi jare. Eghuteuna ghotilo ginauna cheke fakeli ghau iara Lord, nodi God te Blahi mae Israel.

Profet Isaia 41:20

Iara ginauna eni igne mala filoni nei laseni eghu naiknore te iara Lord nodi God te Blahi mae Israel teke vuavuhadi gobigna lepo fateote'o igre.”

Profet Isaia 47:4

God mae ihei te togho ghita igne, nanghagna na Lord mae ihei te au nolaghi fateote'o. Mana nodi God Blahi mae Israel.

Profet Isaia 48:17

Lord nodi God te blahi mae Israel, God mae ihei teke fakarhi ghami ghotilo igne ne cheke eghu, “Iara Lord, nomi God ghotilo. Iara na farirhiu ghami ghotilo mala naikno keli. Eghuteuna iara na batu ghami ghotilo ka nabrou aheva te mala leghuni ghotilo na.

Profet Isaia 49:7

Lord, God te Blahi mae ihei te fakarhini Israel. Mana cheke ka ihei te tirodini fara naiknore nei nogna mae gloku mae ihei te mala funei fruni. Lord ne cheke eghu, “Hatimare mae king ginauna filo nigho eghuteuna kegra haghe mala fafnakno nigho. Mae biꞌore ginauna jaola pogho soru mala kilo fnakno nigho. Glepo igre ginauna thoke mei, naugna Lord nodi God te Blahi mae Israel igne, theome huhughuni nogna nhaꞌa cheke na, eghuteuna mana vahi nighohi te mala nogna mae gloku na.”

Profet Isaia 54:5

Naugna iara jateula mae tholaghi eghu ka ghotilo, naugna iara neke vuavuha ghami ghotilo. Nanghagu iara na Lord, mae ihei te au nolaghi fateote'o. Eghuteuna iara nodi God te blahi mae Israel mae ihei te atha fasnagla ghami nei funei frunidi naikno te gnafa ka nauthoglu igne.

Profet Isaia 55:5

Iagho nogu mae gloku iara. Iagho ginauna kilo meidi naiknodi keha kantri teke theome lasedi iagho. Eghuteuna iheire teke theome lase nigho iagho igre ginauna chari mei ka iagho. Iara ginauna edi glepo igre mala thoke mei, naugna iara Lord nodi God te blahi mae Israel, iara fafnakno nigho.”

Profet Isaia 6:3

Mare kafe koje fodu eghu fabiꞌo: “Lord mae ihei te au nolaghi fateote'o, mae ihei te blahi fara! Nogna nolaghi biꞌo mana na siasigla ka vido te gnafa ka nauthoglu igne.”

Matiu 16:19

Iara ginauna na tusu ari ka iagho nolaghi mala jateula ki gna eghu grengathagna nogna nauthoglu majaghani God na. Eghume unha nate theome snakreni iagho ka nauthoglu igne, God ginauna theome snakreni la kligna. Eghuteuna unha nate snakreni iagho ka nauthoglu igne, God ginauna snakreni la kligna na.”

Matiu 24:35

Maloa ghe nauthoglu igre ginauna hui kolho, nu chekegu iara na ginauna na theo ka huigna.”

Nonomho Te Keli Teke Risoi Mae Mak 1:24

“Jisas, mae gna Nasaret, mala faꞌunha ghami ghehati neku sagho ia? Iagho jau mala mei fadiꞌa ghami ghehati neku sini! Iara lase nighohi iagho thofno mae blahi nogna God!”

Luku 1:32

Mana ginauna na kaisei mae funei biꞌo nei mare na kiloni mana ‘Thugna God mae te nolaghi te au kligna.’ Noda Lord God ginauna na tusu ranghini mana sapegna funei na mala jateula mae ku'egna King Devet eghu.

Luku 4:34

“Sei! Ghema Jisas gna Nasaret! Mala faꞌunha ghami ghehati sagho ia? Iagho jau mala mei fadiꞌa ghami ghehati neku sini! Iara lase nighohi, iagho thofno mae blahi nogna God!”

Jone 14:6

Mae Jisas ne cheke eghu ka mana, “Iara nabrou na, iara tutuani na, nei iara karha na. Jare na theo kaisei nabrou heva nga te mala tei te thoke ka Mama na, mei ka iara.

Mae Khuru 3:14

Tutuani, mana kaisei mae blahi nei doglo eghu, nu te chekeni ghotilo na ghotilo theome magnahagheni mana. Nu ghotilo toreni mae Paelat mala snakre ranghi ghau mae Barabas, kaisei mae te diꞌa teke falehe naikno ia.

Ululahu Jone 5:20

Eghuteuna tahati lasenihi Thugna God ne mei tusu ranghi ghita glalase mala laseni tahati thofno God. Eghuteuna tahati au balugna mae ihei te tutuani, tulao balugna mae Jisas Kraes. Mana thofno God nei mae ihei te tusu ranghi ghita u karha fei tifa na.

Thakle 1:11

Mana ne cheke eghu ka iara, “Ghema Jone, iagho rioriso soru unha teke filodi iagho re, eghuteuna fatei buka igne ka khiloau te au ka fitu namono igre, Efesus, Smana, Pegamum, Teatira, Sadis, Filadelfia, nei Leodisia.”

Thakle 1:18

Iara mae ihei te karha tifa te tifa. Tutuani! Tifa na iara neke lehehi, nu gognaro na iara kela karha fapulo mala au fabrahu tifa tifa. Iara au nolaghi te mala cheke ranghini ihei te mala au ka glehe nei ihei te mala au ka karha na. Iara jaola au nolaghi te mala cheke ranghini ihei nate tei Hades ka namonodi naikno tela lehehira.

Thakle 1:5

Eghuteuna khokofakasai nei pharikeli teu igre jaola mei funu ka mae Jisas Kraes mae ihei teke toutonuni chekegna God na ka thofno puhi te tutuani fabrahu tifa tifa. Mae ihei teke kulu karha fapulo kau glehe, nei au nolaghi ke klignadi hatimare mae king te gnafa ka nauthoglu igne. Mana namha ghita fara, nei lehe jateula kaisei fafara mala foli fajifla ghita gnafa ka nakhibo.

Thakle 15:3

Mare ne kojeni kaisei khoje teke rioriso mae Moses, nogna mae gloku God. Tutuani, mana kilo fnaknoni God naugna God neke toghodi mare ka nogna tothogho mae Lam, ne cheke eghu, “Nomi Lord God, te nolaghi fara, nou gloku iagho re thono biꞌo fara, eghuteuna ghehati ne jaglo nomi fara. Iagho nodi King namono te gnafa ka nauthoglu igne, eghuteuna puhimu iagho re doglo nei tutuani fara eghu.

Thakle 16:7

Aonu, iara ne nomhini kaisei cheke ne jifla mei funu ka olta na, ne cheke eghu, “Uve, tuana tutuani fara! Nomi Lord God te nolaghi fara, puhimu iagho te mala fatedi naiknore tutuani nei doglo eghu!”

Thakle 19:11

Aonu iara ne filoni maloa na ne thora, eghuteuna iara ne filoni kaisei hose vegha. Mae te saghe ka hose na nanghagna na, “Mae ihei te eni fakeli nogna gloku na, nei nogna cheke na doglo fabrahu.” Kate fatedi naiknore nei kate tei ka magra teuna, puhigna mana na jaola doglo fara kolho.

Thakle 19:2

Tahati cheke fakelini God! Naugna puhigna te mala fatedi naiknore tutuani nei doglo fara. Mana neke fatenihi namono biꞌo Babilon igne, ihei te goigonidi gaoghathodi naiknogna nauthoglu igne balu puhigna te gnognoro igne. God neke parani gaꞌase igne eigna naꞌa neke falehedi nogna mae gloku God re.”

Thakle 2:1

Mae igne ne cheke eghu ka iara, “Iagho rioriso kaisei letas ranghini engel gna khiloau Efesus, eghuteuna iagho cheke eghu ka mana: Igne nogu cheke iara mae te louloku fitu nathunu fei nhetagu, nei nonolo farihoteidi fitu juta teke hohoro ka gol gre teuna.

Thakle 21:5

Aonu mae ihei te gnokro ka nogna sape nafnakno mae King na ne cheke eghu, “Filo sagho, iara nake hohoro famajaghani thua lepore!” Aonu mana neke cheke eghu ka iara, “Iagho rioriso soru cheke igre, naugna cheke igre thofno tutuani fara eghuteuna iagho tangomana te fatutuanidire.”

Thakle 3:14

Mae igne neke cheke eghu ka iara, “Iagho rioriso tei kaisei letas ranghini engel gna khiloau Leodisia, eghuteuna iagho cheke eghu ka mana: Igne nogu cheke iara na mae ihei te mala falalase ari nogna nhaꞌa cheke God gre thofno tutuani fara. Eghuteuna iara kaisei mae mala toutonudi nogna cheke mana re ka thofno puhi te tutuani fabrahu tifa tifa. Eghuteuna gobigna lepo teke vuavuha God igre, neke mei funu ka iara.

Thakle 4:8

Fati glepo te karha igre sopa au namno baghi. Glepo te karha igre thinidire iko tongana ka tatha, ke lamna nei ke kosi. Bongi narane na mare theome gnafa te kojeni, “Blahi, blahi, blahi Lord God thofno nolaghi, teke au tifa, nei gognaro gne nei nake pulo mei nathuꞌu nauriha.”

Thakle 5:9

Mare ne kafe kojeni kaisei khoje te majaghani ranghini mae Lam na, ne cheke eghu, “Iagho nabamu te hata pepa na te mala hata koko loke are. Naugna mare neke falehe nigho, eghuteuna dadaragna glehemu iagho na kaisei fafara mala foli fajifladi nogna naikno God re. Naikno igre mei funudi ka vike te gnafa, ka cheke te gnafa, ka namono te gnafa nei ka kokholo te gnafa ka nauthoglu igne.

Thakle 6:10

Tharunga igre ne eha eghu fabiꞌo ka God, “Lord, iagho thofno blahi fara nei tajini fabrahu nou nhaꞌa cheke na. Thosei faraugha te mala fate falehedi naiknogna nauthoglu igne. Eigna mare ne jafra fara. Gognaro na iagho mala paradi mare, naugna mare neke falehe ghami ghehati!”