Taetus 3:13 - Buka Blahi Ka Cheke Holo

¹³ Eghuteuna keha glepo na igne ngau eghu, kaisei mae loea nanghagna na mae Sinas ghe mae Apolosi gre ginauna na jifla jare Krit. Iagho toghodi phiamare eghu. Nu kulu tarabana ranghidi iagho unha glepo te nabadi phiamare re eghu.

Taetus 3:13 Iomraidhean Croise

Matiu 22:35

Aonu kaisei mae ka hatimare mae Farasi, mana laseni fara nogna vetula mae Moses. Mana mei ne saosagroni mae Jisas ne ghusna eghu ka mana, “Velepuhi, vetula aheva gne te biꞌo tulao ka nogna vetula mae Moses igre?”

Luku 10:25

Kaisei fata, kaisei mae velepuhigna vetula nogna mae Moses mei ka mae Jisas ne fariuriu saosagroni mana. Mana ne cheke eghu, “Velepuhi, unha gne nate eni iara te mala tangomana iara te hatini karha fei tifa na?”

Luku 11:45

Kaisei mae ka hatimare mae velepuhigna vetula nogna mae Moses na ne nomhini mae Jisas ne cheke eghu ka mana, “Ghema, velepuhi, kate cheke eghu iagho igre, iagho jaola cheke fapari ghami ghehati mae velepuhigna vetula gre.”

Luku 11:52

“Puhi biꞌo ka ghotilo, mae velepuhigna vetula nogna mae Moses ra! Naugna ghotilo ne pophoru ki gna suga te mala filo glanini puhigna God na. Eghuteuna ghotilo themi na theome nanga nomi kolho la te mala ruma ka suga tuana, nei ghotilo fanogradi naikno te fariuriu ruma lamna.”

Luku 14:3

Hatimare mae Farasi nei hatimare mae velepuhigna vetula nogna mae Moses eghu ne aula jare. Aonu mae Jisas ne kulu ghusna eghu ka mare, “Ba, vetula na snakre ghita tahati te mala fakeli naikno te fogra ka narane Sabat ba theo?”

Luku 7:30

Nu mae Farasi nei mae velepuhigna vetula nogna mae Moses teu igre, mare ne tirodi leghuni nogna ghaoghatho God te maladi thedi na. Mare theome magnahagheni mae Jone te faꞌapublahidi.

Mae Khuru 15:3

Mae ka khiloau re ne toghodi kate jifladi ka nabrou na. Mare tei ne sala'u ka phei Provins Fonisia nei Samaria, ne toutonu jare eidi iheire te theome Jiu tela fatutuani nihi mae Jisas. Naikno khiloau ka phei provins igre ne gleale'a fara kate nomhini igne.

Mae Khuru 18:24

Ka vido tuana, kaisei mae Jiu teke karha Aleksadria na, mana tei ne posa Efesus. Mae igne nanghagna na, mae Apolosi. Mae Apolosi gne kaisei mae lase cheke fara, nei laseni fara u grioriso te blahi na.

Mae Khuru 19:1

Kate au teu mae Apolosi ka namono Korin, mae Pol liu mhata ne tei thoke Efesus. Mana ne filodi keha naikno khiloau jare.

Mae Khuru 21:5

Nu kate gnafa nomi narane te mala au baludi re, ghehati jifla jare neke tei. Eghuteuna naikno khiloau gna namono tuana ne kafe jifla baludi khetodi thudi teure ne soru balumi ghehati ka gratha na. Aonu ghehati kafe tuturupuku soru ka nusu na ne tarai.

Mae Khuru 28:10

Naiknogna moumolu tuana ghatho tahu ghami ghehati ne namha kmana glepo. Eghuteuna kate namo jifla ghehati na, mare ne luja mei ka vaka na unha te nabagna nomi thei ghehati na.

Ululahu Korin 16:11

Eghume theo kaisei ka ghotilo te mala filo faparini mae Timoti na. Nu ghotilo mala toghoni mana ka vido aheva te tei mana, mala gleale'a ke pulo mei mana ka iara thogheiro na. Naugna iara ofoni mana mala ke pulo mei baludi keha naikno khiloaure.

Ululahu Korin 16:12

Eigna thabusida ka khiloau mae Apolosi, iara chekeni mana kmana fata mala ari baludi keha mae thabusigna mala sigho ghami ghotilo. Gognaro na mana theome ghathoni ngau te mala ari na, nu ka vido te snagla ginauna, mana na ari ka ghotilo.