Thakle 16:4 - Buka Blahi Ka Cheke Holo

⁴ Aonu fatilo engel na ne tei ne totofa nogna dis na ke kligna khoꞌu ba glokha. Eghuteuna khoꞌu nei glokha teure jaola ne kafe dadara.

Thakle 16:4 Iomraidhean Croise

Nodi Khoje Hatimare Mae Jiu 78:44

God neke figri kho'ure neke vuhai dadara, mala theome koꞌu naiknore.

Eksodas 8:5

Aonu Lord neke cheke eghui ka mae Moses, “Iagho nake cheke ranghini mae Eron mala loku haghe mana nogna khodo na ke klignadi khoꞌu biꞌo, jari, grano, nei kholo teu are mala fodu groma jare.”

Profet Isaia 50:2

Kate mei iara na, iara theome filoni kaisei naikno jare. Kate eha iara na, theo kaisei naikno te cheke tughu na. Ba, na theome fakarhi ghami iara neu si ghotilo ia? Ba, ne theo kaisei nogu nolaghi iara te mala fakarhi ghami na neu si ghotilo ia? Filo si ghotilo, kate cheke kolho iara na nhorora biꞌo na ginau moja, khoꞌure ginauna jaola figri ke kaisei namono nagou, eghuteuna sasare ginauna kafe lehe.

Profet Esikiel 35:8

Iara ginauna chekedi hatimare mae naoka mala mei aknu falehe ghami ghotilo naiknomi Idom, eghuteuna thinidi naikno teke lehe ka magra igre ginauna thafru iko tongana ke kligna fanukhu, nei ke lamna glogu.

Profet Hosia 13:15

Vikegna mae Ifreim igre la kmana fara salaꞌudi keha vike te gnafa Israel igre. Nu iara ginauna na kuru meini kaisei nuri biꞌo te brana fara funu ka namono nagou ke maghati. Eghuteuna khoꞌu seu igre ginauna na kafe krango. Eghuteuna nuri igne ginauna na hata tei nodi glepo te keli mae igre delei.

Thakle 11:6

Phei mae igre au nodi nolaghi te mala fothini maloa gne te mala theome soru mei nakhete kate toutonuni teu phiamare chekegna God na. Eghuteuna phiamare jaola au nodi nolaghi te mala figri khoꞌu na teke vuhai dadara na. Phiamare au nodi nolaghi te mala kuru meidi thua nafnata papara ka nauthoglu igne. Phiamare tangomana te eni igne niha fata phiamare te magnahagheni na.

Thakle 14:7

Engel na ne cheke eghu fabiꞌo, “Ghotilo mala ghatho tahuni God nei mala pala hagheni nanghagna na, naugna nogna narane mana te mala fatedi naiknore la meihi. Eghume ghotilo mala pogho soru ranghini mae ihei teke vuavuhani kligna nei nauthoglu nei nhorora nei glokha kho'ure.”

Thakle 16:5

Iara ne nomhini engel te reireghidi kho'ure ne cheke eghu, “God, iagho blahi fara. Iagho au fabrahu funu tifa nei jaola au gognaro. Naiknore lasenihi iagho doglo fara naugna iagho ne kuru meidi papara biꞌo igre.