Thakle 10:10 - Buka Blahi Ka Cheke Holo

¹⁰ Iara hata ka mana buka ikoi na ne ima. Eghuteuna lamna ka foflogu iara na, ne thofno mamahe tutuani fara. Nu kate tomno soruni iara na, iara ne haimini ka thi'agu na ne thono sorho tutuani fara.

Thakle 10:10 Iomraidhean Croise

Nodi Khoje Hatimare Mae Jiu 104:34

God na faglealeꞌa ghau fara iara, eghuteuna iara magnahagheini mana te keli tagna ka nogu gaoghathore.

Nodi Khoje Hatimare Mae Jiu 119:103

Nou cheke iagho ra thono mamahe fara salauꞌi jateula jujurukuli eghu ka foflogu iara na!

Nodi Khoje Hatimare Mae Jiu 19:10

Iara magnahagheni fara gaoghathogna God na ke tulaodi dedei te gnafa ka nauthoglu igne. Eghuteuna iara haimini glamnagu na thono mamahe fara jateula jujurukuli eghu.

Proveb 16:24

Cheke te keli na famane mamahe jateula jurukuli eghu. Cheke igre farerheta nakarhadi naiknore.

Profet Esikiel 2:10

Mana tothora buka igne ke ulugu iara, eghuteuna mare rioriso cheke te gnafa igre ka phei philegna phepa igne. Mare rioriso eidi nodi khoje paopado, nei diꞌanagnafa, nei natanhi teu naiknore.

Profet Esikiel 3:14

Aonu nogna nolaghi God igne pala ghau iara ne tei ka maloa, eghuteuna Lord ne habo ghau iara ka nogna nolaghi biꞌo na. Nu iara theome keli gaoghathogu ne diꞌatagu fara.

Profet Esikiel 3:3

Mana ne cheke eghu, “Maegna ka nauthoglu. Ghamu sagho buka te tusu ari iara ka iagho gognaro igne mala boho iagho.” Aonu iara ne ghamu buka igne, eghuteuna buka igne thofno mamahe fara jateula jurukuli eghu.

Thakle 10:11

Ka vido tuana mare ne cheke eghu ka iara, “God magnahaghe nigho iagho te mala ke toutonu eidi kmana naikno ka soasopai namono, kokholo te kmana, cheke te kmana, nei hatimare mae king te kmana.”

Thakle 10:9

Iara ne tei ka engel na, eghuteuna iara ne toreni ka mana buka ikoi na mala tusu mei ka iara. Mana ne cheke eghu ka iara, “Hata sagho buka igne mala ima. Iagho laseni, lamna ka foflomu iagho na ginauna mamahe fara jateula jurukuli eghu. Nu kate ima te gnafa iagho na, iagho ginauna haimini ka thi'amu na thono sorho fara.”