Thakle 21:3 - Buka Blahi Ka Cheke Holo3 Aonu iara ne nomhini kaisei cheke ne jifla mei ka nogna sape nafnakno mae King na, ne eha eghu fabiꞌo, “Filo si ghotilo, gognaro na God au baludi nogna naiknore. Tutuani fara, God thegna ginauna au baludi mala nodi God mare. Faic an caibideil |
Lord ne cheke eghu, “Maegna ka nauthoglu. Igne nogu sape nafnakno biꞌo iara te mala gnokro jateula king teuna. Iara ginauna au balumi ghotilo naiknomi Israel mala funei fruni fabrahu tifa tifa. Naiknodi balu nodi king, mare neke leghudi god te diꞌa, eghuteuna tarai ka mumuju te theo karha tadi, teke lisei haghe hatimare mae king ka vido blahi ra. Nu mare ginauna theome tangomana na teke lausasaba nanghagu iara te blahi na.
Eghuteuna iheire te karha teure, iara ginauna kafe paradi hui, mala tangomana mare te klino ka tathagu iara na. Ginauna na jateula mae te gahu silva nei gol ka khaꞌaghi te mala koko thona ra eghu. Aonu mare ginauna tarai mei ka iara, iara ginauna tangomana te nomhidi mare na. Eghuteuna iara ginauna cheke eghu, ‘Naikno igre nogu iara.’ Eghuteuna mare ginauna cheke eghu, ‘Lord na nomi God ghehati.’ ”
Nogna Sugablahi God na theome mala fodu ka mumuju. Jaola ghotilo laseni eigna tahati na nogna Sugablahi God mae ihei te karha te tifa! Naugna God neke cheke eghu, “Iara ginauna mala au baludi nogu naiknore, eghuteuna iara ginauna mala tei baludi. Iara ginauna mala nodi God mare, eghuteuna mare ginauna mala nogu naikno iara.”
Aonu iara ne nomhi kaisei cheke funu kligna, ne eha eghu fabiꞌo, “Gognaro na noda God la fakarha ghitahi! Mana ne falalasehi ka tahati nogna nolaghi te mala funei frunidi gobigna lepore, nei jaola falalasehi nogna Kraes te au nolaghi te mala funei frunidi. God la koko sorunihi mae Satan ka nauthoglu igne, mae ihei teke fathoro chaichaghidi naikno khiloaure ke ulugna God bongi narane.