Thakle 3:4 - Buka Blahi Ka Cheke Holo

⁴ Nu kehaghu kolho ka ghotilo jare Sadis te au doglo ke ulugna God te theome leghuni u puhi nakhibo na. Mare reireghi fakelidi thedi jateula kaisei mae te reireghi fakelidi nogna pohere te mala theome thona teu ia eghu. Mare ginauna pipichi pohe vegha eghuteuna mare ginauna na au balugu iara. Mare nabadi te eni igne naugna nodi gloku na keli fara ke ulugu iara.

Thakle 3:4 Iomraidhean Croise

Ululahu Kings 19:18

Neuba, iara au fitu thogha naiknodi Israel te tirodi pogho soruni nei gnanghoni teu mumuju god Baal, eghuteuna mare ginauna theome lehe.”

Nogna Buka Esta 8:15

Mare ne fapichi lao ka mae Modikae pohe te jateula blu teu, ne pohei te vegha. Mare ne fapichi lao kaisei phoko ukru te brahu, nei kaisei khepi nafnakno te gol ka mana, aonu mana ne jifla mei ka suga gna king. Aonu naikno te gnafa ka vido te gnafa ke lamnagna namono biꞌo Susa igre ne kafe eha fabiꞌo balu gleale'a.

Nodi Khoje Hatimare Mae Jiu 68:14

Ka narane igne God mae ihei te au nolaghi te biꞌo na neke tapla sorudi hatimare mae king, aonu nhubradi hatimare armi ne chara ka thogele biꞌo Salmon neku.

Eklesiasti 9:8

Leuleghu fata na iagho pipichi ka pohe te keli, nei ghiha oel ka khaklamu na mala famane filomu na.

Profet Isaia 1:9

Jame Lord mae ihei te au nolaghi fateote'o igne theome fakarhidi keha naikno ka tahati meuna, tahati ginauna jame kafe luvu fahui jateula naiknodi phei namono biꞌo Sodom ghe Gomora tifa ra eghu.

Profet Isaia 52:1

Dofra haghe ghotilo naiknomi Jerusalem! Farerheta nagnafami are! Ghotilo mala fagae ghami themi ka namono blahi Jerusalem. Naugna naikno bongihehe baludi naikno te theome gae ka tathagna God igre ginauna theome ruma haghe ka namono Jerusalem.

Profet Isaia 61:10

Naiknodi Jerusalem igre ginauna cheke eghu, “Ka gaoghathomi fateote'o, ghehati thofno gleale'a fara, naugna Lord na nomi God ghehati. Puhi te fakarhi ghami, eghuteuna togho ghami mala leghudi puhigna te doglo teu igre ghehati thofno gleale'a fara jateula gaꞌase ghe nalhaꞌu te pipichi pohe te keli mala tolaghi teura eghu.

Profet Isaia 61:3

eghuteuna mala fameomegodi nei faglealeꞌadi eghu naikno te diꞌanagnafa ka namono Saion. Mare ghiha nakrofu ka phaꞌudire fagaglana gna nodi diꞌanagnafa na, nu mare ginauna nake gleale'au, jateula te fahaghe khepi nafnakno ra eghu. Tifa na mare neke diꞌanagnafa nei tanhi neku, nu ginauna mare na koje mala kilo fnaknoni Lord. Mare ginauna doglo ke ulugu iara jateula gaju ok te doglo teke joꞌu thegna Lord ra eghu. Eghuteuna mare te gnafa na ginauna kilo fnaknoni Lord eidi glepo te keli teke edi manare.

Profet Isaia 64:6

Ghehati te gnafa na kafe tapla jafra ka nakhibo, eghuteuna ghehati kafe thona fara ka tathamu iagho na. Eghuteuna puhi ne doglo teu te edi ghehati igre nu theome raꞌe keli jateula pohe te thona ra eghu thofno diꞌa parilahu ka tathamu iagho na. Tutuani, ghehati jateula khakla gaju te flalo te tei ka nuri ra eghu kolho.

Matiu 10:11

Kate posa ghotilo ka kaisei namono biꞌo ba kaisei namono ikoi, filoni kaisei naikno te keli mala taji nigho jare mala au ka sugagna mana na ke ghilei jifla ghotilo ka namono tuana.

Nonomho Te Keli Teke Risoi Mae Mak 16:5

Rehati ruma ka gluma na ne filoni kaisei mae majaghani te fahaghe phoko vegha gnokro neu ka gluma na. Mana gnokro neu fei nhetadi reꞌe. Rehati filoni mana ne mhaghu nodi fara.

Luku 20:35

Eghuteuna te mala au ka nauthoglu majaghani na, nalhaꞌu ba gaꞌase te nabadi ka karha fapulo ka glehere, mare ginauna theome tolaghi jare.

Luku 21:36

Eghuteuna ghotilo mala tarabana fabrahu. Tarai fabrahu eghu mala tangomana ghotilo te nheta teu te mala nabami te kafe rikhadi glepo te diꞌa fara nate mei ginau igre. Jaola ghotilo tarai fabrahu mala tangomana te mei kegra ke ulugu iara mae teke mei funu ka God.”

Mae Khuru 1:15

Keha narane ke leghudi igre, namo kaisei gobi varadaki naikno khiloau khapru fodu neu. Mae Pita kegra haghe ke lamnadi mare ne cheke eghu,

Fapea Tesalonika 1:5

Glepo igre thofno falalase puhigna God mala fatedi naiknore thofno doglo fara. Eigna God magnahaghei ghami ghotilo naba te mala au baludi naikno God te funei frunidi. Tuana gaoghathogna te au papara ghotilo gne.

Thakle 1:11

Mana ne cheke eghu ka iara, “Ghema Jone, iagho rioriso soru unha teke filodi iagho re, eghuteuna fatei buka igne ka khiloau te au ka fitu namono igre, Efesus, Smana, Pegamum, Teatira, Sadis, Filadelfia, nei Leodisia.”

Thakle 11:13

Ka vido tuanala ne kaisei nakheu biꞌo. Eghuteuna kaisei vidogna namono biꞌo na ne groꞌe, eghuteuna fitu thogha naikno ne lehe ka nakheu tuana. Eghuteuna naikno teke theome lehere mhaghu nodi fara ne cheke fakelini nanghagna God gna kligna na.

Thakle 14:4

Mae igre neke theome eni kaisei nakhibo jateula iheire te gnognoro. Nu mare au klino nodi fabrahu. Mare leghuni Lam fabrahu ka namono te gnafa aheva te tei mana na. God neke foli fajifladi ka naiknogna nauthoglu gne, mala thofno naikno malagna thegna nei malagna Lam.

Thakle 19:14

Hatimare mae soldia di klignare mare saghe ka hose vegha na tei ke leghugna mana, eghuteuna mare ne pipichi famane pohe te vegha nei siasigla fara eghu.

Thakle 19:8

Mare la tusu laohi ka khupi na pohe keli mala pipichi naꞌa, te vegha nei siasigla fara teuna.” Gaoghathogna pohe te keli igne, glepo te doglo teke edi nogna naikno God re.

Thakle 3:18

Nu te chekeni iara ka ghotilo na, ghotilo mala foli gol ka iara, mala thofno dedei tutuani nomi. Eghuteuna ghotilo mala foli pohe vegha ka iara, mala pipichi nei mala theome mamajadi thinimi te soesole are. Eghuteuna ghotilo mala jaola foli meresin ka iara mala nhaꞌa lao ka tathami te dofu are, mala tangomana teke fifilo fakeli na.

Thakle 3:5

Iheire te leghu ghau iara fabrahu te ghilei lehe na, mare ginauna pipichi pohe vegha. Eghuteuna iara ginauna theome hata koko nanghadi teke rioriso ka nogu buka iara na. Iheire te au nanghadi ka nogu buka iara na igre na au fabrahu tifa tifa. Eghuteuna iara ginauna chekeni ke ulugna mae Mama nei ke uludi nogna engel mana re, ‘Naikno igre thofno nogu iara tutuani.’

Thakle 4:4

Eghuteuna falithuni nogna sape nafnakno mae King na, varadaki fati sape nafnakno aula jare. Aonu ka sape nafnakno igre iara filodi varadaki fati mae biꞌo ka khiloaure ne gnokro neu ke klignadi. Eghuteuna mare pipichi pohe vegha, nei fahaghe khepi nafnakno teke hohoro ka gol.

Thakle 6:11

Aonu mare ne tusu lao pohe vegha ka mae tharunga te gnafare, ne cheke eghu, “Ghotilo mala ofou katha vido kmoꞌei. Naikno khiloau te gnafa teke loku jateula ghotilo teu igre ginauna jaola na lehe jateula nomi mae naoka ghotilo teke falehe ghami ghotilo tifa ra eghu. Eghuteuna God ginauna nake foli fapulo ka mare nakarhami ghotilo te gnafare. Nu ulu lahu na ghotilo ofou ghilei kafe lehe naikno khiloau gre.”

Thakle 7:9

Ke leghugna igne, iara ne filodi kmana naikno fara, te theome tangomana kaisei naikno te kahadire. Naikno igre mei funudi ka tharakna te gnafa nei ka vike te gnafa nei ka namono te gnafa nei ka cheke te gnafa teu ka nauthoglu igne. Mare ne kafe kegra ke ulugna nogna sape nafnakno mae King na nei ke ulugna Lam. Mare pipichi pohe vegha nei louloku grege thubo ka khamedire mala kilo fnaknoni God.