Thakle 13:3 - Buka Blahi Ka Cheke Holo

³ Kaisei pha'ugna bosu tuana ne fnera, jateula teke falelehe hira eghu. Nu nafnera ka pha'ugna na kela mafohi. Eghuteuna naikno te gnafa ka nauthoglu gne thono jaglo nodi fara ka bosu tuana, ne leghuni puhigna bosu na.

Thakle 13:3 Iomraidhean Croise

Profet Esikiel 30:24

Aonu iara ginauna eni khamegna king gna Babilonia igne mala rheta eghuteuna nhaꞌa lao nogu naflahi mala magra na ka khamegna mana. Nu iara ginauna lolhopa phei khamegna king gna Ijep, eghuteuna mana ginauna kabru ghegna fara tanhi fabiꞌo jateula mae ihei te fnera te namo lehe ra eghu.

Luku 2:1

Ka narane tuana, mae Funei Sisa Aghastus gna Rom na ne eni kaisei vetula mala riso nanghadi naikno te gnafa te au ka provins fateo te funei frunidi mana re.

Jone 12:19

Mae Farasi gre ne filodi naikno te keli tadi ka mae Jisas te kafe khapru ka mana re. Aonu, mare ne nanga nodi fara ne cheke eghu fari thedi, “Filo si ghotilo, unha puhi te edi tahati igre ginauna theo nafudi kolho, naugna naikno te gnafare la kafe tei leghuni mana!”

Mae Khuru 8:13

Mae Simon thegna na jaola ne fatutuani ne apublahi. Mana ne au fanamo fara rhegna mae Filip. Kate filodi mana u kofubobhoi nei glepo te nolaghi fara teu te edi mae Filip gre, mae Simon ne thono jaglo nogna fara.

Thakle 13:12

Aonu fapea bosu na ne mei kegra ke ulugna bosu ulu lahu te diꞌa na. Bosu ulu lahu na ne tusu lao nolaghi ka fapea bosu na mala funei frunidi kmana naiknore. Fapea bosu na ne huhurudi naikno te gnafa ka nauthoglu gne mala pogho soru ka bosu ulu lahu te au nafnera glehe ka pha'ugna na te kela mafo fapulohi na.

Thakle 13:14

God snakreni fapea bosu na mala edi kofubobhoi igre ke ulugna bosu ulu lahu na. Eghuteuna naugna te edi mana kofubobhoi igre, mana ne chaghidi naikno te gnafa ka nauthoglu igne mala leghuni mana. Mana chekedi naiknore mala fafnaknoni bosu ulu lahu na kate eni mare kaisei mumuju jateula bosu ulu lahu. Bosu gne neke falelehe mare ka naflahi nu kela karha fapulohi teu na eghu.

Thakle 17:10

Glima mae, ka hatimare mae king igre, mare la theohi kaisei nodi nolaghi te mala funei frunidi naiknore, eghuteuna kaisei mae te funei fruni teu gognaro na. Keha na theome kegra ngau, nu kate meigna na, mana ginauna funei fruni katha vido kmoꞌei kolho eghu.

Thakle 17:11

Bosu igne jaola kaisei mae king baludi fitu mae king igre. Tifa na mana neke karha, nu gognaro na kela theome karhahi. Nu ke leghu na, God ginauna roꞌeni mana.”

Thakle 17:13

Nabotho king igre kafe loku mala tusu lao nodi nolaghi nei nodi nafnakno na ka bosu igne.

Thakle 17:17

Mare na eni igne, naugna God neke lilisei gaoghatho tuana ka nagnafadire, nei mala eni mare unha te magnahagheni mana na. Mare ne kaisei gaoghatho ne mala snakre lao ka bosu na nodi nolaghi te mala funei fruni na. U bosu na ginauna funei frunidi naiknore ghilei thokeni narane God nate roꞌeni namono Babilon jateula teke chekeni mana tifa ia eghu.

Thakle 17:6

Eghuteuna iara ne filoni gaꞌase igne naꞌa ne dranga, eigna naꞌa ne koꞌu dadaradi nogna naikno God re. Naꞌa neke falehedi naikno khiloaure, naugna mare ne fatutuani ni mae Jisas. Aonu kate filoni iara te eghu naꞌa igne, iara ne jaglo nogu fara nei diꞌanagnafagu.

Thakle 17:8

Bosu te filoni iagho igne tifa na neke karha, nu gognaro kela theome karha eghu. Eghuteuna bosu tuana ginauna theome raugha jifla mei ka glave te mamhara fara ana. Nu ke leghu na, God ginauna roꞌeni mana. Kmana naikno ka nauthoglu igne ginauna filodi kofubobhoi biꞌo nei jaglo nodi fara eghu gaoghathodire kate filoni bosu na. Tutuani, mare jaglo nodi naugna bosu igne tifa na neke karha eghuteuna gognaro na kela theome karha eghu, nu naꞌa ginauna nake pulo mei. Naikno igre theo nanghadi ka nogna buka God na. Kate vuavuhagna nauthoglu igne, God neke rioriso soru nanghadi naikno te mala karha fabrahu tifa tifa ka buka igne.