Thakle 1:16 - Buka Blahi Ka Cheke Holo

¹⁶ Mana louloku fitu nathunu fei khame nheta, nei kaisei naflahi te fnonu piepile ne jifla mei ka foflogna na. Eghuteuna tathagna na siasigla fara jateula naprai farihotei aublatha eghu.

Thakle 1:16 Iomraidhean Croise

Nodi Khoje Hatimare Mae Jiu 45:3

Iagho kaisei mae king te nheta fara kau magra. Iagho au nou glepo fara eghuteuna nanghamu iagho na thono haghe fara. Iagho tarabanau nou naflahi na mala magra.

Famane Khoje 6:10

Reꞌe na cheke eghu, Ihei si gaꞌase te famane fara jateula nathunu rane teu ignea? Naꞌa thofno famane fara jateula glaba te agha bongiro eghuteuna naprai phae narane ro. Iara thofno keli tagu fara ka naꞌa!

Profet Isaia 11:4

nu mana ginauna fatedi naikno te kumare ka puhi te doglo. Mana ginauna famane fanomho fakeli ka fate igne mala ke hata fapulo unha teke nodi mare re. Ka nogna cheke te autagna nolaghi na mana ginauna paradi naiknogna nauthoglu igne. Eghuteuna kate cheke kolho mana na naikno te diꞌa re ginauna lehe.

Profet Isaia 24:23

Ka narane igne, naprai ghe glaba gre ginauna jaola theome agha. Naugna Lord mae ihei te au nolaghi fateote'o igne ginauna funei fruni jateula king eghu. Mana ginauna funei Jerusalem ke kligna Thogele blahi Saion, eghuteuna noda mae mala baubatu tahati igre ginauna filoni siasiglagna nogna nolaghi biꞌo mana na.

Profet Isaia 49:2

Mana neke eni chekegu iara na mala fnonu jateula naflahi mala magra eghu. Mana reireghi ghau iara jateula te pophoru ka khamegna na. Mana tarabana ghau iara jateula iara te kaisei jata te fnonu te tarabana te mala fada ra eghu.

Profet Daniel 12:3

Eghuteuna iheire te au tadi glalase te mala toghodi keha naiknore te mala leghuni puhigna God te doglo na igre ginauna siasigla fabrahu jateula nathunu ka maloa na are eghu.”

Profet Daniel 8:10

Hona ikoi tuana thono nheta fara, eghuteuna mana ne magra ka armigna kligna na. Nathunu ba ka maloa klignare mana ne koko sorudi kolho pari ka nauthoglu igne ne tapla kolho ke klignadi.

Profet Malakai 4:2

Nu ghotilo naikno te ghatho tahuni nanghagu iara na igre nogu nolaghi iara na ginau soru mei ke klignami ghotilo jateula naphaegna naprai te agha soru mei funu klignara eghu mala fablahi ghami ghotilo. Eghume, ghotilo ginauna na snagla nomi nei glealeꞌa nomi eghu, jateula sua buluka te jifla balu glealeꞌa ka bara na te ghasa tafri ra eghu.

Matiu 17:2

Kate filo teu thilomare na, thilomare ne filoni thinigna mae Jisas na ne tughu. Tathagna nei foflogna teu manare ne siasigla fara jateula naprai neu. Eghuteuna nogna pohere ne jaola ne thono vegha fara.

Mae Khuru 26:13

Ghema King Agripa, farihotei aublatha, iara megei nga ne filoni kaisei naphae ka maloa na. Naphae tuana siasigla fara uluni naprai na ne siasigla faligoho ghau iara nei mae iheire teke tei balugu iara re.

Efesus 6:17

Eghuteuna ghotilo fahaghe kaisei khepi mala magra, igne puhigna God te mala fakarhi ghami ghotilo na. Ghotilo jaola hata nogna naflahi biꞌo mae Tharunga te Blahi na, igne chekegna God na.

Hibru 4:12

Chekegna God na karha nei fodu kau nolaghi. Thono fnonu piepile fara jateula u naflahi kavara eghu. Thono churu tei fara lamna ka gaoghathogna nei karhagna eghu naikno na. Chekegna God na tangomana te ruma te fatedi unha te au ka gaoghathodi nei nagnafadi teu naiknore jateula u naflahi kavara te thono tei lamna farihotei thududi nei nhubragna teu mana re.

Thakle 1:20

Iagho filodi fitu nathunu te louloku iara fei khame nhetagu gre, nu iagho theome laseni gaoghathodi fitu nathunu igre. Uve, fitu nathunu igre gaoghathogna na hatimare mae engel ka fitu khiloau gre. Eghuteuna iagho jaola filodi fitu juta teke hohoro ka gol. Fitu juta igre gaoghathogna na eidi fitu khiloau tuare kolho.”

Thakle 10:1

Iara ne filoni kaisei engel te nolaghi fara ne soru mei funu kligna. Mana pipichi ka kaisei grokho balugna kaisei maja ka pha'ugna na. Eghuteuna tathagna na siasigla jateula naprai eghu, eghuteuna phei ghahegnare jateula khegra biꞌo te phae teu ka khaꞌaghira eghu.

Thakle 12:1

Aonu kaisei fagaglana biꞌo te mala fajaglodi naiknore ne thakle ka maloa na. Jare kaisei gaꞌase ne pipichi ka naprai. U glaba na au ke pari ghahegna, nei nabotho phei nathunure faligohoni pha'ugna na jateula kaisei nogna khepi nafnakno neu.

Thakle 19:15

Mae igne au kaisei naflahi te fnonu fara te jifla mei ka foflogna na te mala tapla sorudi namono te gnafare. Eghuteuna mana ginauna heta fara kate funei frunidi naiknore. Tutuani mana ginauna fate falehedi nogna naokare te mala thokedi mare diꞌatagna God te biꞌo te au nolaghi na.

Thakle 19:21

Eghuteuna mae te saghe ka hose na igne ne falehedi hatimare mae soldiare ka naflahi te jifla mei ka foflogna na. Eghuteuna nanghajire ne soru ka thinidire ne ghamu ne boho.

Thakle 2:1

Mae igne ne cheke eghu ka iara, “Iagho rioriso kaisei letas ranghini engel gna khiloau Efesus, eghuteuna iagho cheke eghu ka mana: Igne nogu cheke iara mae te louloku fitu nathunu fei nhetagu, nei nonolo farihoteidi fitu juta teke hohoro ka gol gre teuna.

Thakle 2:12

Mae igne ne cheke eghu ka iara, “Iagho rioriso tei kaisei letas ranghini engel gna khiloau Pegamum, eghuteuna iagho cheke eghu ka mana: Igne nogu cheke iara mae ihei te au naflahi te fnonu piepile na.

Thakle 2:16

Eghume, ghotilo koko puhimi te diꞌare. Nu jame te eni fabrahu ghotilo nakhibo na, iara ginauna theome raugha ari ka ghotilo mala magridi naiknore ka naflahi te fnonu piepile te jifla mei ka foflogu iara na.

Thakle 3:1

Mae igne neke cheke eghu, “Iagho rioriso tei kaisei letas ranghini engel ka khiloau Sadis, eghuteuna iagho cheke eghu: Igne nogu cheke iara mae ihei te au fitu tharunga te keli nogna God, baludi fitu nathunure. Iara lase ghamihi ghotilo, neuba naiknore ne chekeni ne karha neu ngala ghotilo teuna, iara lase ghami ghotilo gognaro na jateu tela lehehira eghu.

Jajis 3:16

Aonu Ehud ne eni kaisei naflahi te fnonu piepile, eghuteuna brahugna na thokeni phiatutu glima sentemita. Eghuteuna mana haru naflahi igne ke lamna pohe fei ghahe nhetagna.

Jajis 5:31

“Lord God, snakredi nou naoka iagho re mala lehe jateula Sisera eghu! Nu snakredi iheire te namha nigho iagho igre mala phae jateula naprai te haghe hamerane ia eghu!” Eghume naiknodi Israel igre na au ka pharikeli nabagna phiatutu finogha.