Taetus 3:2 - Buka Blahi Ka Cheke Holo

² Farirhiudi mala thosei cheke faparini ihei, nu te keli na au fodu kau pharikeli nei au faleghu, nei famane taegodi keha naiknore eghu.

Taetus 3:2 Iomraidhean Croise

Fapea Samuel 22:36

LORD, iagho lilisei nou greoreo na mala fakarhi ghau iara. Eghuteuna iagho soru mei mala togho ghau iara, Mala fnakno iara ka tathadi naiknore.

Nodi Khoje Hatimare Mae Jiu 140:11

Jame te keli na naikno te susurei chaichaghi eidi nodi vido glose keha naiknore igre nabadi na mala lus fabrahu ka kot. Jame te keli na glepo te diꞌa fateote'o gre kolho jame te thokedi mae te magra gre mala kokhoana mare.

Proveb 19:19

Mae te ghosei te diꞌatagna na, mana ginauna au ka puhi biꞌo fabrahu. Jame te ghosei te fadoglini iagho puhi biꞌo igne na, iagho ginauna eni fabrahu igne.

Proveb 25:24

Te keli na iagho tei au kosi ke parigna gaju biꞌo te famane rifu na, uluni te au iagho lamna suga balugna khetomu te khuru fapholai fabrahu na.

Profet Isaia 40:11

Mana reireghi fakelidi nogna naiknore, jateula mae ihei te reireghi fakelidi nogna sipura eghu. Uve, mana jateula mae ihei te pala sua te ikodire ka fafragna ra eghu, eghuteuna mana batudi idodi sipu te au thudire mala blaknoi tei.

Matiu 11:29

Ghotilo mei mala leghuni nogu vetula iara gne, eghuteuna iara ginauna farirhiu ghami ghotilo, naugna iara mae au kmu nei nhaꞌa fapari ghau thegu. Eghuteuna ghotilo ginauna na ludeni vido mala gnafa na.

Mae Khuru 23:5

Mae Pol ne cheke eghu, “Kheraguro, iara theome filo glanini ne mae pris biꞌo mana teuna. Tutuani, grioriso te blahi na cheke eghu, ‘Thosei cheke fadiꞌani mae ihei te mala funei frunidi nou naikno iagho re.’ ”

Ululahu Korin 9:19

Neuba, iara kaisei mae snagla, eghuteuna theo kaisei naikno te funei fruni ghau na, iara lisa lao ghau thegu mala kaisei mae sneka ranghidi naikno te gnafa. Iara eni igne mala toghodi naikno kmanare mala fatutuani ni Kraes.

Fapea Korin 10:1

Keha naikno ka ghotilo cheke eghu, “Kate au teu delei na mae Pol gne cheke faheta fara ka tahati, nu kate mei agne na mana mhaghu te cheke fabiꞌo na!” Fanomho ka iara. Uve, Kraes na mae keli, eghuteuna mana theome ghosei diꞌatagna. Iara leghuni puhigna mana na. Eghume te chekeni iara ka ghotilo na,

Fapea Korin 12:20

Eigna iara nanga nogu mala ari posa ka ghotilo, na eghunu jafra ghotilo ka unha te magnahaghei filoni iara ka ghotilo na eghu. Jame te eghu na, iara ginauna jaola na jafra ka unha te magnahagheni ghotilo na. Kate ari posa iara ka ghotilo na, theome keli te filoni iara ke lamnami te magra, goghotu, diꞌatami faghose, ghatho ghami themi kolho, nhagho, buiburi naikno, fahaehaghe, nei theome au fodu.

Galesia 5:22

Nu kate snakreni tahati nakarhada na te mala baubatu mae Tharunga te Blahi na, mana ginauna tusu ranghi ghita namha, gleale'a, pharikeli, au kmu, lolokeli, au keli, u gaoghatho nheta te mala eni unha te chekeni,

Galesia 6:1

Kheraguro, jame kaisei naikno khiloau tapla jafra ka nakhibo, ghotilo naikno te leghuni nogna baubatu mae Tharunga te Blahi ra mala toghoni mana mala ke au doglo. Eghuteuna ghotilo toghoni mana ka puhi faꞌamama, nu fiofilo ghami na eghunu khasi ghami u najafra teke eni mana tuana eghu.

Galesia 6:10

Eghume kate loku nga teu tahati na, tahati tangomana te toghodi naikno te gnafare. Tulao mala eni igne ka iheire te au lamnagna nogna tharakna God.

Efesus 4:2

Ghotilo mala edi fabrahu glepo igre: au faleghu, au blagna, nei thosei diꞌatami faghose ka keha naiknore. Eghuteuna kate au nogna puhi fadidiꞌa kaisei naikno ka ghotilo na ranghini kheragna fofodu na, te keli na phiamare thosei magra, nu fari fathaegoi ka puhi namha.

Efesus 4:31

Lilisei puhi te gnafa te poru ka nagnafamire te mala fari fadiadiꞌai; thosei cheke diꞌa ba diꞌatami; thosei fnaja fabiꞌo; thosei vuavuha cheke; thosei majora.

Filipae 4:5

Kafe lolokelidi naikno te gnafare, naugna Lord na la namo meihi.

Ululahu Timoti 3:11

Jateula tuana eghu khetogna na, naꞌa mala baubatu nila nakarha te keli na, eghuteuna naꞌa theome mala vuavuha chekedi keha naiknore, nu naꞌa mala reireghi fakelini thegna. Eghume naꞌa mala nafnata gaꞌase tahati te ghatho tahuni fabrahu.

Ululahu Timoti 3:3

Mana theome nafnata naikno te koꞌu fara are, ba te magnahaghei magra koba, ba te magnahaghei sileni fara. Nu mana mae mala au faleghu nei au kmu.

Jemes 3:17

Nu glepo ulu lahu na, mae ihei te au nogna gaoghatho te keli teke tusu ranghini God na, mana theome tangomana te eni kaisei glepo te diꞌa na. Mana ginauna na au gleale'a baludi kheragna fofodure. Mana au kmu kolho. Nu mana leghuni u puhi farirhiu te keli na. Jaola mana magnahaghei te toghodi naikno te magnahaghei thotoghore. Eghuteuna mana theome vahini naikno te dedei ba naikno te kuma na, nei mana theome chaghini nakarhagna na.

Jemes 4:11

Kheraguro, thosei cheke fadiꞌani ihei, naugna mae ihei te cheke fadiꞌani mae kheragna fofodu na, mana jaola cheke fadiꞌani nogna vetula God na. Eghuteuna mae ihei te fateni mae kheragna fofodu na nei nhaꞌa faparini mana teuna, mana nhaꞌa fapari nila nogna vetula God na. Te eghu ghotilo na, ghotilo theome leghuni nogna vetula God na, nu ghotilo nhaꞌa fahaghe ghami themi ke kligna gna u vetula na.

Ululahu Pita 2:1

Eghume, thosei nomire eghudi puhi te diꞌare. Thosei chaghidi naiknore. Thosei goghotu ba cheke fadiꞌadi keha naiknore.

Ululahu Pita 3:10

Eigna te chekeni ka grioriso te blahi na, cheke eghu, “Ihei te magnahagheni nakarha te keli nei magnahaghei gleale'a leghu narane teuna, mana thosei cheke diꞌa nei thosei chekeni kaisei chaichaghi eghu.

Ululahu Pita 3:8

Leghu lahu na, ghotilo te gnafa na mala kaisei nomi gaoghatho ngala, nei kokhonidi gnafa naiknore. Fari namhai jateula te thabusigna tutuani eghu ngala, nei keli ranghini ihei nei au faleghu ghami themi.

Ululahu Pita 4:4

Nu gognaro na ghotilo theome tangomana te edi nafnata puhi te diꞌa baludi iheire te theome fatutuani ni God ra. Eghuteuna mare jaglo nodi fara ka igne, eghume gognaro na mare chekedi kmana nafnata glepo te diꞌa eimi ghotilo.

Fapea Pita 2:10

U fate tuana tulao maladi iheire te tapla jafra ka nakhibo te magnahagheni fara thedi, nei maladi iheire te filo faparini nogna nolaghi God. Mae velepuhi chaichaghi igre thono patugama fara, nei mare magnahaghei te leghudi kolho nagnafadi thedire. Eghume mare theome mhaghu te cheke fadiꞌadi engel di klignare.

Letas Teke Rioriso Mae Jud 1:10

Nu mae velepuhi chaichaghi igre cheke fadiꞌadi unha glepo te theome lasedire. Mare mae glalase fara, nu unha te lase fakelini mare jateula glepo te laseni ngala khuma ba bosu teu, tuana ngala te eni mare na. Nafnata puhi te edi mare tuare ginauna roꞌedi kolho thedi.

Letas Teke Rioriso Mae Jud 1:8

Ginauna jateula tuana eghu mae velepuhi chaichaghi te tirodi leghuni God igre. Mare chekeni koba ne filodi thedi keha mifi eghu chaghi na. Naugna igne mare fatothonadi thinidi thedire ka nakhibo. Mare filo faparini kolho nogna nolaghi God na nei cheke fadiꞌadi engel re.