Thakle 10:1 - Buka Blahi Ka Cheke Holo

¹ Iara ne filoni kaisei engel te nolaghi fara ne soru mei funu kligna. Mana pipichi ka kaisei grokho balugna kaisei maja ka pha'ugna na. Eghuteuna tathagna na siasigla jateula naprai eghu, eghuteuna phei ghahegnare jateula khegra biꞌo te phae teu ka khaꞌaghira eghu.

Thakle 10:1 Iomraidhean Croise

Nodi Khoje Hatimare Mae Jiu 104:3

Eghuteuna iagho neke hohoro nou suga na ka maloa. Iagho neke eꞌei grokho na mala jateula nou chariot eghu, mala saghe kate gaghafa teu nuri na.

Nodi Khoje Hatimare Mae Jiu 97:2

Khoveo nei gromno teura au faligohoni mana. Mana funei frunidi nei fatedi eghu naiknore ka puhi te thofno doglo fara.

Eksodas 16:10

Aonu kate cheke teu mae Eron ka naiknore na, naiknore ne figri lao neu fei namono nagou, eghuteuna siasigla gna Lord na ne megei nga ne thakle mei ka khoveo na.

Famane Khoje 5:15

Phei ghahegna re jateula phei khegra teke horo mare ka famane thina vegha, eghuteuna pesidi phei khegra igre, mare neke horo ka gol. Kate filoni iara mana, iara ghathodi thogele te maku ra eghuteuna gaju sida brahu Lebanon.

Profet Isaia 19:1

Lord ne fakakhana ka iara eigna Ijep: Mana ginauna tei Ijep ke kligna gna kaisei grokho te umhu fara. Kate tei te thoke mana Ijep na, nodi mumuju god mae Ijep igre mhaghu ne fififri fara. Eghuteuna naiknodi Ijep re jaola ne mhaghu nodi fara.

Profet Isaia 54:9

“Ka naranegna mae Noa igne, iara neke eni kaisei nhaꞌa cheke mala theome plulu nauthoglu igne ka khoꞌu. Iara gognarona jaola nhaꞌa cheke mala theome diꞌatagu ka ghotilo. Iara ginauna na theome thodo ghami nei para ghami eghu ghotilo.

Lamentations 3:44

Diꞌatamu iagho na jateula khoveo te thuta ra eghu, eghuteuna nomi tharai ghehati gre theome ari posa ka iagho.

Profet Esikiel 1:28

Juta te siasigla fabiꞌo falithuini mana igne thono famane fara jateula maja eghu. Juta biꞌo igne agha fabiꞌo ka nogna nolaghi biꞌo God na. Kate filodi iara glepo igre, iara ne pogho soru pari ka glose na, aonu ka vido igne, iara ne nomhini kaisei naogla ne cheke mei ka iara.

Profet Daniel 10:6

Thinigna na thono siasigla fara jateula naprai eghu, eghuteuna foflogna nei tathagna teure famane sigla fara jateula nakafli eghu, eghuteuna phei tathagnare deudeplu jateula khaꞌaghi eghu. Phei khamegna nei phei gahegna teure siasigla fara jateula famane bras eghu, eghuteuna naoglagna na jateula naogladi kmana naikno te uareghe ka gaghamu ra eghu.

Profet Daniel 7:13

“Ka bongi te filoni iara mifi igne, iara ne filoni kaisei glepo te jateula naikno ka nauthoglu igne eghu. Mana ne soru mei funu kligna ne kegra ke kligna grokho, eghuteuna mana mei ne namo ka iara. Mare hata ne tei mae igne ka God mae ihei te au fabrahu funu tifa na.

Levitikas 16:2

Lord ne cheke eghu, “Cheke ka thabusimu Eron, mala thosei ruma mei fabrahu mana ke lamnagna Chogho te thono Blahi fara te bobotho ka pohe igne. Jame te mei mana ka narane te theome naba te mala mei mana na, mana ginauna lehe naugna ka vido blahi igne iara tangomana te mei ka ghopa ke lamna grokho ke kligna thotoku gna Bokis Nhaꞌa Cheke te thofno Blahi fara na.

Matiu 17:2

Kate filo teu thilomare na, thilomare ne filoni thinigna mae Jisas na ne tughu. Tathagna nei foflogna teu manare ne siasigla fara jateula naprai neu. Eghuteuna nogna pohere ne jaola ne thono vegha fara.

Luku 21:27

Ke leghugna igne, mare ginauna filo ghau iara te soru mei ke kligna grokho balu nolaghi nei nafnakno biꞌo.

Mae Khuru 26:13

Ghema King Agripa, farihotei aublatha, iara megei nga ne filoni kaisei naphae ka maloa na. Naphae tuana siasigla fara uluni naprai na ne siasigla faligoho ghau iara nei mae iheire teke tei balugu iara re.

Thakle 1:7

Filo si ghotilo, mae Jisas na ginauna nake pulo mei balu grokho ka maloa na. Naikno te gnafare ginauna filoni mana, eghuteuna naikno teke jaꞌini mana tifa ra ginauna jaola filoni mana. Naikno ka namono te gnafa ka nauthoglu igne ginauna diꞌanagnafa balu tanhi fabiꞌo kate filoni mana na naugna mana au nolaghi biꞌo fara. Uve, ginauna jateula tuana eghu. Amen.

Thakle 18:1

Ke leghudi glepo igre, iara ne filoni keha engel na ne soru mei funu kligna. Engel igne au nolaghi biꞌo, eghuteuna siasigla gna nogna nolaghi mana na ne siasigla faligohoni mana, ne tei thoke ka namono te gnafa ka nauthoglu igne.

Thakle 18:21

Aonu kaisei engel te nolaghi na ne hata kaisei thina biꞌo ne koko soru ka thongna na ne cheke eghu, “Babilon, iagho namono biꞌo. Ka puhi jateula igne eghu kolho, mare ginauna koko soru nigho mala luvu fabrahu kolho iagho.

Thakle 20:1

Iara ne filoni kaisei engel ne soru funu kligna. Mana louloku ki grengathagna glave te mamhara fara na. Mana jaola louloku kaisei chen biꞌo.

Thakle 4:3

Eghuteuna mae ihei te gnokro teu ka nogna sape nafnakno mae King na igne, iara filoni thinigna mana na siasigla jateula phei famane thina jaspa nei konilian eghu. Eghuteuna falithuni nogna sape nafnakno mae King igne iara jaola filoni kaisei maja te siasigla jateula kaisei famane thina emaral.

Thakle 5:2

Eghuteuna iara ne filoni kaisei engel te nolaghi fara, aonu mana ne eha eghu fabiꞌo, “Ihei te nabagna te hata koko loke igre te mala tothora pepa igne?”

Thakle 8:13

Kate filo teu iara na, iara ne nomhini kaisei gaghata ne flalo ka maloa na kligna fara. Gaghata tuana ne eha eghu fabiꞌo fara, “Puhi biꞌo! Puhi biꞌo! Puhi biꞌo ranghidi iheire te au ka nauthoglu! U puhi biꞌo igne ginau fufunu ka naogladi nodi khufli thilo engel kate ifu teu igre!”