Thakle 1:2 - Buka Blahi Ka Cheke Holo

² Aonu iara mae Jone neke rioriso glepo teke filodi thegu igre. Chekegna God na thofno tutuani fara teke cheke mei mae Jisas Kraes igre.

Thakle 1:2 Iomraidhean Croise

Jone 1:32

Aonu mae Jone ne cheke eghu ka naiknore, “Iara filoni Tharunga te Blahi na ne soru mei jateula kaisei balhu neu ka maloa na ne thoti ka mana.

Jone 12:17

Naikno au tekeu balugna mae Jisas ka narane teke eha fajiflani mana mae Lasaros ka gluma na neke fakarha fapuloni mana ia, mare ne toutonu tafri unha teke filoni mare na.

Jone 19:35

Iara, mae teke kegra tekeu jare na, iara filodi glepo igre ne fatutuani ne toutonudi. Unha te chekedi iara igre thofno tutuani fara, theome chaghi. Eghuteuna iara toutonudi glepo igre mala fatutuani ni ghotilo mae Jisas Kraes.

Jone 21:24

Mae fanomho te chekeni mae Jisas igne iara ngala. Eghuteuna, iara ngala mae te toutonudi nei rioriso sorudi teu glepo igre. Eghuteuna tahati kafe laseni unha te toutonudi iara igre thono tutuani fara.

Jone 3:11

Tutuani fara te chekeni iara ka iagho na. Ghehati cheke eidi unha glepo te thofno lasedi nei cheke eidi unha glepo teke filodi kau tathamire. Nu ghotilo theome fatutuanidi unha te chekedi ghehati re.

Mae Khuru 22:15

Iagho ginauna nogna mae mala toutonu mana, mala toutonu ka naikno te gnafa re unha iagho teke filodi ba teke nomhidi.

Mae Khuru 26:16

Ghosei kegra haghe! Iara neke thakle ka iagho naugna iara neke vahi nigho mala nogu mae gloku iara. Iagho ginauna mala toutonu ka naiknore eidi glepo teke filodi iagho nei glepo nate falalase ranghi nigho iara thogheiro.

Mae Khuru 4:20

Ghepa theome tangomana te gnafa na. Ghepa magnahagheni fara te toutonu eidi unha teke filodi nei nomhidihi teku ka mae Jisas re.”

Ululahu Korin 1:6

Jaola, Nonomho te Keli eigna Kraes igne heta fara ka nakarhamire.

Ululahu Korin 2:1

Kheraguro, kani teke ari ka ghotilo ia, iara neke toutonuni chekegna God teke theome laseni naiknore tifa ia. Iara jaola theome toutonu ka ghotilo jateula kaisei mae te lase cheke fara ba mae te lalalase fara.

Ululahu Jone 1:1

Ghehati riso ari ka ghotilo eigna Cheke te karha fabrahu igne. Ghehati nomhinihi. Ghehati filonihi. Ghehati efranihi, nei habonihi ka khamemire. Ghehati riso ari ka ghotilo eigna Cheke te tusu meini u karha na.

Ululahu Jone 4:14

Tahati filonihi mana nei toutonuni ka naikno eigna Mama te kuru meini Thugna mala fakarhidi naikno te gnafa ka glehe.

Fatilo Jone 1:12

Naiknore te chekei na mae Demitrias gne kaisei mae keli fara. Eghuteuna unha te chekeni naiknore tutuani fara. Ghehati jaola cheke fakelini mana, eghuteuna ghotilo laseni unha te chekeni ghehati na tutuani fara.

Thakle 1:11

Mana ne cheke eghu ka iara, “Ghema Jone, iagho rioriso soru unha teke filodi iagho re, eghuteuna fatei buka igne ka khiloau te au ka fitu namono igre, Efesus, Smana, Pegamum, Teatira, Sadis, Filadelfia, nei Leodisia.”

Thakle 1:19

“Eghume, iagho mala rioriso soru glepo te thakle mei ka iagho gognaro gre neu glepo nate thakle mei teu thogheiro.

Thakle 1:9

Iara mae Jone, kaisei mae kherami ghotilo ka khiloau eigna tahati te gnafa na kafe fatutuani ni mae Jisas. Kraes na noda King eghuteuna tahati mala kegra heta fodu, neubane para ghita naiknore. Tutuani, mare lilisei ghau iara ka suga sosolo ka moumolu ikoi Patmos, eigna iara ne toutonuni chekegna God na nei cheke ka tutuani eigna mae Jisas.

Thakle 12:11

Hatimare mae kherada ka khiloau gne neke tapla sorunihi mana naugna Lam na neke thofa dadaragna na neke lehe. Hatimare jaola neke tapla soruni mana naugna mare neke toutonuni ni u cheke te tutuani na. Mare theome mhaghu mala lehe malagna God nu mare neke snakre lao nakarhadire ranghini mana.

Thakle 12:17

Aonu pholi biꞌo na ne diꞌatagna fara ka gaꞌase na ne tei magridi thugna naꞌa re. Thugna naꞌa igre iheire te leghuni fabrahu nogna vetula God nei fatutuanidi cheke te tutuani teke toutonudi mae Jisas re.

Thakle 20:4

Iara ne filodi keha nodi sape nafnakno mae king. Tharungadi naikno teke kusu mare pha'udire tifa ra gnokro neu jare. Nogna naoka God re neke falehedi mare naugna mare neke fatutuani ni fabrahu chekegna God na nei toutonuni eigna u cheke tuana. Mae igre neke theome pogho soru ka bosu ba ka mumuju gna na. Eghuteuna mare jaola neke theome hata nogna fagaglana bosu na ka greredire ba ka khamedire. Nu mare neke karha fapulo mala funei fruni balugna Kraes kaisei thogha finogha.

Thakle 22:21

Nogna khokofakasai noda Lord Jisas Kraes au balumi ghotilo tifa. Amen.

Thakle 6:9

Mae Lam na ne hata koko falima loke gna buka na. Aonu iara ne filodi keha tharunga ke parigna olta na. Tharunga igre, tharungadi naikno teke falelehe mare tifa ra, naugna mare neke fatutuani ni fabrahu chekegna God na nei toutonuni eigna u cheke tuana.