Thakle 12:1 - Buka Blahi Ka Cheke Holo

¹ Aonu kaisei fagaglana biꞌo te mala fajaglodi naiknore ne thakle ka maloa na. Jare kaisei gaꞌase ne pipichi ka naprai. U glaba na au ke pari ghahegna, nei nabotho phei nathunure faligohoni pha'ugna na jateula kaisei nogna khepi nafnakno neu.

Thakle 12:1 Iomraidhean Croise

Fapea Kronikols 32:31

Kate nomhini king gna Babilonia thoutonu eigna God te eni fagaglana igne Juda na, mana ne kurudi keha nogna mae biꞌo mala tei hironi gaoghathogna fagaglana igne. Nu ka narane tuare, God magnahaghei te fariuriuni King Hesekaea mala hironi gaoghathogna unha teke eni mana na, aonu mana ne snakreni Hesekaea mala leghuni gaoghathogna thegna na.

Nodi Khoje Hatimare Mae Jiu 104:2

U naphae te au faligoho nigho ana fagaglana gna nou nolaghi biꞌo iagho na. Iagho lilisei haghe u maloa na jateula kaisei suga thapuale eghu.

Nodi Khoje Hatimare Mae Jiu 84:11

Lord God, kaisei iagho ngala God na, eghuteuna iaghou ngala te saghe leghu ghami nei taji fakeli ghami teuna. Uve, iagho ngala te keli ranghi ghami nei tusu ranghi ghami teu u nafnakno na. Lord God, leuleghu fata na iagho tusu lao kolho glepo te kelire ka iheire te edi unha te doglore.

Famane Khoje 6:10

Reꞌe na cheke eghu, Ihei si gaꞌase te famane fara jateula nathunu rane teu ignea? Naꞌa thofno famane fara jateula glaba te agha bongiro eghuteuna naprai phae narane ro. Iara thofno keli tagu fara ka naꞌa!

Profet Isaia 61:10

Naiknodi Jerusalem igre ginauna cheke eghu, “Ka gaoghathomi fateote'o, ghehati thofno gleale'a fara, naugna Lord na nomi God ghehati. Puhi te fakarhi ghami, eghuteuna togho ghami mala leghudi puhigna te doglo teu igre ghehati thofno gleale'a fara jateula gaꞌase ghe nalhaꞌu te pipichi pohe te keli mala tolaghi teura eghu.

Profet Isaia 62:3

Ghotilo ginauna na jateula nogna famane khepi nafnakno te louloku teu Lord ra eghu.

Profet Sekaraea 9:16

Ka narane tuana, Lord ginauna fakarhidi nogna naiknore, jateula mae te reireghidi nogna sipu ra eghu. Mare ginauna au fakeli nodi ka nodi glose na. Lord ginauna keli tagna ka mare jateula king te keli tagna ka thofno famane thina te siasigla ka nogna khepi nafnakno ia eghu.

Profet Malakai 4:2

Nu ghotilo naikno te ghatho tahuni nanghagu iara na igre nogu nolaghi iara na ginau soru mei ke klignami ghotilo jateula naphaegna naprai te agha soru mei funu klignara eghu mala fablahi ghami ghotilo. Eghume, ghotilo ginauna na snagla nomi nei glealeꞌa nomi eghu, jateula sua buluka te jifla balu glealeꞌa ka bara na te ghasa tafri ra eghu.

Matiu 12:38

Aonu, keha mae Farasi nei mae velepuhigna vetula nogna mae Moses teure ne mei cheke eghu ka mae Jisas, “Ghehati magnahaghe nigho iagho te eni kaisei gloku biꞌo te nolaghi. Igne fagaglana te mala laseni ghehati nolaghi teke mei funu ka God na.”

Matiu 24:30

“Ka narane tuana, fagaglana gna meigu iara na ginauna thakle mei ka maloa na. Eghuteuna naikno heva heva kau nauthoglu igne na kafe orio tanhi balu mhaghu. Eghuteuna mare ginauna filo ghau iara na soru mei ke kligna grokho balu nolaghi nei nafnakno te biꞌo.

Nonomho Te Keli Teke Risoi Mae Mak 13:25

Nathunure ginauna khoko soru funudi ka maloa na. Aonu gobigna lepo te au ka maloa na are ginauna thugha tafri.’

Luku 21:11

Ginauna nakheu biꞌo, fogra biꞌo ba keha puhi biꞌo ka namono te kmana gre. Jare naiknodi keha namonore ginauna na theo gano te mala ima na. Kmana glepo mamhaghuana, nei kmana fagaglana te biꞌo eghu ginauna na kafe mei funu kligna.

Luku 21:25

Mae Jisas ne cheke eghu, “Keha fagaglana mamhaghuana ginauna thakle mei kau naprai, kau glaba, ba kau nathunu ka maloa gne. Naiknogna nauthoglu igne ginauna na thono mhaghu fara ka taitanhi gna galo na, ba ka longagna goighovi na.

Jone 3:29

Ghathoi si ghotilo, mae te tolaghi na ngala te khotogna gaꞌase na. Eghuteuna iara gne jateula kheragna mae te tolaghi ia eghu mei ofo balu fanomho ka mana. Eghume kate mei mana te mala hata khetogna na iara gognaro thofno gleale'a fara te nomhi naoglagna mana na.

Mae Khuru 2:19

Iara ginauna lilisei fagaglana: dadara, khaꞌaghi, nei u gagahu biꞌo kligna kau maloa nei agne pari kau nauthoglu gne mala filoni naiknore.

Letas Teke Riso Tei Mae Pol Ka Khiloau Rom 13:14

Nu ghotilo loku famaku ka noda Lord Jisas Kraes. Eghuteuna thosei ghatho tahudi glepo te diꞌa te magnahaghei edi thinire.

Letas Teke Riso Tei Mae Pol Ka Khiloau Rom 3:22

Igne u nabrou te chekeni iara na. Naikno te gnafa te fatutuani ni mae Jisas Kraes re, God au kaisei nabrou te mala fadoglodi ke ulugna thegna. God theome edi phei nabrou, kaisei maladi mae Jiu nei kehana maladi mae te theome Jiu.

Fapea Korin 11:2

Uve, iara reireghi ghami ghotilo fara jateula God jaola te reireghi ghami ghotilo, naugna iara la nhaꞌa chekehi te mala snakre lao ghami ghotilo ka Kraes na. Ghotilo mala jateula khupi eghu ka narane tholaghi na, eghuteuna Kraes ngala khetomi ghotilo na.

Galesia 3:27

Ghotilo kaisei balugna Kraes kate apublahi na, eghuteuna ghotilo la funu leghunihi puhigna Kraes na.

Galesia 4:26

Nu Jerusalem te au kligna na jateula gaꞌase te snagla eghu, eghuteuna naꞌa idoda tahati. Naugna tahati theome neke karha mei jateula mae sneka eghu.

Galesia 6:14

Nu iara theome fahaehaghedi nafnata glepo tuare. Iara ginauna tangomana te fahaehagheni kolho nogna gaju fafatha noda Lord Jisas Kraes. Naugna ka glehegna mana na, puhigna nauthoglu na theo nogna nolaghi te mala funei fruni ghau iara na. Iara tirogu leghuni fabrahu puhigna na.

Efesus 5:32

U cheke tuana e poru gaoghathogna na eghuteuna iara cheke eidi tuare agne naugna cheke tuana jaola cheke eigna Kraes nei nogna khiloau.

Thakle 1:20

Iagho filodi fitu nathunu te louloku iara fei khame nhetagu gre, nu iagho theome laseni gaoghathodi fitu nathunu igre. Uve, fitu nathunu igre gaoghathogna na hatimare mae engel ka fitu khiloau gre. Eghuteuna iagho jaola filodi fitu juta teke hohoro ka gol. Fitu juta igre gaoghathogna na eidi fitu khiloau tuare kolho.”

Thakle 11:19

Aonu grengathagna nogna Sugablahi God te au kligna na ne thora, eghuteuna iara ne filoni bokis te au nogna nhaꞌa cheke God teke rioriso ranghidi nogna naiknore. Ka vido tuana nakafli, fila, nakheu, nei nakhete thina eghu ne khoko soru mei ka maloa na.

Thakle 12:3

Eghuteuna keha fagaglana biꞌo na ne thakle ka maloa na. Jare kaisei pholi biꞌo te ukru. Mana au fitu pha'ugna nei nabotho honagna. Ka soasopa pha'u igre mana au kaisei khepi nafnakno.

Thakle 15:1

Ke leghu na iara ne filoni kaisei fagaglana biꞌo ka maloa na, ne jaglo nogu fara. Iara ne filodi fitu engel re ne hata ne mei fitu papara biꞌo. Igre papara leghu lahure. Naugna kate gnafa igre ginauna, diꞌatagna God na, na jaola gnafa.

Thakle 21:14

Gringnigna namono igne mare babana ke klignadi nabotho phei thina. Ke klignadi thina igre mare rioriso nanghadi nabotho phei nogna khuru mae Lam.

Thakle 21:23

Naprai ba glaba theome phae soru ke kligna gna namono biꞌo tuana, naugna nogna nolaghi biꞌo God na siasigla mei fabrahu tagna. Eghuteuna Lam na u naphaegna namono tuana.