Thakle 17:5 - Buka Blahi Ka Cheke Holo

⁵ Ka greregna na jaola au kaisei nangha te theome laseni nga teu gaoghathogna na, ne cheke eghu, “Namono biꞌo Babilon, idodi thau vine te gnafa nei puhi chara te gnafa ka nauthoglu igne.”

Thakle 17:5 Iomraidhean Croise

Profet Isaia 3:9

Naikno igre theome jafra ka naiknodi Sodom tifa ra. Mare theome mamaja te eni puhi te diꞌa na ka tathadi keha naiknore. Kokhonidi fara naikno igre, naugna mare ei puhi biꞌo ranghidi thedi.

Profet Esikiel 16:35

“Jerusalem, iagho gaꞌase vine kolho! Faghano fanomho mei ka nogna cheke Lord igne!

Filipae 3:19

Kate lehedire, naikno tuare ginauna tei ka vido te mala au papara na. Naugna nafnata naikno tuare ne khogla fakelidi kolho thinidi thedire. Neuba ngau, naikno tuare theome mamajadi nakarhadi te diꞌare, nu gleale'adi ngala puhi diꞌa te edi thedire. Naugna mare ghatho tahuni kolho puhigna u nauthoglu igne.

Fapea Tesalonika 2:7

Nogna nolaghi mae mala huhughuni vetula na igne loku ka nauthoglu gne gognaro na. Nu mana poru ghilei thokei narane God nate hata fadeleini ka nabrou na mae ihei te fanogra te theome edi glepo igre.

Thakle 1:20

Iagho filodi fitu nathunu te louloku iara fei khame nhetagu gre, nu iagho theome laseni gaoghathodi fitu nathunu igre. Uve, fitu nathunu igre gaoghathogna na hatimare mae engel ka fitu khiloau gre. Eghuteuna iagho jaola filodi fitu juta teke hohoro ka gol. Fitu juta igre gaoghathogna na eidi fitu khiloau tuare kolho.”

Thakle 11:8

Eghuteuna thinidi phia mae igre ginauna thuru jare ka nabrou biꞌo gna namono na, eigna tifa na mare neke tupijuruni nei faleheni neku nodi mae funei phiamare na ka gaju fafatha. Nanghagna namono biꞌo igne, Sodom ba Ijep. Igne kaisei cheke naba eigna namono biꞌo Jerusalem.

Thakle 14:8

Aonu fapea engel na leghuni engel ulu lahu na ne cheke eghu, “Namono biꞌo Babilon te fnakno ia la groꞌehi! Naꞌa la diꞌahi! Puhidi naiknogna namono Babilon te gnognoro fara ra jaola khasidihi naikno ka namono te gnafare la theome doglo ka puhidire.”

Thakle 16:19

Aonu namono biꞌo Babilon na ne fnota ka thilo vido. God ne ghathodi nakhibo te gnafa teke edi naiknodi Babilon re. Aonu mana ne paradi fara naiknore. Eghuteuna keha namono te gnafare ka nauthoglu igne jaola ne phaꞌe soru pari.

Thakle 17:1

Kaisei mae ka fitu engel igre ne hata fitu disire ne mei ka iara ne cheke eghu, “Mei sagho, mala falalase nigho iara papara nate eni iara ka namono biꞌo Babilon te au rhedi khoꞌu te kmana igre. Namono igne fodu ka nakhibo jateula kaisei gaꞌase vine eghu.

Thakle 17:2

Hatimare mae king te gnafa ka nauthoglu igne mare la enihi puhi te diꞌa na ka naꞌa. Tutuani, naiknogna nauthoglu igne ne fodu ka nakhibo naugna mare ne leghuni fabrahu puhigna naꞌa te diꞌa na.”

Thakle 17:7

Engel na ne ghusna eghu ka iara, “Ghema, naugna unha site jaglo nou fara iagho gnea? Iara ginauna cheke thakleni gaoghathogna cheke te poru eigna gaꞌase igne. Iara ginauna jaola cheke eigna bosu te au fitu pha'ugna nei nabotho honagna teu te palani te tei gaꞌase ana.

Thakle 18:2

Mana ne eha eghu fabiꞌo, “Namono biꞌo Babilon te nafnakno fara ia, la groꞌehi! La diꞌahi! La sugadihi naitu te gnafa nei namonodihi nanghaji te diꞌa te gnafa!

Thakle 18:21

Aonu kaisei engel te nolaghi na ne hata kaisei thina biꞌo ne koko soru ka thongna na ne cheke eghu, “Babilon, iagho namono biꞌo. Ka puhi jateula igne eghu kolho, mare ginauna koko soru nigho mala luvu fabrahu kolho iagho.

Thakle 19:2

Tahati cheke fakelini God! Naugna puhigna te mala fatedi naiknore tutuani nei doglo fara. Mana neke fatenihi namono biꞌo Babilon igne, ihei te goigonidi gaoghathodi naiknogna nauthoglu igne balu puhigna te gnognoro igne. God neke parani gaꞌase igne eigna naꞌa neke falehedi nogna mae gloku God re.”

Thakle 7:3

Mana ne cheke eghu ka fati engel re, “Thosei goigonini glose ba gaju ba nhorora. Ghehati na kulu lilisei fagaglana ka greredi iheire te loku fabrahu ranghini noda God.”