Thakle 13:2 - Buka Blahi Ka Cheke Holo

² Bosu te filoni iara tuana jateula lepad eghu fifilogna na. Eghuteuna ghahegnare jateula ghahe bea eghu. Eghuteuna foflogna na jateula foflo lion eghu. Aonu pholi biꞌo na ne tusu lao ka bosu na nogna nanheta na. Eghume naikno te gnafare ne leghudi phiamare.

Thakle 13:2 Iomraidhean Croise

Fapea Kings 2:24

Nu mae Elisa figri ne filo tutu ka mare, eghuteuna mana ne eha ka nanghagna Lord mala thokedi hoholo mae igre. Theome raugha, phei bea gaꞌasedi megei nga ne suplu mei ka namhata na ne falehedi phiatutu phei mae ka mae sitei igre.

Nodi Khoje Hatimare Mae Jiu 22:21

Fakarhi ghau ka mae te jateula lion teu te magnahaghei mei ghamu ghau iara igre. Bara fothi ghau ka nodi nolaghi mae te jateula buluka fakaukathu teu igre. Iara lase nigho te nomhidi nogu tharai iara igre!

Proveb 17:12

Iagho mhaghuni idogna sua khuma te blau mare thugna na. Nu te keli na iagho mala mhaghuni tulao puhigna mae te fameomekro na.

Proveb 28:15

Mae lida gna kantri te eni puhi te diꞌa na, eghuteuna tapla faparidi naikno te kumare teuna, mana jateula lion te rofo fara, ba jateula bosu mata te chari te mei ra eghu kolho.

Profet Isaia 5:29

Nomi naoka ghotilo igre ginauna ulu ghami ghotilo eghu. Mare ginauna hata tei ghami ghotilo eghuteuna theo kaisei naikno nate togho ghami ghotilo na. Mae igre jateula lion te eha fabiꞌo kate kathu falehe buluka te ghamu ra eghu.

Profet Jeremaea 13:23

Ba, mae te pipito na tangomana teke tughu thinigna na teke vegha na? Ba, phusi mata na tangomana teke tughu thinigna te thuthunu na? Thono theo fara. Ghotilo jateula tuana eghu theome tangomana te koko puhimi te diꞌare mala teke eni puhi te keli na.

Profet Jeremaea 5:6

Naugna igne, Lord ginauna paradi mae igre. Mana ginauna na jateula kaisei lion te jifla mei funu mata ra eghu mei falehedi mare. Eghuteuna kaisei khuma mata ginauna mei funu ka namono nagou mala mei goigonidi mare. Kaisei khurau biꞌo ginauna ofou rhedi namono biꞌo igre malagna ihei te jifla mei ka namono tuana mala kina sasakani theo tokagna. Uve, Lord ginauna paradi mare, naugna nakhibodire kmana fara, eghuteuna kmana fata mare tei kokoni Lord.

Profet Hosia 11:10

Iara ginauna na eha fabiꞌo jateula lion eghu ka keha lion mala mei ka mana, eghume nogu naikno iara igre ginauna nake pulo mei ka iara funu ka namono te gnafa igre.

Profet Emos 3:12

Lord jaola ne cheke eghu, “Jame kaisei lion ghamu kaisei sipu, eghuteuna mae te reireghigna sipu igne ginauna fariuriu mala ke hata fapulo. Mana ginauna filodi kolho keha vido guli nei phei nhubra ghahe eghu kolho. God ginauna jaola eni nafnata puhi igne ka naikno te au Samaria, kaisei namono biꞌo ka kantri Israel. Naikno teke au gleale'a igre ginauna au diꞌanagnafa. Eghume ginauna na jateula igne eghu theome kmana kolho nate karha na agne Israel.”

Profet Emos 5:19

Narane igne ginauna mei jateula kaisei mae te mhaghu lion te rikha te tei thafoni bea na te lehe ra eghu. Narane igne ginauna mei jateula kaisei mae te pulo mei ka nogna suga na, eghuteuna kaisei mogo kathini kate habo lao mana ka gringnigna suga na ia eghu.

Profet Habaku 1:8

Nodi hosere umhu fara salaꞌuni khurau biꞌo te kiloi lepad. Kate magra na mae igre jateula khuma mata te rofo ra eghu glalama salaꞌui. Nodi hosere dadahai pari ka glose na, naugna mare magnahaghei te faghose tei. Eghuteuna maedi Babilonia igre jateula gaghata te tava te soru pari te mala hata ganora eghu theidi re. Eghuteuna mae soldia te saghe ka hose igre, mare chari mei funudi ka vido aheva te khaba mala mei goigonidi nodi naokare.

Fapea Timoti 4:17

Nu Lord Jisas Kraes togho ghau iara ne tusu mei nolaghi ka iara mala thofno toutonuni u Nonomho te Keli na mala kafe nomhini naikno te theome Jiure. Eghume mana togho fabrahu ghau iara mala theome tangomana mare te fate falehe ghau iara na nei theome snakre lao ghau iara ka lion mala ghamu ghau iara.

Ululahu Pita 5:8

Tarabana koba nei doadofra fakeli eghu! Naugna nomi naoka ghotilo mae Satan, mana tei tafri jateula kaisei lion te rofo eghu nguru tafri hironi ihei mala roꞌeni mana.

Thakle 12:13

Kate laseni pholi biꞌo te koko soruni mare ka nauthoglu igne, mana ne funu ngolhini gaꞌase teke karha majaghani thugna nalhaꞌu na.

Thakle 12:15

Aonu pholi biꞌo na ne lu'a fajifla khoꞌu ka foflogna na, ne britha jateula khoꞌu biꞌo neu ke leghugna gaꞌase na mala elo naꞌa.

Thakle 12:9

Mare ne koko soruni pholi biꞌo na baludi nogna engel re ka nauthoglu gne. Pholi biꞌo tuana ngala mogo gna tifa te kiloni tahati mae Satan, mae funeidi naitu te gnafare. Eigna mana ne baubatudi naikno te gnafa ka nauthoglu gne ka nabrou te jafra.

Thakle 13:12

Aonu fapea bosu na ne mei kegra ke ulugna bosu ulu lahu te diꞌa na. Bosu ulu lahu na ne tusu lao nolaghi ka fapea bosu na mala funei frunidi kmana naiknore. Fapea bosu na ne huhurudi naikno te gnafa ka nauthoglu gne mala pogho soru ka bosu ulu lahu te au nafnera glehe ka pha'ugna na te kela mafo fapulohi na.

Thakle 13:4

Naiknore ne pogho soru ka pholi biꞌo na naugna mana neke tusu lao nogna nolaghi na ka bosu na. Eghuteuna mare jaola pogho soru ne cheke fakelini bosu na, “Theo kaisei naikno te nheta jateula bosu igne teuna! Jaola theo kaisei naikno te naba te mala magra nei tapla soruni teu bosu tuana!”

Thakle 16:10

Falima engel na ne tei ne totofa nogna dis na ke kligna gna nogna sape nafnakno bosu na. Eghuteuna namono te gnafa te funei frunidi bosu na ne kafe romno soru. Eghuteuna naiknodi namono igre ne funu kakathu glapidire naugna ne kabru ghedi fara.

Thakle 17:12

Eghuteuna engel na jaola ne cheke eghu ka iara, “Nabotho hona te filodihi iagho igre, tuare nabotho mae king, nu mare theome funei jateula mae king eghu ngau. Nu ke leghu na, mare ginauna au nodi nolaghi te mala funei fruni jateula mae king teu balugna bosu igne. Eghuteuna mare ginauna funei frunini ka nauthoglu igne katha vido kolho.

Thakle 19:20

Nu kate magra na, mae ihei te saghe ka hose vegha na igne ne hata bosu na, balugna mae profet chaichaghi na. Mae profet chaichaghi igne mana neke eꞌei kofubobhoi ke ulugna bosu na tifa. Eghuteuna ka puhi igne mana chaichaghidi fara naiknore teke hata mare fagaglana gna bosu na nei pogho soru ka mumuju gna na. Aonu mae profet chaichaghi ghe bosu gre karha neu ne koko lao mare ka kholo khaꞌaghi te ngire ka thina te ngaja na.

Thakle 2:13

Iara lase ghami ghotilo te au ka vido aheva te funei fruninihi mae Satan. Neuba ngau, ghotilo leghu ghau iara fabrahu. Tutuani fara, iara keli tagu fara ka ghotilo, naugna ghotilo theome khoko nomi fatutuani na ka iara, neuba mare ne faleheni mae Antipas jare. Kani karha teku mana na, mana neke theome gnafa te toutonu eigu iara na.

Thakle 20:2

Aonu, mae engel na ne hata pholi biꞌo na ne haru ka chen biꞌo. Pholi igne, pholi gna tifa, te kiloni tahati mae Satan ba mae funeidi naitu te gnafare. Engel na ne koko soru pholi biꞌo na lamna glave te mamhara fara na ne bibilakhi famaku grengathagna glave na. Pholi biꞌo igne ginauna au fabrahu lamna glave balu chen ghilei thokeni kaisei thogha finogha. Ke lamnadi narane igre mana ginauna theome tangomana te chaichaghidi naikno te gnafa ka nauthoglu igne te mala eni puhi te diꞌa na. Nu ke leghugna te gnafa kaisei thogha finogha na, God ginauna nake snakre fajiflani pholi biꞌo igne katha vido kmoꞌei kolho.