Thakle 10:11 - Buka Blahi Ka Cheke Holo

¹¹ Ka vido tuana mare ne cheke eghu ka iara, “God magnahaghe nigho iagho te mala ke toutonu eidi kmana naikno ka soasopai namono, kokholo te kmana, cheke te kmana, nei hatimare mae king te kmana.”

Thakle 10:11 Iomraidhean Croise

Profet Jeremaea 25:13

Iara na cheke ka mae profet Jeremaea eigna unha nate thoke mei ka kantri igre. Mana ginauna na chekedi nei riorisodi eghu glepo igre ka buka. Eghuteuna iara ginauna snakredi puhi biꞌo igre mala thoke mei ka namono igne leghuni unha teke chekeni iara na.

Profet Esikiel 37:4

Mana neke cheke eghu ka iara, “Iara magnahaghei nigho iagho te cheke eghu nogu cheke iara igne ka nhubra igre, ‘Ghotilo nhubra te moja ra! Fanomho mei ka nogna cheke Lord igne!

Profet Esikiel 37:9

Lord ne cheke eghu, “Maegna ka nauthoglu. Iagho mala cheke eghu ka nuri, ‘Lord God cheke ranghi nigho iagho mala ghaghafa mei ka vido te gnafa ke maghati, ke mosu, ke raru, ke mata eghu mala phanga lao karha na ka nhubra igre, mala ke karha fapulo mare.’ ”

Thakle 10:10

Iara hata ka mana buka ikoi na ne ima. Eghuteuna lamna ka foflogu iara na, ne thofno mamahe tutuani fara. Nu kate tomno soruni iara na, iara ne haimini ka thi'agu na ne thono sorho tutuani fara.

Thakle 11:1

Mare ne tusu mei kaisei gaju brahu ka iara mala fananaba, eghuteuna mare ne cheke eghu ka iara, “Kegra sagho mala fananaba Sugablahi nogna God ana balugna olta na. Iagho jaola na kahadi naikno te pogho soru ke lamnagna Sugablahi tuana.

Thakle 11:9

Naiknodi namono te gnafa, vike te gnafa, cheke te gnafa, nei kokholo te gnafa teu igre ginauna filo ka thinidi phei mae igre naba thilo narane vidogna. Eghuteuna mare ginauna theome snakredi naiknore mala giugilui thinidi phiamare re.

Thakle 14:6

Iara ne filoni keha engel na ne flalo kligna ka maloa na. Mana hata balugna u Nonomho te Keli te au fabrahu te tifa te tifa na mala toutonu ranghidi naikno te au ka kokholo te gnafa, ka vike te gnafa, ka cheke te gnafa, nei ka namono te gnafa ka nauthoglu gne.

Thakle 17:10

Glima mae, ka hatimare mae king igre, mare la theohi kaisei nodi nolaghi te mala funei frunidi naiknore, eghuteuna kaisei mae te funei fruni teu gognaro na. Keha na theome kegra ngau, nu kate meigna na, mana ginauna funei fruni katha vido kmoꞌei kolho eghu.

Thakle 17:12

Eghuteuna engel na jaola ne cheke eghu ka iara, “Nabotho hona te filodihi iagho igre, tuare nabotho mae king, nu mare theome funei jateula mae king eghu ngau. Nu ke leghu na, mare ginauna au nodi nolaghi te mala funei fruni jateula mae king teu balugna bosu igne. Eghuteuna mare ginauna funei frunini ka nauthoglu igne katha vido kolho.

Thakle 17:15

Aonu engel na ne cheke eghu ka iara, “Iagho laseni, khoꞌu te filodi iagho te gnokro teu thau te vine na rhedi are, tuare ngala naiknodi namono te gnafa, vike te gnafa, kokholo te gnafa nei cheke te gnafa.

Thakle 5:9

Mare ne kafe kojeni kaisei khoje te majaghani ranghini mae Lam na, ne cheke eghu, “Iagho nabamu te hata pepa na te mala hata koko loke are. Naugna mare neke falehe nigho, eghuteuna dadaragna glehemu iagho na kaisei fafara mala foli fajifladi nogna naikno God re. Naikno igre mei funudi ka vike te gnafa, ka cheke te gnafa, ka namono te gnafa nei ka kokholo te gnafa ka nauthoglu igne.