Thakle 17:1 - Buka Blahi Ka Cheke Holo

¹ Kaisei mae ka fitu engel igre ne hata fitu disire ne mei ka iara ne cheke eghu, “Mei sagho, mala falalase nigho iara papara nate eni iara ka namono biꞌo Babilon te au rhedi khoꞌu te kmana igre. Namono igne fodu ka nakhibo jateula kaisei gaꞌase vine eghu.

Thakle 17:1 Iomraidhean Croise

Profet Isaia 1:21

Ghotilo naiknomi Jerusalem! Tifa na ghotilo neke leghuni fara chekegna Lord na, nu gognarona ghotilo tiromini mana jateula gaꞌase vine te tirognani khetogna na ia eghu. Ulu lahu na puhidi naiknogna namono igne neke doglo fara, nu gognarona mare la thofno diꞌa fara. Tutuani, naikno te falehe naikno igre la jaola kmana fara.

Profet Isaia 57:3

Lord ne cheke eghu, “Nu ghotilo thudi naikno te diꞌara, nei vikedi iheire te loku ka naitu ra, nei iheire te tolaghi pedo ra, nei gaꞌase vine ra eghu ghotilo mei mala fate ghami iara!

Profet Jeremaea 2:20

Lord ne cheke eghu, “Funu tifa te mei na, iara neke tei koko ghami ghotilo, eigna nakarha te diꞌa te eni ghotilo igne jateula naikno sneka eghu. Nu ghotilo tiromi te loku ranghi ghau iara na. Ghotilo tei koko ghauhi iara, eghuteuna gognarona ghotilo tarai tafri kolho ka keha god te chaichaghi igre ke kligna thogele nei ke pari gaju. Ghotilo jateula gaꞌase vine te tei kokoni khetogna na ia eghu.

Profet Jeremaea 51:13

Ghotilo naiknomi Babilonia te au ka vido te kmana khoꞌu nei dedei fara teu ra. Nu nomi narane ghotilo te mala au papara na la namo meihi.

Profet Esikiel 31:4

Gaju igne au kmana khoꞌu, eghuteuna glokha khoꞌu te loloro ke pari glose igne toghoni gaju igne mala kotu brahu tei kligna. Khoꞌu biꞌo te jifla mei funugna ka glokha igne loloro tei faligohoni pesigna gaju igne, eghuteuna kmana khoꞌu ikodi jaola tei ka keha gaju ka namhata na are.

Luku 24:32

Phiamare ne cheke eghu fari thedi, “Tore, kate toutonu mana ka tapa ka nabrou ia, mana neke rurutha fakeli ka tapa thofno gaoghathodi gobigna lepo ka grioriso te blahi ra. Eghuteuna kate nomhi tapa igne, tapa ne keli tada fara!”

Luku 9:30

Eghuteuna phei mae megei nga ne thakle mei, mae Moses ghe mae Elija. Phiamare ne phae ka siasigla gna nogna nolaghi biꞌo God na ne toutonu neu balugna mae Jisas eigna narane te mala jifla kokoni mana nauthoglu igne, nei glepo teke ghathoni God na ginauna edi Jerusalem.

Thakle 1:1

Igne buka thoutonu eigna narane God ginauna nate funei frunidi gobigna lepore. Glepo te au ke lamnagna buka igne theo kaisei naikno teke lasedi tifa re, nu gognaro na mae Jisas Kraes la famane fataklehi. Tutuani, God neke fatakleni igne ka mae Jisas mala ke tathakle mana ka nogna mae glokure eigna glepo igre na theome raugha thakle meidire. Kraes neke kuruni nogna engel na mala fatakle glepo igre ka iara nogna mae gloku na.

Thakle 15:1

Ke leghu na iara ne filoni kaisei fagaglana biꞌo ka maloa na, ne jaglo nogu fara. Iara ne filodi fitu engel re ne hata ne mei fitu papara biꞌo. Igre papara leghu lahure. Naugna kate gnafa igre ginauna, diꞌatagna God na, na jaola gnafa.

Thakle 16:19

Aonu namono biꞌo Babilon na ne fnota ka thilo vido. God ne ghathodi nakhibo te gnafa teke edi naiknodi Babilon re. Aonu mana ne paradi fara naiknore. Eghuteuna keha namono te gnafare ka nauthoglu igne jaola ne phaꞌe soru pari.

Thakle 18:1

Ke leghudi glepo igre, iara ne filoni keha engel na ne soru mei funu kligna. Engel igne au nolaghi biꞌo, eghuteuna siasigla gna nogna nolaghi mana na ne siasigla faligohoni mana, ne tei thoke ka namono te gnafa ka nauthoglu igne.

Thakle 19:2

Tahati cheke fakelini God! Naugna puhigna te mala fatedi naiknore tutuani nei doglo fara. Mana neke fatenihi namono biꞌo Babilon igne, ihei te goigonidi gaoghathodi naiknogna nauthoglu igne balu puhigna te gnognoro igne. God neke parani gaꞌase igne eigna naꞌa neke falehedi nogna mae gloku God re.”

Thakle 19:9

Mae engel na ne cheke eghu ka iara, “Rioriso soru sagho cheke igre, ‘Naikno teke kilodi God te mala mei ka gaghamu tholaghi gna Lam na, mare tangomana te gleale'a na.’ ” Eghuteuna engel na neke cheke eghu ka iara, “Cheke igne thofno chekegna God.”

Thakle 21:15

Engel te cheke mei ka iara igne au kaisei gaju brahu te horo ka gol mala fafaja namono biꞌo igne balugna gringni thina na, nei nabotho phei grengatha re eghu.

Thakle 21:9

Aonu kaisei engel ne mei ka iara. Igne kaisei mae ka fitu engel teke hata fitu dis te fodu ka fitu papara leghu lahu ra. Mana ne cheke eghu ka iara, “Mei sagho mala falalase nigho iara gaꞌase khetogna Lam na.”

Thakle 4:1

Ke leghudi glepo igre, iara ne filoni kaisei grengatha ne thora kligna. Ka vido tuana iara neke nomhila naogla teke cheke meila ka iara ulu lahu ia, biꞌo fara jateula khufli eghu, ne cheke eghu ranghi ghau iara, “Iagho haghe agne, iara ginauna falalase ka iagho glepo na te theome raugha te thakle mei nathuꞌu nauriha na.”