Thakle 12:2 - Buka Blahi Ka Cheke Holo

² Gaꞌase igne la buklahi eghuteuna naꞌa ne eha fabiꞌo kate namo karhagna thugna na, naugna ne kabru ghegna fara.

Thakle 12:2 Iomraidhean Croise

Profet Isaia 26:17

Iagho neke ei ghami mala eha fabiꞌo, jateula gaꞌase te kabru te tanhi kate namo karha sua ra neu.

Profet Isaia 53:11

Ke leghugna te au papara na, mana ginauna nake gleale'au, naugna mana laseni la mana theome fiti au papara kolho. Puhigna nogu mae gloku iara igne thofno doglo fara, mana ginauna toghodi kmana naikno mala jaola doglo, eghuteuna mana au papara eidi nakhibodi naiknore.

Profet Isaia 54:1

Lord ne cheke eghu, “Ghotilo nogu naikno iara ra. Funu tifa te ghilei mei posa gognaro gne, ghotilo jateula gaꞌase khara te theo thugnara eghu. Nu gognarona ghotilo gleale'a nei koje fabiꞌo eghu. Eghuteuna neuba ghotilo ne jateula gaꞌase te tei kokoni khetogna na ia neu, iara ginauna fablahi ghami ghotilo, eghuteuna ghotilo ginauna au thumi kmana salaꞌuni gaꞌase te au khetogna na.

Profet Isaia 66:6

Ghotilo fanomho fakeli! Naogla biꞌo te mei funu ka Sugablahi na ka namono biꞌo igne, tuana naoglagu iara kate paradi iara nogu naokare.

Profet Maeka 4:9

Ghotilo naiknomi Jerusalem! Naugna unha si ghotilo te tanhi fabiꞌo jateula gaꞌase te karha sua ra teu gnea? Ba? Ghotilo theo nomi king te mala batu ghami na? Ba, nomi mae biꞌo ghotilo ra la lehehi?

Profet Maeka 5:3

Nu ulu lahu na, Lord neke lisei ghita hi. Mana neke snakredi mae naoka mala funei fruni ghita ghilei thokeni narane kaisei gaꞌase ginauna karha thugna nalhaꞌu. Ka narane tuana, kheragna king teke tei sosolo ka keha kantri delei igre, ginauna nake pulo mei Israel ka nodi kantri na.

Matiu 24:8

Glepo igre na jateula khabru ululahu te eni gaꞌase te namo fakarha sua majaghani ia eghu.

Jone 16:21

Ghathoni igne. Kate namo karha sua na, gaꞌase na ginauna diꞌanagnafa naugna la thokenihi u narane te mala kabru naꞌa na. Nu kate karha thugna na, naꞌa ginauna nake ghatho ihoni narane teke khabru na, naugna naꞌa ne gleꞌani thugna te karha majaghani.

Galesia 4:19

Thuguro, iara haimini fabrahu eigna iara jateula gaꞌase te namo fakarha sua ia eghu. Naugna iara kabru ghegu fara, eigna iara ofoni narane te mala thofno leghuni ghotilo puhigna mae Jisas Kraes.

Galesia 4:27

Te risoi ka grioriso te blahi na, “Iagho gaꞌase te theome karha sua na, iagho gleale'a kolho. Iagho gaꞌase te theome kabru nga teu kate karha sua na, iagho eha balu gleale'a. Naugna gaꞌase te au thegna na ginauna au kmana thugna, mare ginauna kmana uludi thugna gaꞌase te au khetogna na.”

Thakle 12:4

Aonu sekogna na ne prosa ka maloa na ne khoko fatilogna nathunu na pari. Eghuteuna pholi na mei ne kegra ke ulugna gaꞌase te namo fakarha teu thugna na. Mana magnahaghei te ghamu thugna gaꞌase na kate karha mei majaghani na.