Thakle 10:3 - Buka Blahi Ka Cheke Holo

³ Eghuteuna mana ne eha fabiꞌo jateula te ku'e lion neu. Kate eha mana na fitu filare ne cheke tughu.

Thakle 10:3 Iomraidhean Croise

Nodi Khoje Hatimare Mae Jiu 29:3

Naiknore nomhini naoglagna Lord na ke kligna nhorora. Naugna nolaghi Lord na oaꞌongha jateula fila eghu, eghuteuna chekegna mana na oaꞌongha ke kligna nhorora.

Proveb 19:12

Mae funei te diꞌatagna na, mana jateula lion te fangangara ra eghu. Nu mae funei te gleale'a na, mana jateula famane nakhete te soru mei ka nagare ra eghu.

Profet Isaia 31:4

Eigna Lord na neke cheke eghuhi, “Iara ginauna mei jateula kaisei lion te theome mhaghuni kaisei glepo ra eghu. Neuba mae iheire te reireghi sipu igre ne eha ba ne fariuriu reireghi fakelidi nodi sipu re, nu lion igne na ginauna mei magra ka mare. Igne unha nate eni iara Lord mae ihei te au nolaghi fateote'o igne ka iheire te au ka Thogele Saion.

Profet Isaia 42:13

Lord na tei mala magra jateula kaisei mae te nheta eghu, mana tarabana ni thegna jateula kaisei mae nheta ka magra eghu. Mana eha fabiꞌo fagaglana gna nogna nolaghi na kate uludi nogna naokare.

Profet Isaia 5:29

Nomi naoka ghotilo igre ginauna ulu ghami ghotilo eghu. Mare ginauna hata tei ghami ghotilo eghuteuna theo kaisei naikno nate togho ghami ghotilo na. Mae igre jateula lion te eha fabiꞌo kate kathu falehe buluka te ghamu ra eghu.

Profet Jeremaea 25:30

“Jeremaea, iagho tei cheke ka naiknore cheke igre: “ ‘Lord ginauna eha fabiꞌo jateula lion eghu ka nogna naiknore funu kligna. Eghuteuna naogla gna mana igne poha jateula fila eghu. Eghuteuna mana ginauna fnaja fabiꞌo ka nogna naiknore. Eghuteuna mana ginauna eha fabiꞌo jateula mae te tapla ke kligna grep te mala ei waen ra eghu ka naikno te gnafa ka nauthoglu igne.

Profet Esikiel 10:5

Eghuteuna naogla baghidi engel igre thono biꞌo fara, mala tangomana naiknore te nomhidi neubane kegra mei neu delei ka keha philegna glalaba biꞌogna Sugablahi na. Naogla igne thono biꞌo fara jateula naogla gna Lord mae ihei te au nolaghi fateote'o eghu kate cheke teu mana na.

Profet Hosia 11:10

Iara ginauna na eha fabiꞌo jateula lion eghu ka keha lion mala mei ka mana, eghume nogu naikno iara igre ginauna nake pulo mei ka iara funu ka namono te gnafa igre.

Profet Joel 3:16

Lord ginauna au Jerusalem ka Thogele blahi Saion, ne eha fabiꞌo. Eghuteuna naoglagna mana igne biꞌo fara jateula fila eghu, eghuteuna maloa ghe nauthoglu igre ginauna nghali tongana. Nu Lord ginauna reireghi fakelidi fabrahu nogna naiknore.

Profet Emos 1:2

Mae Emos ne cheke eghu, “Lord ne eha fabiꞌo jateula kaisei lion eghu ka Thogele Saion. Eghuteuna naogla gna mana igne oa'ongha jateula fila eghu. Aonu buburu te gnafa te mala ghamu sipure ne kafe gnhagha soru. Eghuteuna gaju te gnafa ka Thogele Kamel ra ne jaola ne kafe lehe.”

Profet Emos 3:8

Kate eha fabiꞌo lion na, mae te nomhini igne ginauna mhaghu nogna fara. Eghuteuna kate cheke fabiꞌo Lord na, mae te nomhi chekegna mana igne ginauna cheke fajiflani chekegna mana na.

Thakle 14:2

Eghuteuna iara ne nomhini kaisei naogla gna kligna. U naogla igne jateula te oa'ongha galo ka thongna ba poha fila ka maloa eghu. Naogla te nomhini iara igne jateula naikno kmana te lalahu ka gitara eghu.

Thakle 15:1

Ke leghu na iara ne filoni kaisei fagaglana biꞌo ka maloa na, ne jaglo nogu fara. Iara ne filodi fitu engel re ne hata ne mei fitu papara biꞌo. Igre papara leghu lahure. Naugna kate gnafa igre ginauna, diꞌatagna God na, na jaola gnafa.

Thakle 15:7

Ka vido tuana kaisei ka fati glepo te karha igre ne tusu lao ka fitu engel igre fitu dis teke hohoro ka gol. Dis igre fodu ka diꞌatagna God mae ihei te karha fabrahu tifa tifa.

Thakle 4:5

Iara jaola ne filodi nakafli nei nomhidi naogladi fila biꞌo eghu ne mei funudi ka nogna sape nafnakno mae King na. Ke ulugna nogna sape nafnakno mae King na iara ne filodi fitu juta te deudeplu fabrahu, igre fitu tharunga te keli nogna God.

Thakle 8:5

Aonu engel na ne hata tapera insens na ne fafodu khaꞌaghi ka olta na ne koko soru ka nauthoglu na. Ka vido tuana nakafli nei fila nei nakheu biꞌo.