Taetus 2:12 - Buka Blahi Ka Cheke Holo

^12-13 God neke namha ghita tahati mala hatini tahati u karha tuana mala theome tangomana tahati te mamagnadi puhi te diꞌare nei leghudi u puhidi naikno te theome laseni God re. Nu God magnahaghei ghita tahati te mala reireghi fakeli ghita theda kau nauthoglu igne. Mana jaola magnahaghei ghita te edi unha glepo te keli tagnadi mana kau narane te ofoni teu tahati balu grouronu biꞌo ka meigna noda mae Fakarhai Jisas Kraes. Mana ngala mae noda God te biꞌo tahati na, mana ginauna na thakle mei balu siasigla.

Taetus 2:12 Iomraidhean Croise

Nodi Khoje Hatimare Mae Jiu 105:45

Mana neke eni igne ka nogna naiknore mala leghudi mare nogna vetulare. Eghuteuna mare ne leghudi nogna farirhiu mana re. Tahati kilo fnaknoni Lord!

Nodi Khoje Hatimare Mae Jiu 4:3

Ghatho fakelini si ghotilo cheke igne. Eigna Lord na vavahi naikno te doglo malagna thegna. Eghuteuna ka narane te kiloni iara na, Lord tangomana te nomhi ghau iara na.

Profet Esikiel 36:27

Iara ginauna lisa soru Tharunga te Blahi na ka ghotilo, eghuteuna iara ginauna togho ghami ghotilo mala leghudi nogu vetula iara ra, eghuteuna tajidi nogu cheke iara teke tusu ari ka ghotilora.

Matiu 12:32

Nu ihei te cheke fadiꞌa ghau iara mae teke mei funu ka God na, God ginauna tangomana te hata fadeleidi nakhibogna mana re. Nu ihei te cheke fadiꞌani mae Tharunga te Blahi na, God ginauna theome hata fadeleidi nakhibogna mana re, kau nauthoglu gognaro gne ba nathuꞌu nauriha na.

Matiu 16:24

Ke leghugna igne mae Jisas ne cheke eghu ka nogna mae fanomhore, “Mae ihei te magnahaghei mei ke leghugu iara na, mana thosei ghathoni kolho nakarhagna thegna na, nu mana sasaꞌa mala pala nogna gaju fafatha na, eghuteuna mei leghu ghau iara.

Matiu 28:20

Nu farirhiudi mala leghudi mare gobigna lepo te chekedi iara ka ghotilo ra. Ghotilo laseni, iara ginauna na au balumi ghotilo fabrahu ghilei thoke ka huigna nauthoglu igne.”

Luku 1:6

Nu puhidi repa igre doglo fara ke ulugna God, naugna repa ne thofno leghudi nogna vetula nei farirhiu teu God re.

Luku 1:75

Funu gognaro te ghilei lehe na, tahati ginauna na doglo nei blahi eghu fabrahu ke ulugna God.”

Jone 14:30

Iara ginauna theome cheke faraugha balumi ghotilo, naugna mae Satan mae funei gna nauthoglu igne, la namo meihi. Tutuani fara, mana theo kaisei nogna nolaghi ke klignagu iara.

Jone 6:25

Naiknore ludeni mae Jisas ka keha phile kholo na ne cheke eghu ka mana, “Velepuhi, neke mei niha agne sagho ia?”

Mae Khuru 24:16

Eghume iara fariuriu koba te mala eni unha te fatutuani ni iara te doglo ke ulugna God ba ke ulugna naikno.

Mae Khuru 24:25

Nu mae Filiks ne mhaghu nogna fara kate chekeni mae Pol eigna nakarha te doglo, nei puhi te mala reireghi fakelini nakarhada na, nei narane God nate fatedi naikno te gnafare. Aonu mae Filiks ne cheke eghu ka mae Pol, “Ghema, la kelihi, tei silagho. Jame au vido te snagla meuna, iara ginauna nake kilo nigho iagho.”

Letas Teke Riso Tei Mae Pol Ka Khiloau Rom 12:2

Thosei lisa lao ghami themi mala leghuni puhigna naikno te diꞌa te au ka nauthoglu igne, nu lisa lao ghami ka God mala tughu mana nakarhamire, kate tusu ari gaoghatho majaghani ka ghotilo na. Ka puhi igne ghotilo ginauna tangomana te filo glanini unha te magnahagheni God na. Eghuteuna eni glepo te keli nei te doglo fabrahu teuna, nei eni glepo te keli tagnadi God.

Letas Teke Riso Tei Mae Pol Ka Khiloau Rom 6:12

Eghume, thosei snakreni nakhibo mala funei frunidi thinimi are, eigna thinimi are ginauna lehe kolho. Na eghunu batu ghami nakhibo me leghudi ghotilo puhimi themi te diꞌare eghu.

Letas Teke Riso Tei Mae Pol Ka Khiloau Rom 6:19

Iara cheke kau cheke naba igne eigna “mae sneka” te kafe laseni ghotilo, eigna gaoghathomi ghotilo re theome krepa. Tifa na, ghotilo neke snakredi vido thinimi fateo are mala nogna mae sneka puhi te diꞌa nei nafnata glepo te diꞌa tulao. Nu gognaro na ghotilo lisa lao vido thinimi fateo are mala nogna mae sneka puhi te doglo nei glepo te blahi eghu.

Letas Teke Riso Tei Mae Pol Ka Khiloau Rom 8:13

Jame te leghuni ghotilo puhi te diꞌa na, ghotilo ginauna lehe. Nu jame te leghuni ghotilo nogna puhi Tharunga te Blahi na nei thosei ke edi ghotilo glepo te diꞌa te edi ghotilo ka thinimi are teuna, ghotilo ginauna hati thofno nakarha na.

Fapea Korin 1:12

Igne unha te fahaehagheni nei thofno laseni teu ghehati ka nagnafamire, eigna ghehati theome leghuni nogna glalase naikno na kate edi gobigna lepore ka nakarhamire. Theo. Tutuani, naugna God tusu mei u khokofakasai ranghi ghami, ghehati leghuni kolho puhi te doglo te magnahagheni God na nei ghehati cheke tutuani koba. Leuleghu fata ka nakarhami kani au teku balumi ghotilo na, ghehati neke eni fara igne.

Fapea Korin 7:1

Kheraguro, nhaꞌa cheke te gnafa igre neke edi God ranghi ghita. Naugna igne tahati mala au fadelei ka thua nafnata glepo tangomana te fathonadi thinida ba gaoghathodare. Naugna tahati ghatho tahuni fara God, tahati mala thofno leghuni puhi te blahi na.

Galesia 1:4

Mae Jisas neke snakreni thegna mala lehe tughudi nakhibodare mala snagla tahati ka puhi te diꞌa te funei frunini nauthoglu igne. Tutuani fara mae Jisas neke eni igne, naugna igne unha teke magnahagheni God Kmada na.

Galesia 5:24

Naikno te leghuni mae Jisas Kraes re mare neke tupijuruni hi puhi te diꞌa fateo te magnahagheni naiknogna nauthoglu gne baludi gaoghatho te diꞌa fateo te magnahaghei eni unha te diꞌa.

Efesus 1:4

Ka narane theome vuavuha nga teku nauthoglu gne God neke vahi ghita mala nogna thegna kate kaisei tahati balugna Kraes. Tutuani, God neke vahi ghita mala naikno blahi nei theo kaisei najafra ke ulugna mana.

Efesus 2:2

Uve, tifa na ghotilo neke leghuni puhidi naikno te diꞌa ka nauthoglu igne. Ghotilo neke leghuni kolho mae Satan, mae funeidi naitu ka maloa gne, eigna mana gognaro na tangomana te funeidi iheire naikno te theome leghuni God.

Kolose 1:22

Nu gognaro na mae Kraes kela hata fapulo ghami ghotilo mala kheragna God. Mana neke eni igne kau glehegna. Eghume mana tangomana te fakegra ghami ke ulugna God jateula naikno blahi te theo nakhibogna.

Ululahu Tesalonika 4:7

Naugna God neke kilo ghita mala naikno blahi eghuteuna theome magnahaghei ghita te au ka nakhibo.

Ululahu Tesalonika 4:9

Ghehati theome naba te riso ari ka ghotilo eigna te mala namhani kherada fofodu ka khiloau. Naugna God thegna farirhiu ghamihi ghotilo te mala fari namhai na.

Ululahu Timoti 4:12

Theome keli kaisei naikno jateula kaisei fiti mae kolho iagho teu te theome leghudi nou cheke iagho re naugna iagho kaisei mae majaghani. Iagho mala baubatuni puhi te keli na ka naiknore, ka chekemu ba ka nakarhamu, ba ka nou namha, ba ka nou fatutuani ba ka nou puhi te doglo mala tangomana naikno khiloaure te leghu nigho na.

Ululahu Timoti 6:17

Cheke faheta ranghidi iheire te dedei fara ka nauthoglu igne mala thosei fahaehaghe fara nei thosei rouronudi glepo nate dofidi kaisei narane, nu cheke ranghidi mala fatutuani ni God mae ihei te tusu ranghi ghita gobigna lepo te keli mala gleale'a tahati.

Ululahu Timoti 6:9

Bligi fara ranghidi iheire te magnahaghei kolho dedei na te snoꞌo ka fariuriu na. Mare tangomana te tapla jafra ka nafnata glepo te fanoinoli ba glepo te diꞌa. Glepo igre tangomana te korho fadeleidi mare ghilei diꞌa fara nakarhadire, eghuteuna God ginauna na paradi fara.

Fapea Timoti 3:12

Uve, mae ihei te magnahaghei thofno leghuni mae Jisas Kraes te mala nogna mae gloku keli mana na, naiknore ginauna parani mana.

Fapea Timoti 4:10

Iagho lasenihi, mae Dimas ia la tei koko ghauhi iara, naugna mana namhani fara puhigna nauthoglu igne, eghuteuna mana la teihi ka namono Tesalonika. Eghuteuna mae Kriseni la teihi ka Provins Galesia, eghuteuna mae Taetus la teihi ka nohi Dalamatia.

Taetus 3:3

Naugna tifa na tahati neke theome ghaoghatho fakeli, jateula naikno te theome fatutuani ni Kraes ra neku. Tutuani, tahati neke huhughu koba. Nu keha naiknore chaichaghi ghita koba mala loku jafra tahati. Tahati tifa na neke loku ranghini kolho unha te magnahaghei fara u thinida theda na. Tahati neke edi fabrahu ngala unha glepo te diꞌa nei goghotu teure. Naiknore neke theome magnahaghei ghita fara nu tahati jaola ngau neke theome magnahaghedi fara keha naiknore.

Hibru 8:11

Ginauna theome tangomana kaisei naikno nate farirhiudi kheradi ba vikedi, ‘Ghotilo mala kafe laseni Lord’, naugna ka narane tuana mare ginauna kafe lase ghau iara funu ka sua thoke ka naikno biꞌo.

Jemes 1:27

Nu puhi te doglo ka God Kmada na igne. Taji fakelidi goro sua te glehe kokoi ba goro naikno biꞌo tela lehehi khetodi ra. Naugna phei tothoghei igre ngaguni noda thotogho tahati na. Eghuteuna taji fakelini thegna ka gobigna lepo te diꞌa ka nauthoglu gne. Igne u nafnata naikno khiloau te magnahagheni God na.

Fapea Pita 2:9

Thoutonu igre falalase ranghi ghita Lord ginauna fakarhidi iheire te fatutuani ni mana kate thoke meidi hoholo. Nu iheire te theome doglore, Lord ginauna paradi ghilei thokeni narane te mala fatedi naikno te gnafare.

Fapea Pita 3:11

Eghume gobigna lepo ka nauthoglu gne ginauna groꞌe dofidi, na unha nafnata naikno ghotilo gognaro na? Ghotilo mala au blahi nei au ka nafnata nakarha te magnahagheni God.

Ululahu Jone 2:27

Nu mae Kraes neke kuru meini mae Tharunga te Blahi na ka ghotilo. Mae Tharunga te Blahi gne au ngala balumi ghotilo mala farirhiu ghami gobigna lepore. Eghume ghotilo theome magnahagheni kaisei mae velepuhi delei te mala farirhiu ghami na. Mae Tharunga te Blahi gne tutuani fara, theome chaichaghi. Eghume heta ghemi au balugna mae Kraes, jateula mae Tharunga te Blahi teke farirhiu ghami ghotilo ia eghu.

Ululahu Jone 5:19

Tahati lasenihi tahati goro thugna God nu mae Satan funei fruni nauthoglu tongana gne.

Letas Teke Rioriso Mae Jud 1:18

Mare neke cheke eghu ka ghotilo, “Kate namo mei narane leghu lahu na keha naiknore ginauna maꞌeni Nonomho te Keli gne. Mare magnahaghei te leghudi kolho gaoghathodi thedi te diꞌa fara re nei mala tirodi leghuni God.”

Thakle 14:12

Eghume te thokei mei puhi igre, ghotilo nogna naikno God te leghudi nogna vetula mana ra nei fatutuani nila mae Jisas teura, ghotilo mala kegra heta fabrahu.