Taetus 3:3 - Buka Blahi Ka Cheke Holo

³ Naugna tifa na tahati neke theome ghaoghatho fakeli, jateula naikno te theome fatutuani ni Kraes ra neku. Tutuani, tahati neke huhughu koba. Nu keha naiknore chaichaghi ghita koba mala loku jafra tahati. Tahati tifa na neke loku ranghini kolho unha te magnahaghei fara u thinida theda na. Tahati neke edi fabrahu ngala unha glepo te diꞌa nei goghotu teure. Naiknore neke theome magnahaghei ghita fara nu tahati jaola ngau neke theome magnahaghedi fara keha naiknore.

Taetus 3:3 Iomraidhean Croise

Jenesis 38:9

Nu mae Onan ne theome magnahagheni u vetula igne, naugna mana magnahaghei te au thugna thegna. Nu kate thuru balugna gaꞌase igne na, mana ne totofa kolho kholognare ka glose na, mala theome tangomana te au sua malagna mae tighagna na.

Jenesis 39:16

Khetogna mae Potifa na louloku neu nogna phoko mae Josep na ne ghilei ruma mei mae Potifa ka suga na.

Nodi Khoje Hatimare Mae Jiu 36:2

Naugna mana kaisei mae lase fahaehaghe fara ka gaoghathogna na e cheke eghu, “Iara kaisei mae keli fara. God na theome tangomana te lasedi puhi te diꞌa te edi iara re, eghuteuna mana theome tangomana nate fate ghau iara na.”

Proveb 8:5

Ghotilo iheire te theome ghaoghatho fadoglo ra, ghotilo mei, iara ginauna fadoglidi gaoghathomi ghotilo re. Ghotilo te theome lalase ra, ghotilo mei, iara ginauna togho ghami ghotilo mala hata glalase.

Proveb 9:6

Lilisei puhimi te fameomekro are leghuni puhi te doglo na, ghotilo ginauna hatini u nakarha na.”

Profet Isaia 44:20

Nu neuba, mae igne theome laseni unha te eni na. Eghuteuna gaoghatho te jafra na batu fadiꞌani mana. Mana jateula mae te ghamu nakrofu ra eghu kolho. Mana theome tangomana te fakarhini thegna na, ba te cheke eghu na, “Mumuju te hata iara igne theome god tutuani, kaisei vido gaju kolho!”

Profet Obadaea 1:3

Nomi nagnafa fahaehaghe ghotilo eigna nomi nanheta na igne thofno jafra fara. Ghotilo filoni nomi namono biꞌo te au ka thogele te bara te maku ka thina igne ngala te fahaehagheni ghotilo te cheke eghu igne, ‘Theome tangomana kaisei mae te nheta nate mei te roꞌe ghami ghehati na.’

Matiu 21:29

Mae thugna na ne cheke eghu, ‘Mama, iara na theome tei.’ Nu ke leghu, mana tughu nagnafa neke tei.

Luku 21:8

Mae Jisas ne cheke eghu ka mare, “Fiofilo ghami, na eghunu mei chaghi ghami mare eghu. Kmana naikno ginauna mei cheke ka nanghagu iara. Mare ginauna na cheke eghu, ‘Iara ngala Kraes na!’ Ba, mare na cheke eghu, ‘Thofno narane na la thoke meihi!’ Nu thosei leghudi mare eghu.

Jone 8:34

Mae Jisas ne cheke eghu ka mare, “Tutuani fara, te chekeni iara ka ghotilo na, iheire te loku jafra ka nakhibo na, naikno tuare sneka ka nakhibo.

Letas Teke Riso Tei Mae Pol Ka Khiloau Rom 11:30

Tifa na, ghotilo neke theome leghuni God, nu gognaro na God na kokhoni ghami ghotilo naugna hatimare mae Jiu gre tirodi leghuni mana.

Letas Teke Riso Tei Mae Pol Ka Khiloau Rom 6:12

Eghume, thosei snakreni nakhibo mala funei frunidi thinimi are, eigna thinimi are ginauna lehe kolho. Na eghunu batu ghami nakhibo me leghudi ghotilo puhimi themi te diꞌare eghu.

Letas Teke Riso Tei Mae Pol Ka Khiloau Rom 6:17

Tifa na, ghotilo neke loku ranghini nakhibo, nu gognaro na, ghotilo thofno leghudi cheke teke farirhiu ghami ghehati ra. Iara cheke fakelini God eigna igne!

Letas Teke Riso Tei Mae Pol Ka Khiloau Rom 6:22

Nu gognaro na God hata fasnagla ghamihi ka nakhibo tuare mala nogna mae sneka mana. Eghume nakarhami ghotilo na mala blahi nei ginauna ghotilo hatini karha fei tifa na eghu.

Letas Teke Riso Tei Mae Pol Ka Khiloau Rom 6:6

Tahati laseni fara igne. Nakarhada tifa na tahati jateula te tupijuru eghu balugna Kraes ke kligna gaju fafatha, mala tangomana God te roꞌeni nogna nolaghi nakhibo teke au ka nakarhada tifa na. Ka puhi igne nakhibo na theo kaisei nogna nolaghi te mala funei fruni ghita na.

Fapea Korin 12:20

Eigna iara nanga nogu mala ari posa ka ghotilo, na eghunu jafra ghotilo ka unha te magnahaghei filoni iara ka ghotilo na eghu. Jame te eghu na, iara ginauna jaola na jafra ka unha te magnahagheni ghotilo na. Kate ari posa iara ka ghotilo na, theome keli te filoni iara ke lamnami te magra, goghotu, diꞌatami faghose, ghatho ghami themi kolho, nhagho, buiburi naikno, fahaehaghe, nei theome au fodu.

Galesia 6:3

Jame kaisei mae ghaoghatho eghu ka nagnafagna na, “Iara gne kaisei mae biꞌo fara!” Nu mana chaghini thegna, naugna mana kaisei naikno kolho.

Kolose 1:21

Tifa na, ghotilo neke fnota ka God. Ghotilo neke nogna naoka mana nei tiromini mana ka gaoghathomi te diꞌare nei ka gloku fateo te diꞌa teke edi ghotilo re.

Kolose 3:7

Tifeiro na, ghotilo jaola neke sneka ka puhi te diꞌa igre.

Fapea Timoti 3:13

Tutuani fara, naikno te diꞌa nei mae velepuhi chaichaghi teu igre ginauna diꞌa fara puhidire. Mare ginauna chaghidi koba naiknore, nu mae Satan ginauna nake chaghi fapulo dila mare.

Fapea Timoti 3:6

Keha ka mae igre mare tei ruma ka sugadi naiknore, nei sagudi gaꞌase te theome biꞌo nodi fatutuanire. Eghuteuna rehati mamajadi fara nakhibo teke edi thedi tifa re, nei rehati eidi kmana glepo te jafra fara te magnahagheni thedi.

Taetus 1:16

Neubane cheke eghu mana, “Iara laseni fara God” neu, iagho ginauna na laseni ka puhigna nei nogna gloku teu mana re te theome laseni God na. Igne tutuani fara, naugna mana mae thono diꞌa fara, mae huhughu nei mae ihei te theome tangomana leghudi u puhi te kelire eghu.

Taetus 2:12

God neke namha ghita tahati mala hatini tahati u karha tuana mala theome tangomana tahati te mamagnadi puhi te diꞌare nei leghudi u puhidi naikno te theome laseni God re. Nu God magnahaghei ghita tahati te mala reireghi fakeli ghita theda kau nauthoglu igne. Mana jaola magnahaghei ghita te edi unha glepo te keli tagnadi mana kau narane te ofoni teu tahati balu grouronu biꞌo ka meigna noda mae Fakarhai Jisas Kraes. Mana ngala mae noda God te biꞌo tahati na, mana ginauna na thakle mei balu siasigla.

Jemes 1:26

Mae ihei la naikno khiloau hi thegna teu ka gaoghathogna na nu theome saghe leghu fakelini nogna cheke na teuna, mana chaghini kolho thegna nei nogna fatutuani mana na theo nafudi kolho.

Ululahu Pita 1:14

Tifa na ghotilo neke theome lalase, ghotilo neke leghudi kolho puhimi themi te diꞌare. Nu gognaro na ghotilo magnahaghei te leghuni God. Eghume thosei ke au ka nafnata nakarha teke au ghotilo tifa ia.

Thakle 12:9

Mare ne koko soruni pholi biꞌo na baludi nogna engel re ka nauthoglu gne. Pholi biꞌo tuana ngala mogo gna tifa te kiloni tahati mae Satan, mae funeidi naitu te gnafare. Eigna mana ne baubatudi naikno te gnafa ka nauthoglu gne ka nabrou te jafra.

Thakle 13:14

God snakreni fapea bosu na mala edi kofubobhoi igre ke ulugna bosu ulu lahu na. Eghuteuna naugna te edi mana kofubobhoi igre, mana ne chaghidi naikno te gnafa ka nauthoglu igne mala leghuni mana. Mana chekedi naiknore mala fafnaknoni bosu ulu lahu na kate eni mare kaisei mumuju jateula bosu ulu lahu. Bosu gne neke falelehe mare ka naflahi nu kela karha fapulohi teu na eghu.

Thakle 18:2

Mana ne eha eghu fabiꞌo, “Namono biꞌo Babilon te nafnakno fara ia, la groꞌehi! La diꞌahi! La sugadihi naitu te gnafa nei namonodihi nanghaji te diꞌa te gnafa!