Thakle 3:5 - Buka Blahi Ka Cheke Holo

⁵ Iheire te leghu ghau iara fabrahu te ghilei lehe na, mare ginauna pipichi pohe vegha. Eghuteuna iara ginauna theome hata koko nanghadi teke rioriso ka nogu buka iara na. Iheire te au nanghadi ka nogu buka iara na igre na au fabrahu tifa tifa. Eghuteuna iara ginauna chekeni ke ulugna mae Mama nei ke uludi nogna engel mana re, ‘Naikno igre thofno nogu iara tutuani.’

Thakle 3:5 Iomraidhean Croise

Nodi Khoje Hatimare Mae Jiu 109:13

Ghehati magnahagheni mana nei iheire fateo eghu nate karha mei ka vikegna mana ginau re mala kafe lehe! Uve, ghehati theome magnahagheni kaisei naikno te ghatho fapuloni mana na.

Nodi Khoje Hatimare Mae Jiu 69:28

Te keli na iagho ghiha koko nanghadi mae naokare ka buka te au nanghadi naikno te au ka karhare, thosei kaha fodu baludi ka nou naikno iagho re.

Profet Malakai 3:17

“Aonu Lord mae ihei te au nolaghi fateoteꞌo igne ne cheke eghu, ‘Naikno igre mala nogu iara. Eghuteuna iara ginauna kokhonidi naikno igre jateula mae kmami ghotilo te kokhonidi thudi ra eghu.

Matiu 10:32

“Ihei te kegra ke uludi naiknore te chekeni ne fatutuani ghau iara teuna, iara ginauna cheke eigna mana ka mae Mama kligna, mana te nogu mae gloku iara na.

Luku 10:20

Nu ghotilo thosei gleale'a, naugna te leghu ghami naiture, nu ghotilo gleale'a naugna God na la riorisohi nanghami ghotilo re kligna.”

Luku 12:8

Mae Jisas ne cheke eghu, “Uve, te chekeni iara ka ghotilo na, jame kaisei mae kegra ke uludi keha naiknore eghuteuna cheke thakleni thegna te fatutuani ghau iara teuna, iara mae teke mei funu ka God na ginauna jaola cheke thakleni mana ka engel nogna God re mae tuana te nogu iara na.

Diutronomi 9:14

Iagho thosei lhoti ghau iara, iara ginauna goigonidi mare. Iara ginauna na theome snakreni kaisei naikno mala ke ghathodi mare. Eghume iara ginauna eni vikemu iagho na mala kaisei vike te biꞌo nei nolaghi fara eghu uludi mare.’

Filipae 4:3

Iara jaola tore nigho iagho thofno mae kheragu te keli ia mala toghodi repa ka puhi igne. Naugna repa igre loku heta balugu iara mala toutonuni u Nonomho te Keli eigna mae Jisas Kraes. Repa jaola loku heta balugna mae Klement nei baludi keha nogu mae gloku iara gre. God la kulu riorisohi nanghadire ka nogna buka na. U buka tuana kafe au nanghadi naikno nate athini u karha fei tifa na.

Letas Teke Rioriso Mae Jud 1:24

Uve, kaisei God ngala tangomana te reireghi ghami te mala leghuni fabrahu mae Kraes. Kaisei mana ngala tangomana hata ghami te tei ka nogna famane namono kligna na. Jare ghotilo ginauna na au gleale'a fara, naugna jare na ghotilo na theo kaisei glepo te jafra ke ulugna God.

Thakle 13:8

Aonu naikno te gnafa ka nauthoglu gne, mare ginauna pogho soru ranghini bosu te diꞌa tuana. Nu iheire teke rioriso soru nanghadire ka nogna buka God na, mare ngala nate theome pogho soruni bosu na. Igne nogna buka Lam, mae ihei God teke ghaoghaho eigna mana kani theome vuvuha nga teku nauthoglu gne te mala ginauna lehe ranghidi nogna naiknore.

Thakle 17:8

Bosu te filoni iagho igne tifa na neke karha, nu gognaro kela theome karha eghu. Eghuteuna bosu tuana ginauna theome raugha jifla mei ka glave te mamhara fara ana. Nu ke leghu na, God ginauna roꞌeni mana. Kmana naikno ka nauthoglu igne ginauna filodi kofubobhoi biꞌo nei jaglo nodi fara eghu gaoghathodire kate filoni bosu na. Tutuani, mare jaglo nodi naugna bosu igne tifa na neke karha eghuteuna gognaro na kela theome karha eghu, nu naꞌa ginauna nake pulo mei. Naikno igre theo nanghadi ka nogna buka God na. Kate vuavuhagna nauthoglu igne, God neke rioriso soru nanghadi naikno te mala karha fabrahu tifa tifa ka buka igne.

Thakle 19:8

Mare la tusu laohi ka khupi na pohe keli mala pipichi naꞌa, te vegha nei siasigla fara teuna.” Gaoghathogna pohe te keli igne, glepo te doglo teke edi nogna naikno God re.

Thakle 2:11

Ihei te magnahaghei te lase fakelini unha te chekeni iara na, mana fanomho fakeli ka unha te chekedi mae Tharunga te Blahi na ka khiloau igre. Iheire te leghu ghau iara fabrahu te ghilei lehe na, mare ginauna na theome au papara kate kafe au papara naikno te diꞌare kau khaꞌaghi te theo ka huigna.”

Thakle 2:7

Ihei te magnahaghei te lase fakelini unha te chekeni iara na, mana fanomho fakeli ka unha te chekedi mae Tharunga te Blahi na ka khiloau igre. Iheire te leghu ghau fabrahu te ghilei lehe na, iara ginauna snakredi mala ghamu sisigna gaju te tusu mei karha te kotu kau nagare te khuakhuda te au tagna God na.”

Thakle 20:12

Eghuteuna iara ne filodi naikno te gnafa teke lehe ra, mae teke fnakno ba mae teke theome fnakno tifa ra, mare kegra ke ulugna nogna sape nafnakno mae King na. Eghuteuna mare ne tothora bukare mala toutonudi unha teke edi teke mei naikno te gnafare ka nakarhadire. Aonu mare jaola ne tothora nogna buka God na. Mana neke rioriso soru nanghadi naikno te mala karha fabrahu tifa tifa ka buka igne. Mana ne kafe fatedi naiknore leghudi unha teke edi mare re.

Thakle 20:15

Eghuteuna ihei te theome rioriso soru nanghagna na ke lamnagna nogna buka God na, mala koko lao ke lamnagna kholo te deudeplu ka khaꞌaghi na.

Thakle 21:27

Nu glepo te thona ba naikno te edi unha te diꞌa ba te chaichaghi koba teu igre theome nabadi te mei ke lamnagna namono biꞌo igne. Nu naikno te rioriso nanghadire ka nogna buka Lam na igre ngala nate au fabrahu tifa tifa ke lamnagna namono biꞌo igne.

Thakle 22:19

Eghuteuna jame ihei te hata fadelei keha chekegna God te au ke lamnagna buka na igre, God ginauna theome snakreni mana te mala hata fablahi te chekeni ka buka igne. Mae tuana ginauna theome au ka namono blahi na nei mana ginauna na theome tangomana te hata kaisei sisi ka gaju te tusu meini u karha te theo ka gnafagna na.

Thakle 3:12

Iheire te leghu ghau fabrahu te ghilei lehe na, mare ginauna au balugna God fabrahu nei pogho soru ranghini mana tifa tifa. Iara ginauna rioriso ke klignadi nanghagna nogu God Mama, nei nanghagu thegu te majaghani na, nei nanghagna namono biꞌo Jerusalem. God ginauna kuru meini Jerusalem majaghani na funu kligna.

Thakle 3:4

Nu kehaghu kolho ka ghotilo jare Sadis te au doglo ke ulugna God te theome leghuni u puhi nakhibo na. Mare reireghi fakelidi thedi jateula kaisei mae te reireghi fakelidi nogna pohere te mala theome thona teu ia eghu. Mare ginauna pipichi pohe vegha eghuteuna mare ginauna na au balugu iara. Mare nabadi te eni igne naugna nodi gloku na keli fara ke ulugu iara.

Thakle 6:11

Aonu mare ne tusu lao pohe vegha ka mae tharunga te gnafare, ne cheke eghu, “Ghotilo mala ofou katha vido kmoꞌei. Naikno khiloau te gnafa teke loku jateula ghotilo teu igre ginauna jaola na lehe jateula nomi mae naoka ghotilo teke falehe ghami ghotilo tifa ra eghu. Eghuteuna God ginauna nake foli fapulo ka mare nakarhami ghotilo te gnafare. Nu ulu lahu na ghotilo ofou ghilei kafe lehe naikno khiloau gre.”

Ululahu Samuel 17:25

Mare ne kafe cheke eghu, “Ghotilo filoni mae ana, mana cheke fadiꞌa ghita tahati koba maeda Israel. King neke nhaꞌa chekehi te mala tusu lao kaisei taba biꞌo ka mae ihei te faleheni mae soldia gna Filistia tuana. Eghuteuna mana ginauna na jaola snakre lao thugna gaꞌase na mala tolaghi ka mana. Eghuteuna kmagna, thabusigna teu mana re ginauna theome mala foli takis.”