Taetus 2:6 - Buka Blahi Ka Cheke Holo

⁶ Nu iagho ginauna na jateula tuana eghu mala famane farirhiudi goro mae majaghani are mala reireghi fakelidi mare thedi nei au fakeli eghu.

Taetus 2:6 Iomraidhean Croise

Thoutonu Eigna Mae Job 29:8

Ka narane tuana, goro mae majaghani igre mare riu fadelei kate filo ghau iara na mala tei salaꞌu iara, eghuteuna mae biꞌore jaola ghatho tahu ghau iara kegra haghe kate mei iara na.

Nodi Khoje Hatimare Mae Jiu 148:12

Ghotilo goro gaꞌase majaghani nei mae nalhaꞌu majaghani, goro khaekave nei mae khueku'e nei goro sua ikodi langau teura, ghotilo kilo fnaknoni mana.

Eklesiasti 11:9

Ghotilo naikno majaghani ra, ghotilo glealeꞌa kani majaghani ngau. Ghotilo leghuni unha te magnahagheni ka nagnafami re. Nu fiofilo ghami eghu, God ginauna fatedi puhimi ghotilo re.

Eklesiasti 12:1

Kate majaghani nga teuna, ghotilo mala ghathoni God mae ihei teke vuavuha ghami ghotilo na. Kate kuekuꞌe ghotilo ginauna, puhi biꞌo na thoke ghami ghotilo, ghotilo na cheke eghu, “Iara theome glealeꞌa ka nakarhagu na.”

Profet Joel 2:28

Lord ne cheke eghu, “Ke leghugna igne, iara ginauna snakreni Tharungagu na mala soru mei au baludi naikno te gnafa igre. Thumi gaꞌase nei thumi nalhaꞌu teu ghotilo are ginauna toutonuni chekegu iara na jateula mae profet eghu. Mae biꞌo gre ginauna mifi, eghuteuna mae majaghani re ginauna filodi keha nafnata mifi te nhogri.

Ululahu Tesalonika 5:6

Eghume tahati thosei jateula keha naikno te thuru te theome lasedi glepo igre, nu tahati dofra nei reireghi fakeli ghita theda.

Ululahu Timoti 5:1

Kate fadoglini kaisei mae tela kueku'ehi na, iagho thosei cheke fabiꞌo ka mana. Nu iagho famane cheke ranghini mana jateula te cheke ka mae kmamu themu eghu. Fadoglidi hatimare mae majaghani jateula thabusigna eghu,

Ululahu Pita 5:5

Jateula tuana eghu ghotilo mae majaghani ra, nhaꞌa soru ghami themi ke paridi goro mae biꞌo are. Uve, ghotilo huju fapulo ghami themi ka puhi au faleghu mala fari totoghoi. Naugna grioriso te blahi na cheke eghu, “God theome magnahagheni mae ihei te fahaehaghe na, nu tusu lao khokofakasai ranghini ihei te au faleghu.”

Ululahu Jone 2:13

Iara riso ari ka ghotilo mamare, naugna ghotilo lasenihi God, mae ihei te au fabrahu funu tifa ka vuvuhagna nauthoglu gne. Iara riso ari ka ghotilo mae majaghani ra, naugna ghotilo tapla sorunihi mae Satan.