Thakle 13:1 - Buka Blahi Ka Cheke Holo

¹ Ke leghu na iara ne fapea fata filoni bosu na ne thakle ka nhorora na. Bosu tuana au fitu pha'ugna nei nabotho honagna. Ka honagnare kafe au khepi nafnakno nei ka pha'ugnare jaola au teke rioriso mare nangha te thofno cheke faparini God.

Thakle 13:1 Iomraidhean Croise

Profet Jeremaea 5:22

Iara neke lilisei nusu mala fofotagna vido aheva te mala mei snoto thongna na. Neuba thongna na ne maraghata ba ne diꞌa rane, nu thongna na theome tangomana te mei salaꞌuni vido teke fofota mana igne. Naugna unha site theome mhaghu ghau iara nei theome mei bobolo teu ghotilo ke ulugu iara gnea?

Profet Daniel 11:36

“King gna Siria ginauna leghuni unha te ghathoni thegna na. Mana ginauna cheke fahaehaghe nei fafnaknoni eghu thegna salaꞌuni God mae ihei te fnakno ke klignadi god fateote'o. Mana ginauna eni fabrahu puhi igne ghilei thoke mei narane teke vahini God te mala parani mana na. Eghuteuna God ginauna eni unha teke ghathoni mana na.

Profet Daniel 2:41

Ka mifi igne, iagho neke filodi gahegna pari nei geghesugna teku teke hohoro ka glose nei aean teku igre. Gaoghathogna igne, kantri te funei frunini mana igne ginauna fnota. Nu ke leghu na kantri igre ginauna na jateula aean te ngigno balu glose ra eghu.

Thakle 11:7

Ke leghugna te toutonuni phiamare chekegna God na, bosu te au ka glave te mamhara fara na ginau jifla mei mala magridi phiamare. Bosu igne ginauna tapla sorudi nei falehedi eghu phiamare.

Thakle 12:3

Eghuteuna keha fagaglana biꞌo na ne thakle ka maloa na. Jare kaisei pholi biꞌo te ukru. Mana au fitu pha'ugna nei nabotho honagna. Ka soasopa pha'u igre mana au kaisei khepi nafnakno.

Thakle 13:11

Aonu iara ne filoni fapea bosu na ne thakle haghe ka glose na. Mana au phei honagna, jateula honagna Lam eghu. Nu chekegna mana na heta fara jateula chekegna pholi biꞌo eghu.

Thakle 13:14

God snakreni fapea bosu na mala edi kofubobhoi igre ke ulugna bosu ulu lahu na. Eghuteuna naugna te edi mana kofubobhoi igre, mana ne chaghidi naikno te gnafa ka nauthoglu igne mala leghuni mana. Mana chekedi naiknore mala fafnaknoni bosu ulu lahu na kate eni mare kaisei mumuju jateula bosu ulu lahu. Bosu gne neke falelehe mare ka naflahi nu kela karha fapulohi teu na eghu.

Thakle 13:15

Ke leghu na, God ne snakreni fapea bosu na mala phanga lao nuinuri ka mumuju gna bosu ulu lahu na. Ka puhi igne, mumuju gna bosu ulu lahu na neke karha ne hata nolaghi te mala cheke na nei mala falehedi eghu naikno te theome pogho soruni mumuju gna thegna na.

Thakle 15:2

Aonu iara ne filoni kaisei nhorora jateula thiro balu khaꞌaghi eghu. Eghuteuna iara jaola ne filodi naikno te magra te tapla soruni bosu nei mumuju gna na nei mae te au figas nabagna nanghagna na. Mare ne kegra neu rhegna nhorora te jateula thiro teuna, eghuteuna mare ne hata gita teke tusu ranghidi God re.

Thakle 16:13

Eghuteuna iara jaola ne filodi thilo naiture ne jateula groma neu. Thilo groma igre ne jifla mei, kaisei ka foflogna pholi biꞌo na, nei kaisei ka foflogna bosu na, nei kaisei ka foflogna mae profet te chaichaghi na.

Thakle 17:16

Aonu bosu baludi nabotho hona te filodi iagho igre ginauna tirodini thau te vine igne. Mare ginauna hata ka naꞌa glepo te gnafare nei mare ginauna lisa laoni naꞌa mala au soesole kolho. Mare ginauna jaola ghamu fahui nafnahi ka thinigna naꞌa re, eghuteuna nakoni naꞌa ka khaꞌaghi na mala gnubra fahui naꞌa ka khaꞌaghi.

Thakle 17:3

Aonu nogna nolaghi Tharunga te Blahi na ne mei ka iara eghuteuna engel na ne baubatu ghau iara ne tei ka kaisei namono nagou. Ka vido tuana iara ne filoni kaisei gaꞌase gnokro neu ke kligna gna kaisei bosu te ukru fara thinigna na. Bosu igne iko tongana nangha lausasaba ka thinigna na. Nangha igre thofno cheke faparini God. Eghuteuna aula fitu pha'u nei nabotho honagna.

Thakle 17:5

Ka greregna na jaola au kaisei nangha te theome laseni nga teu gaoghathogna na, ne cheke eghu, “Namono biꞌo Babilon, idodi thau vine te gnafa nei puhi chara te gnafa ka nauthoglu igne.”

Thakle 19:19

Aonu iara ne filoni bosu ulu lahu na baludi hatimare mae king gna nauthoglu igne nei hatimare mae soldia ne salofodu kaisei vido mala magra. Mare tarabana mala magra ka mae ihei te saghe ka hose vegha na, baludi hatimare nogna mae soldiare.