Thakle 12:3 - Buka Blahi Ka Cheke Holo

³ Eghuteuna keha fagaglana biꞌo na ne thakle ka maloa na. Jare kaisei pholi biꞌo te ukru. Mana au fitu pha'ugna nei nabotho honagna. Ka soasopa pha'u igre mana au kaisei khepi nafnakno.

Thakle 12:3 Iomraidhean Croise

Profet Isaia 27:1

Ka narane tuana, Lord ginauna parani mogo biꞌo ka thongna te kiloi Leviatana. Mana ginauna hata nogna naflahi fnonu na mala aknu falehe mogo igne.

Profet Isaia 51:9

Lord, dofra sagho mala mei balu nou nolaghi biꞌo mala togho ghami ghehati, jateula teke eni iagho tifa ia eghu. Iagho neke vuri kusi mogo biꞌo Rehab te au ke lamna nhorora igne.

Profet Isaia 9:15

Phaꞌudi mae igre na mae biꞌo igre, baludi naikno te fnakno nanghadire. Eghuteuna sekodi mae igre na hatimare mae profet te cheke chaichaghi koba igre.

Profet Daniel 2:41

Ka mifi igne, iagho neke filodi gahegna pari nei geghesugna teku teke hohoro ka glose nei aean teku igre. Gaoghathogna igne, kantri te funei frunini mana igne ginauna fnota. Nu ke leghu na kantri igre ginauna na jateula aean te ngigno balu glose ra eghu.

Profet Daniel 2:42

Geghesu ghahegna teke hohoro ka aean balu glose igne fagaglanadi kantri te gnafa igre. Keha kantri re ginauna rheta jateula aean eghu, nu keha kantri re ginauna na jateula glose eghu theome rheta kolho.

Profet Daniel 7:20

Eghuteuna iara jaola magnahaghei te lasedi nabotho hona te au ka phaꞌugna glepo igne. Eghuteuna hona ikoi te kotu haghe leghui igne mei ne hata koko thilo hona teke kulu au igre. Hona igne au phei tathagna nei au foflogna eghu, eghuteuna foflogna na thofno cheke fahaehaghe fara. Eghuteuna naꞌa cheke fahaehagheni thegna jateula naikno eghu. Iara thono mhaghu nogu fara kate filoni hona ikoi igne.

Profet Daniel 7:24

Eghuteuna nabotho hona igre eidi nabotho mae king nate kegra haghe ka kantri igne. Ke leghugna igne, kaisei mae king nake kegra haghe. Eghuteuna mae igne na thono nhogri fara ka king teke kulu kegra funei igre. Mana ginauna hata fajifladi thilo mae king teke kulu funei igre.

Thakle 12:1

Aonu kaisei fagaglana biꞌo te mala fajaglodi naiknore ne thakle ka maloa na. Jare kaisei gaꞌase ne pipichi ka naprai. U glaba na au ke pari ghahegna, nei nabotho phei nathunure faligohoni pha'ugna na jateula kaisei nogna khepi nafnakno neu.

Thakle 12:13

Kate laseni pholi biꞌo te koko soruni mare ka nauthoglu igne, mana ne funu ngolhini gaꞌase teke karha majaghani thugna nalhaꞌu na.

Thakle 12:17

Aonu pholi biꞌo na ne diꞌatagna fara ka gaꞌase na ne tei magridi thugna naꞌa re. Thugna naꞌa igre iheire te leghuni fabrahu nogna vetula God nei fatutuanidi cheke te tutuani teke toutonudi mae Jisas re.

Thakle 12:4

Aonu sekogna na ne prosa ka maloa na ne khoko fatilogna nathunu na pari. Eghuteuna pholi na mei ne kegra ke ulugna gaꞌase te namo fakarha teu thugna na. Mana magnahaghei te ghamu thugna gaꞌase na kate karha mei majaghani na.

Thakle 12:7

Aonu kaisei magra biꞌo na ne fufunu kligna. Mae engel biꞌo Maekol baludi nogna engel re ne magra ka pholi biꞌo na. Eghuteuna pholi biꞌo na baludi nogna engel re neke magra fapulo ka mare.

Thakle 12:9

Mare ne koko soruni pholi biꞌo na baludi nogna engel re ka nauthoglu gne. Pholi biꞌo tuana ngala mogo gna tifa te kiloni tahati mae Satan, mae funeidi naitu te gnafare. Eigna mana ne baubatudi naikno te gnafa ka nauthoglu gne ka nabrou te jafra.

Thakle 13:1

Ke leghu na iara ne fapea fata filoni bosu na ne thakle ka nhorora na. Bosu tuana au fitu pha'ugna nei nabotho honagna. Ka honagnare kafe au khepi nafnakno nei ka pha'ugnare jaola au teke rioriso mare nangha te thofno cheke faparini God.

Thakle 13:2

Bosu te filoni iara tuana jateula lepad eghu fifilogna na. Eghuteuna ghahegnare jateula ghahe bea eghu. Eghuteuna foflogna na jateula foflo lion eghu. Aonu pholi biꞌo na ne tusu lao ka bosu na nogna nanheta na. Eghume naikno te gnafare ne leghudi phiamare.

Thakle 13:4

Naiknore ne pogho soru ka pholi biꞌo na naugna mana neke tusu lao nogna nolaghi na ka bosu na. Eghuteuna mare jaola pogho soru ne cheke fakelini bosu na, “Theo kaisei naikno te nheta jateula bosu igne teuna! Jaola theo kaisei naikno te naba te mala magra nei tapla soruni teu bosu tuana!”

Thakle 15:1

Ke leghu na iara ne filoni kaisei fagaglana biꞌo ka maloa na, ne jaglo nogu fara. Iara ne filodi fitu engel re ne hata ne mei fitu papara biꞌo. Igre papara leghu lahure. Naugna kate gnafa igre ginauna, diꞌatagna God na, na jaola gnafa.

Thakle 16:13

Eghuteuna iara jaola ne filodi thilo naiture ne jateula groma neu. Thilo groma igre ne jifla mei, kaisei ka foflogna pholi biꞌo na, nei kaisei ka foflogna bosu na, nei kaisei ka foflogna mae profet te chaichaghi na.

Thakle 17:12

Eghuteuna engel na jaola ne cheke eghu ka iara, “Nabotho hona te filodihi iagho igre, tuare nabotho mae king, nu mare theome funei jateula mae king eghu ngau. Nu ke leghu na, mare ginauna au nodi nolaghi te mala funei fruni jateula mae king teu balugna bosu igne. Eghuteuna mare ginauna funei frunini ka nauthoglu igne katha vido kolho.

Thakle 17:16

Aonu bosu baludi nabotho hona te filodi iagho igre ginauna tirodini thau te vine igne. Mare ginauna hata ka naꞌa glepo te gnafare nei mare ginauna lisa laoni naꞌa mala au soesole kolho. Mare ginauna jaola ghamu fahui nafnahi ka thinigna naꞌa re, eghuteuna nakoni naꞌa ka khaꞌaghi na mala gnubra fahui naꞌa ka khaꞌaghi.

Thakle 17:7

Engel na ne ghusna eghu ka iara, “Ghema, naugna unha site jaglo nou fara iagho gnea? Iara ginauna cheke thakleni gaoghathogna cheke te poru eigna gaꞌase igne. Iara ginauna jaola cheke eigna bosu te au fitu pha'ugna nei nabotho honagna teu te palani te tei gaꞌase ana.

Thakle 19:12

Tathagnare siasigla jateula khaꞌaghi eghu, eghuteuna mana au kmana khepi nafnakno ka pha'ugna na. Kaisei nangha na mare rioriso ka greregna mana na, nu theo kaisei naikno te laseni na eghu, thegna mana ngala te laseni na nangha tuana.

Thakle 20:2

Aonu, mae engel na ne hata pholi biꞌo na ne haru ka chen biꞌo. Pholi igne, pholi gna tifa, te kiloni tahati mae Satan ba mae funeidi naitu te gnafare. Engel na ne koko soru pholi biꞌo na lamna glave te mamhara fara na ne bibilakhi famaku grengathagna glave na. Pholi biꞌo igne ginauna au fabrahu lamna glave balu chen ghilei thokeni kaisei thogha finogha. Ke lamnadi narane igre mana ginauna theome tangomana te chaichaghidi naikno te gnafa ka nauthoglu igne te mala eni puhi te diꞌa na. Nu ke leghugna te gnafa kaisei thogha finogha na, God ginauna nake snakre fajiflani pholi biꞌo igne katha vido kmoꞌei kolho.