Thakle 15:3 - Buka Blahi Ka Cheke Holo

³ Mare ne kojeni kaisei khoje teke rioriso mae Moses, nogna mae gloku God. Tutuani, mana kilo fnaknoni God naugna God neke toghodi mare ka nogna tothogho mae Lam, ne cheke eghu, “Nomi Lord God, te nolaghi fara, nou gloku iagho re thono biꞌo fara, eghuteuna ghehati ne jaglo nomi fara. Iagho nodi King namono te gnafa ka nauthoglu igne, eghuteuna puhimu iagho re doglo nei tutuani fara eghu.

Thakle 15:3 Iomraidhean Croise

Jenesis 17:1

Kate nheva salei nheva finogha gnahi mae Ebram na, Lord ne thakle ka mana ne cheke eghu, “Iara God te nolaghi fara. Iagho mala leghu ghau iara fabrahu, nei eni unha te doglo ka tathagu iara na eghu.

Ululahu Kronikols 6:49

Mae Eron baludi goro thugna mana igre ngala te tangomana te mala gahu insens nei gahu fafara teu ke kligna olta na. Mae igre ngala te au nodi nolaghi te mala loku ke lamnagna Chogho te Blahi fara na. Eghuteuna mare fafara mala hata fadelei nakhibodi naiknodi Israel. Mare edi glepo igre thofno leghuni unha te chekeni mae Moses, nogna mae gloku God.

Fapea Kronikols 24:6

Aonu king ne kilo meini Pris Jehoada, mae ihei te lida ka hatimare mae pris. Joas ne cheke eghu ka mana, “Naugna unha sagho te theome chekedi mae Livaet ra te salo takis ka naiknodi Jerusalem nei Juda teu ra? Mae Moses nogna mae gloku Lord neke chekeni takis igne ka vikegna Israel tifa ra mala foli takis te mala reireghigna Suga Tapuale te Blahi na.”

Nehemaea 9:14

Iagho farirhiudi eigna nou narane Sabat blahi, nei vetula nei cheke eghu teke tusu lao iagho ka nou mae gloku Moses mala lase fakelini naiknore puhimu iagho na.

Thoutonu Eigna Mae Job 36:24

Leuleghu fata na, iagho mala cheke fakelini nogna gloku mana na, jateula te edi naiknore ka khoje are eghu.

Thoutonu Eigna Mae Job 5:9

God edi glepo te biꞌo te theome tangomana kaisei naikno te lasedi re. Kofubobhoi te edi mana re, theo kaisei naikno te tangomana te kahadi re.

Nodi Khoje Hatimare Mae Jiu 100:5

Lord na thofno keli fara, nei mana namha ghita fabrahu. Eghuteuna nogna nhaꞌa cheke na theo ka huigna.

Nodi Khoje Hatimare Mae Jiu 105:5

Tahati gne, karha mei ka vikegna mae Ebraham, nogna mae gloku Lord. Eghuteuna tahati jaola karha mei ka vikegna Jekop, mae ihei teke vavahi God. Tahati mala ghathodi koba u kofubobhoi teke edi mana ra, nei puhi te fatedi mana hatimare mae naokara.

Nodi Khoje Hatimare Mae Jiu 111:2

Gobigna lepo te edi Lord re thofno keli fara, eghuteuna naiknore thono keli tadi fara ka nogna gloku Lord re. Mare magnahaghedi fara te lase fakelidi glepo igre.

Nodi Khoje Hatimare Mae Jiu 111:7

Puhigna mana na thono tutuani fara nei doglo eghu. Tahati nabada te fatutuanidi nei leghudi teu nogna vetula mana re.

Nodi Khoje Hatimare Mae Jiu 139:14

Iara cheke fakeli nigho iagho naugna u nafnata puhi teke vuavuha ghau iara iagho igne thofno keli fara nei jajaglo ana eghu fara. Ka gaoghathogu fateo iara na, iara thofno laseni eidi gobigna lepo te edi iara ra e thofno keli fara.

Nodi Khoje Hatimare Mae Jiu 145:17

Gobigna lepo te edi Lord gre thofno doglo fara, eghuteuna gobigna lepo te edi mana re falalase ranghi ghita te mae keli fara mana ka tahati na.

Nodi Khoje Hatimare Mae Jiu 145:6

Naiknore ginauna toutonudi glepo biꞌo teke edi iagho ra, nei iara na toutonuni eigna fnakno fara iagho na.

Nodi Khoje Hatimare Mae Jiu 18:30

Puhigna God na e thofno keli fara nei doglo eghu. Jame te nhaꞌa chekeni mana kaisei glepo na, nogna cheke mana tuana ginauna na tutuani fara. God na jateula kaisei greoreo mala magra eghu, eghuteuna mana reireghi fakelidi iheire te tei poru ka mana.

Nodi Khoje Hatimare Mae Jiu 78:12

God neke eni kaisei kofubobhoi mala filoni mare neku ka sare na jare Soa ka kantri Ijep.

Nodi Khoje Hatimare Mae Jiu 92:5

Lord God, nou gloku iagho re thofno biꞌo fara, nei gaoghathomu iagho re jaola theome tangomana ghehati te lasedire.

Nodi Khoje Hatimare Mae Jiu 99:4

Iagho nomi King ghehati, eigna iagho ngala te au nolaghi na. Iagho leuleghu fata na magnahaghei puhi te doglo na. Eigna iagho themu ngala te tusu mei puhi te doglo igne mala fateni naiknogna kantri ghehati igne.

Profet Isaia 33:22

Lord na noda king tahati, eghuteuna mana fate ghita ka puhi te doglo. Mana farirhiu ghita nogna vetula re eghuteuna mana ginauna na fakarhi ghita.

Profet Isaia 45:21

Ghotilo mei mala chekedi ka iara nomi cheke re ke lamnagna fate igne. Ghotilo tangomana te kulu cheke ghu fari themi mala doglo ghu ka gaoghathomi re. Ihei teke chekedi glepo igre tifa na ame thoke mei nga teku na? Ba? Ghotilo theome laseni? Iara Lord! Iara God mae ihei te doglo fabrahu, eghuteuna iara fakarhi ghami ghotilo. Theo kaisei god ahevanga te jateula iara teuna!

Profet Daniel 6:20

Kate tei namo ka khora igne, mana ne nanga nogna fara ka mae Daniel, aonu mana ne eha eghu fabiꞌo, “Daniel! Iagho nogna mae gloku God mae ihei te karha te tifa. Ba, God mae ihei te leghuni nei turupuku ranghini teu iagho igne mana la fofotho foflodi lion are la theome ghamu nigho?”

Profet Daniel 9:11

Ghehati naiknomi Israel te gnafa na theome leghudi kolho nou vetula iaghore, nei jaola theome leghu nigho iagho. “Ghehati tapla jafra ranghi nigho iagho, naugna igne, puhi biꞌo te rioriso soru nou mae gloku iagho Moses ka vetula na igre, iagho teke edi re mala thoke ghami ghehati.

Profet Hosia 14:9

Ihei te lalase na, naikno tuana ginauna lase fakelidi cheke te edi iara ka buka na igre, nei tathaji fakeli ka nagnafagna na. Eigna puhigna Lord na thofno doglo fara. Eghuteuna ihei te doglo na mala leghuni puhigna mana na. Nu ihei te diꞌa na theome tangomana te leghuni puhigna God na, naugna naikno igne theome ghatho tahuni puhi te doglo na.

Profet Maeka 7:20

Ghehati tharakna gna Jekop rouronu nigho fabrahu. Uve, ghehati lase nigho iagho ginauna ghatho tahu ghami ghehati fabrahu nei namha ghami ghehati tharakna gna Ebraham. Ghehati thofno laseni igne, naugna iagho neke nhaꞌa cheke ka kuꞌemi ghehati tifa ra.

Profet Sefanaea 3:5

Nu Lord mae ihei te au teu Jerusalem igne, mana eni unha te doglo na. Mana theome tangomana te eni unha te diꞌa na. Leuleghu narane na mana eni koba unha te keli na ranghidi nogna naiknore. Neuba, naikno te au ka namono igne theome mamaja te edi puhi te diꞌare.

Profet Sekaraea 9:9

Lord ne cheke eghu, Ghotilo naiknomi Saion! Ghotilo glealeꞌa! Ghotilo naiknomi Jerusalem! Ghotilo mala eha fabiꞌo! Filo ghotilo! Nomi King ghotilo la mei gognarona. Puhigna na doglo fabrahu, eghuteuna mana la uludihi nogna naokare. Nu mana nhaꞌa faparini thegna, eghuteuna mana saghe mei ka kaisei sua dongki.

Jone 1:17

God neke tusu lao vetula na ka mae Moses. Nu khokofakasai ghe tutuani re neke mei balugna mae Jisas Kraes.

Diutronomi 31:30

Aonu mae Moses ne chekedi chekegna khoje igne ka naiknodi Israel teke mei fanomho re.

Diutronomi 32:3

“Iara ginauna cheke fakelini nanghagna Lord! Tahati te gnafa na cheke fakelini mana naugna mana haghe fara!

Diutronomi 34:5

Aonu, mae Moses nogna mae gloku Lord igne ne lehe jare Moab, ne thofno horoghoto ka chekegna Lord na.

Ululahu Timoti 1:17

Nafnakno nei siasigla ranghini mae King te funei fabrahu tifa tifa! Mana theome tangomana te lehe eghuteuna tahati theome tangomana te filoni mana, eghuteuna kaisei mana ngala God na. Tahati ginauna na ghatho tahuni nei cheke fakelini nanghagna mana na tifa tifa. Amen.

Hibru 3:5

Mae Moses mala reireghi fakelini tharaknagna God nei edi unha teke magnahaghedi God re. Nogna gloku mae Moses igne mala toutonuni unha nate chekeni God thogheiro eigna Kraes. Eigna mae Moses kaisei mae gloku kolho.

Josua 22:5

Kate ke figri ghotilo na, ghotilo theome mala ghatho ihodi te mala leghudi nogna famane farirhiu Moses nogna mae gloku Lord, teke tusu arihi ka ghotilo ra. Mana neke chekehi ka ghotilo te mala namhani Lord noda God, tapla leghudi puhigna mana re, leghudi nogna cheke mana re, loku famaku ka mana, eghuteuna loku ranghini mana ka nagnafami fateote'o, nei ka gaoghathomi fateote'o.”

Thakle 1:8

Noda Lord God neke cheke eghu, “Iara teke au tifa, gognaro gne, nei nake pulo mei nathuꞌu nauriha balu nolaghi fateote'o tifa tifa.” Tutuani, mana kulu au neke vuavuha nga gobigna lepore nei mana na au fabrahu kate ari te gnafadi gobigna lepore.

Thakle 11:17

Mare ne cheke eghu, “Lord God te thofno nolaghi, ghehati cheke fakeli nigho. Iagho au fabrahu funu tifa nei jaola gognaro. Ghehati cheke fakeli nigho naugna iagho la hatahi nou nolaghi te biꞌo na te mala funei frunidi naikno te gnafare!

Thakle 14:3

Kaisei gobi phiatutu fati thogha naikno igre mare kegra ke ulugna God mae ihei te gnokro teu ka nogna sape nafnakno nei ke uludi fati glepo te karhare nei hatimare mae biꞌo ka khiloaure. Eghuteuna naikno igre ne kojeni kaisei khoje majaghani. God neke foli fajifladi naikno igre ka naikno te gnafa ka nauthoglu igne. Mare ngala te tangomana te kojeni khoje igne.

Thakle 14:8

Aonu fapea engel na leghuni engel ulu lahu na ne cheke eghu, “Namono biꞌo Babilon te fnakno ia la groꞌehi! Naꞌa la diꞌahi! Puhidi naiknogna namono Babilon te gnognoro fara ra jaola khasidihi naikno ka namono te gnafare la theome doglo ka puhidire.”

Thakle 17:14

King igre balugna bosu na ginauna magra ka Lam. Nu Lam baludi nogna naikno teke vavahi nei kilodi teku thegna te mala au heta ka nodi fatutuani, ginauna tapla sorudi kolho. Naugna Lam na funei frunidi Lord te gnafa nei King te gnafa.”

Thakle 19:16

Ka nogna pohe nei boebokegna teure mare rioriso nangha igne, “Mae King te funei frunidi King te gnafa nei Lord te funei frunidi Lord te gnafa.”

Thakle 19:2

Tahati cheke fakelini God! Naugna puhigna te mala fatedi naiknore tutuani nei doglo fara. Mana neke fatenihi namono biꞌo Babilon igne, ihei te goigonidi gaoghathodi naiknogna nauthoglu igne balu puhigna te gnognoro igne. God neke parani gaꞌase igne eigna naꞌa neke falehedi nogna mae gloku God re.”

Thakle 4:8

Fati glepo te karha igre sopa au namno baghi. Glepo te karha igre thinidire iko tongana ka tatha, ke lamna nei ke kosi. Bongi narane na mare theome gnafa te kojeni, “Blahi, blahi, blahi Lord God thofno nolaghi, teke au tifa, nei gognaro gne nei nake pulo mei nathuꞌu nauriha.”