Taetus 3:8 - Buka Blahi Ka Cheke Holo

⁸ U farirhiu te edi iara igre glepo tutuani fara. Nu iara magnahaghe nigho te hati nhetamu na mala famane farirhiudi naikno te fatutuani ni God are. Aonu iagho mala ghatho tahuni fabrahu mare te mala eni unha glepo te keli na eghu naugna unha glepo te keli na ngala te tangomana te toghodi keha naiknore.

Taetus 3:8 Iomraidhean Croise

Thoutonu Eigna Mae Job 22:2

“Tangomana ngau kaisei naikno te toghoni God na? Neuba mana ne lalase fara mana theome tangomana te toghoni God na.

Nodi Khoje Hatimare Mae Jiu 78:22

Naugna mare ne theome rouronu ni mana, nei theome fatutuani ni mana eghu nate fakarhidire.

Proveb 21:28

Mae te chaghi ka fate na ginauna lehe. Mae te cheke tutuani ka fate na, mae mala fate re ginauna fanomho fakeli ka nogna cheke mana re.

Matiu 20:4

Aonu, mana ne cheke eghu ka mare, ‘Ghotilo eghu tei la mala loku ka nogu nagare iara ia. Iara na foli ghami ghotilo nihai nate gijami ghotilo na.’

Jone 12:44

Mae Jisas kegra haghe ne cheke eghu fabiꞌo, “Mae ihei te fatutuani ghau iara na, mana theome fatutuani ghau iara kolho, nu fatutuani nila mae Mama mae teke kuru mei ghau iara kau nauthoglu igne.

Jone 5:24

Mae Jisas ne cheke eghu ka mare, “Tutuani fara te chekeni iara ka ghotilo na. Mae ihei te nomhidi nei leghudi teu u nogu cheke iara re, nei fatutuani ni Mama mae ihei teke kuru mei ghau iara na teuna, mana na athini u karha te theo ka huigna na. Mae tuana iara na theome fate faleheni mana, naugna mana jateula mae ihei teke lehehi nu ke karha fapulo teu ia eghu.

Mae Khuru 12:15

Naiknore ne cheke eghu ka naꞌa, “Iagho noli fou!” Naꞌa ne cheke eghu fabrahu, “Tutuani, iara laseni mae Pita ngala.” Aonu mare ne cheke eghu, “Jame nogna engel mae Pita jau!”

Letas Teke Riso Tei Mae Pol Ka Khiloau Rom 4:5

Mae te theome ronuni nogna gloku te keli nu fatutuani ni God mae ihei tangomana te toghoni ihei te diꞌa te mala doglo ke ulugna God na, God ginauna toghoni mana. Eigna God ginauna filo glanini mana jateula kaisei mae te doglo eghu kate fatutuani ni mana na.

Fapea Korin 4:13

Grioriso te blahi na ne cheke eghu, “Iara neke cheke naugna iara neke fatutuani.” Nomi fatutuani ghehati na kaisei nanaba ka tuana. Eghume ghehati toutonu eigna Kraes naugna ghehati ne fatutuani ni mana.

Efesus 4:28

Mae ihei te blau koba na, lilisei nafnata puhi tuana mala ke funu loku fakeli. Te keli na mana loku heta mala tangomana te toghoni thegna ka puhi te keli nei tangomana te toghodi iheire te kuma.

Ululahu Timoti 1:15

Mae Jisas Kraes neke mei ka nauthoglu igne mala fakarhi ghita ka nakhibo fateote'o. U cheke tuana thofno tutuani fara, mala nomhini nei fatutuani ni eghu naiknore. Iara tifa na neke diꞌa pari lahu ka nakhibo ke uludi naikno te gnafare gre.

Ululahu Timoti 2:8

Eghume iara magnahaghedi mae nalha'ura heva heva ka khiloau gne mala tarai. Kate tarai na, mare mala au nagnafa te klino nei mala theo diꞌa tadi na ba magra na.

Ululahu Timoti 5:10

Eghuteuna naiknore filo glani naꞌa tangomana te edi gloku te kelire. Nafnata gloku jateula igre eghu te mala reireghi fakeli thugna, nei farumadi naikno phosa ka sugagna na, nei fafnaknodi naikno khiloaure kate titihi ghahedire, nei mala toghodi naikno te au puhi biꞌo ka nakarhadire. Uve, nafnata thau te fariuriu edi fabrahu thua nafnata gloku te keli.

Fapea Timoti 1:12

Eghuteuna gognaro na iara au papara naugna iara ne toutonu eigna u Nonomho te Keli gne. Nu iara theome mamaja naugna iara laseni mae Jisas, mae ihei iara te fatutuani nihi. Iara laseni fara igne, mana tangomana te taji fakelini nogu gloku iara te mala toutonuni Nonomho te Keli igne ghilei thoke mei narane leghu lahu na.

Taetus 1:9

Glepo leghu lahu na, mana mala thofno fatutuani fara nei loku famaku eghu kau Nonomho te Keli eigna mae Jisas Kraes te farirhiuni tahati gne. Te eghu na, mana na tangomana te farirhiudi naikno khiloau re eigna u thofno farirhiu te tutuani igne. Eghume naikno khiloau re na au nodi gaoghatho nheta te mala leghuni u farirhiu te tutuani na. Mana jaola mala fatakledi unha glepo te jafra re ranghidi naikno te tirodi leghuni u farirhiu tutuani na.

Taetus 2:14

Mae Jisas Kraes neke snakreni thegna mala lehe tughu ghita tahati nei neke hata fajifla ghita kau nakhibo. Nu mana neke hata fadeleidi nakhiboda tahati re, mala tangomana tahati nogna naikno mana re te magnahaghe edi fara unha glepo te magnahaghedi mana re.

Taetus 2:7

Jaola, iagho themu na mala edila glepo te keli igre mala filo leghu nigho goro mae majaghani are. Nu kate farirhiudi iagho naiknore, iagho famane gaoghatho fakeli ngau eghu.

Taetus 3:1

Famane farirhiudi naikno khiloau are mala leghudi mare nogna vetula gavman na, nei leghudi nodi cheke goro mae biꞌo ka namono are, nei sasaꞌa te edi unha glepo te kelire.

Taetus 3:14

Uve ghema Taetus, glepo leghu lahu na igne, famane farirhiudi naikno khiloau te au Krit are mala thosei thodo ka unha gloku te kelire, nei thosei fiti au kolho eghu. Nu mare mala loku nei toghodi langau eghu naikno te kumare.

Filimon 1:11

Tifa na mana neke theome togho nigho iagho, nu gognaro na mana tangomana te kafe togho ghita tapa hui.

Hibru 10:24

Tahati mala ghaoghathodi koba unha te mala faheta ghita theda kau namha nei gloku te keli.

Ululahu Pita 1:21

Naugna igne, ghotilo fatutuani ni God mae ihei teke fakegra fapuloni mae Kraes ka glehe nei tusu ranghini nafnakno biꞌo. Eghume gognaro na nomi fatutuani nei grouronu teu ghotilo na biꞌo fara ka God.