Thakle 19:3 - Buka Blahi Ka Cheke Holo

³ Mare ne eha fabiꞌo ne cheke eghu, “Tahati cheke fakelini God! Naugna khujogna khaꞌaghi te nhako teu namono biꞌo na ne haghe fabrahu theome tangomana te gnafa na.”

Thakle 19:3 Iomraidhean Croise

Jenesis 19:28

Mae Ebraham ne filo soru ka phei namono biꞌo Sodom ghe Gomora igre nei ka sare te gnafa ka Khoꞌu biꞌo Jordan. Mana ne filoni gagahu na ne haghe ka namono na jateula gagahu khaꞌaghi biꞌo neu.

Nodi Khoje Hatimare Mae Jiu 104:35

Jame te keli na mana goigonidi mala theo nafudi kolho naikno te diꞌa ka nauthoglu igne, mala theo ngala kaisei naikno ka mare te karha na. Iara magnahaghei fara te kilo fnaknoni Lord fabrahu! Uve, iara mala kilo fnaknoni mana!

Profet Isaia 34:10

Khaꞌaghi igne ginauna theome lehe, eghuteuna gagahu gna na ginauna kujo fabrahu bongi narane. Neubane karha mei naikno kmana ke leghu, nu theo kaisei naikno nate nolo ka namono igne. Uve, namono igne ginauna eghu fabrahu tifa tifa, naugna la thofno diꞌa fara pari lahu.

Letas Teke Rioriso Mae Jud 1:7

Ghotilo jaola ke ghatho fapulodi phei namono biꞌo Sodom ghe Gomora nei keha namono te au faligohodi phei namono biꞌo tuare. Naiknodi namono igre neke jafra jateula engel te jafra teke theome leghuni God igre neku. Naugna namono igre fodu ka gnognoro, eghuteuna mae nalha'udire neke gnognoro fari thedi. Aonu mare neke au papara ka khaꞌaghi te theo ka glehegna na. Eghume mae igre kaisei fagaglana mala filoni tahati hui.

Thakle 14:11

Eghuteuna gagahugna khaꞌaghi te paradi mare na ginauna haghe fabrahu tifa tifa. Iheire fateo te pogho soru ka bosu nei mumuju gna nei lilisei fagaglana gna nanghagna mana teuna, mare ginauna theome gnafa ka papara bongi narane.”

Thakle 18:18

Eghuteuna kate filoni mare khujogna khaꞌaghi te nhako teu namono na, mare ginauna eha eghu, “Icho idomi, theo kaisei namono biꞌo te nanaba ka namono biꞌo igne na!”

Thakle 18:9

Kmana mae king neke eni puhi te diꞌa balugna naꞌa nei neke gleale'a fara te hata gobigna lepo te keli fara ka naꞌa. Tutuani mare ginauna tanhi fara nei diꞌanagnafa fara eghu, kate filoni khujogna khaꞌaghi te nhako namono igne.

Thakle 19:1

Ke leghudi glepo igre, iara ne nomhidi kmana naikno te au klignare ne eha eghu fabiꞌo, “Tahati cheke fakelini God! Noda God mae ihei teke fakarhi ghita, nanghagna na fnakno fara, nei mana au nolaghi biꞌo!

Thakle 19:4

Aonu varadaki fati mae biꞌo ka khiloaure baludi fati glepo te karha igre, mare turupuku ne pogho soru ka God mae ihei te gnokro teu ka nogna sape nafnakno na. Eghuteuna mare ne cheke eghu, “Amen! Tahati cheke fakelini God!”