Thakle 15:1 - Buka Blahi Ka Cheke Holo

¹ Ke leghu na iara ne filoni kaisei fagaglana biꞌo ka maloa na, ne jaglo nogu fara. Iara ne filodi fitu engel re ne hata ne mei fitu papara biꞌo. Igre papara leghu lahure. Naugna kate gnafa igre ginauna, diꞌatagna God na, na jaola gnafa.

Thakle 15:1 Iomraidhean Croise

Profet Daniel 6:27

Mana tangomana te toghodi nei fakarhidi teu iheire te au ka hoholo. Mana tangomana te edi thua nafnata kofubobhoi biꞌo ka maloa kligna, ba ka nauthoglu pari igne. God igne neke fakarhini mae Daniel ka foflodi lion!”

Levitikas 26:21

“Eghuteuna jame te theome keli ranghi ghau iara ghotilo na, nei theome leghu ghau iara teuna, iara ginauna thofno para ghami ghotilo fabrahu eidi nakhibomi ghotilo re.

Thakle 10:3

Eghuteuna mana ne eha fabiꞌo jateula te ku'e lion neu. Kate eha mana na fitu filare ne cheke tughu.

Thakle 11:14

Igne gnafa gna fapea papara biꞌo na, nu ginauna theome raugha ke meigna fatilo papara te diꞌa na.

Thakle 14:10

God ginauna parani naikno tuana. Tutuani, naikno tuana ginauna mala ko'uni kapu waen te fodu ka diꞌatagna God na. Waen tuana thono raha fara eghuteuna God ginauna jaola rahani fara kate paradire. Eghuteuna naikno tuana ginauna au papara ka khaꞌaghi te brana fara nei ka thina te ngaja ke uludi hatimare mae engel nei ke ulugna Lam.

Thakle 14:19

Aonu mae engel ne fatedi naikno te gnafare te au ka nauthoglu igne naugna God ne diꞌatagna fara ka mare.

Thakle 16:1

Aonu iara ne nomhini kaisei cheke ne jifla mei ka Sugablahi na, ne eha eghu fabiꞌo ka fitu engel re, “Tei totofa fitu dis te fodu ka diꞌatagna God are ke kligna nauthoglu.”

Thakle 17:1

Kaisei mae ka fitu engel igre ne hata fitu disire ne mei ka iara ne cheke eghu, “Mei sagho, mala falalase nigho iara papara nate eni iara ka namono biꞌo Babilon te au rhedi khoꞌu te kmana igre. Namono igne fodu ka nakhibo jateula kaisei gaꞌase vine eghu.

Thakle 19:15

Mae igne au kaisei naflahi te fnonu fara te jifla mei ka foflogna na te mala tapla sorudi namono te gnafare. Eghuteuna mana ginauna heta fara kate funei frunidi naiknore. Tutuani mana ginauna fate falehedi nogna naokare te mala thokedi mare diꞌatagna God te biꞌo te au nolaghi na.

Thakle 21:9

Aonu kaisei engel ne mei ka iara. Igne kaisei mae ka fitu engel teke hata fitu dis te fodu ka fitu papara leghu lahu ra. Mana ne cheke eghu ka iara, “Mei sagho mala falalase nigho iara gaꞌase khetogna Lam na.”

Thakle 8:13

Kate filo teu iara na, iara ne nomhini kaisei gaghata ne flalo ka maloa na kligna fara. Gaghata tuana ne eha eghu fabiꞌo fara, “Puhi biꞌo! Puhi biꞌo! Puhi biꞌo ranghidi iheire te au ka nauthoglu! U puhi biꞌo igne ginau fufunu ka naogladi nodi khufli thilo engel kate ifu teu igre!”

Thakle 8:2

Iara ne filodi fitu engel re ne kegra neu ke ulugna God. Hatimare ne tusu lao fitu khufli ka mare.

Thakle 8:6

Aonu fitu engel re teke hata fitu khufli, kaikaliti mala ifu.

Thakle 9:20

Keha naikno ka nauthoglu igne re ne theome lehe ka papara biꞌo igre. Nu mare tirodi tughu nagnafa nei figri tagrudi eghu mumuju teke horo thedi ka khamedire. Tutuani, mare theome gnafa ka puhi te pogho soru ka naitu nei mumuju eghu teke hohoro ka gol, silva, bras, thina, nei gaju. Glepo igre theome tangomana te fifilo ba nonomho ba nonolo.