Taetus 1:7 - Buka Blahi Ka Cheke Holo

⁷ Eghume iara magnahaghe nigho te mala vavahi mae mala baubatu ka mae iheire te keli puhidire naugna mana mala loku ranghini God nei reireghi fakelini eghu u gloku gna u khiloau na. Mana theome kaisei mae mala fabiꞌobiꞌo, ba mae mala ghosei diꞌatagna, ba mae mala koꞌu koba, ba mae mala khuru magra ba mae mala magnahaghei hata glepo kmana kolho ka puhi te chaichaghidi naiknore.

Taetus 1:7 Iomraidhean Croise

Jenesis 49:6

Kate roghe poru ghopa te mala edi puhi te diꞌa re iara neke tirogu ari gnokro balumi ghopa neke fanomho ka gaoghatho te diꞌa te edi ghopa re. Naugna kate diꞌatami na ghopa neke falehedi naiknore. Eghuteuna ghopa neke puri loalopa gahedi nodi buluka naiknore mala maꞌe nomidi kolho.

Proveb 14:17

Mae te ghosei te diꞌatagna na, mana tangomana te eni puhi te fameomekro na. Eghuteuna naiknore tirodini mae te ghaoghaho eigna puhi te diꞌa na.

Proveb 15:18

Mae te ghosei te diꞌatagna na, mana faꞌeiꞌei puhi. Nu mae te thoghei te taegoni naikno na, naiknore na au ka pharikeli.

Proveb 16:32

Mae te theome ghosei te diꞌatagna na, mana nheta salaꞌuni mae soldia te nheta fara na. Mae te saghe leghuni diꞌatagna na, mana keli fara salaꞌuni mae ihei te magra heta te uluni kaisei namono biꞌo na.

Eklesiasti 7:9

Theome keli te ghosei te diꞌatamu iagho na. Naugna tuana nogna puhi mae te fameomekro.

Profet Isaia 28:7

Hatimare mae profet nei hatimare mae pris teu igre jaola koꞌu thaviru ka waen, eghuteuna mare theome tangomana te kegra haghe na, theome tangomana te ghaoghatho fakeli na, nei jaola theome tangomana te eni kaisei gloku na, naugna mare koꞌu ne thaviru ka beer. Mae profet gre koꞌu thaviru fara, eghuteuna mare theome tangomana te filo glanidi re gaoghathodi mifi te fakakhana Lord ranghidire. Mae pris gre jaola koꞌu thaviru, eghuteuna mare theome tangomanadi te fadoglidi nodi puhi iheire te mei ka mare te mala toghodi teure.

Profet Esikiel 44:21

Eghuteuna kate tarabana teu te mala ruma mei ka glalaba ikoi ka nogu Sugablahi iara na mala eni mare nodi gloku blahi na, eghuteuna mare mala thosei koꞌu waen.

Levitikas 10:9

“Jame iagho ba kaisei thumu iagho koꞌu waen ba beer, ghotilo thosei mei ruma lamna ka Suga tapuale te Blahi igne. Jame kaisei ka ghotilo huhughuni blahi igne mana ginauna lehe. Igne kaisei vetula te mala tathaji fabrahu tharaknamu iagho na.

Matiu 24:45

Te mala laseni mae fanomhore gaoghathogna cheke naba igne, mae Jisas ne cheke eghu ka mare, “Ba, mae ihei si mae gloku te keli tagna mae funei na ia? Mae gloku te lalase fara te leghuni fabrahu teu nogna cheke mae funei na. Igne ngala mae teke vavahi nogna mae funei na te mala reireghidi keha mae glokure kate tei mae funei na. Mae gloku igne ginauna tangomana te tufa nanaba ganore ka keha mae glokure ka thofno narane te mala ghamu mare na.

Luku 12:42

Te mala laseni mae fanomhore gaoghathogna cheke naba igne, mae Jisas ne cheke eghu ka mare, “Ba, mae ihei si mae gloku te keli tagnani mae funei na ia? Mae gloku te lalase fara te leghuni fabrahu nogna cheke mae funei na. Igne ngala mae teke vavahi nogna mae funei na te mala reireghidi keha mae glokure kate tei mae funei na. Mae gloku igne ginauna tangomana te tufa nanaba ganore ka keha mae glokure ka thofno narane te mala ghamu mare na.

Efesus 5:18

Thosei koꞌu me dranga ka waen, naugna igne ginauna batu fadiꞌadi puhimi ghotilo re. Nu snakreni mae Tharunga te Blahi na mala fodu ke lamnami mala batu fakeli ghami.

Filipae 1:1

Uve, iara mae Pol ghepa mae Timoti phei nogna mae gloku mae Jisas Kraes. Ghepa riso ari letas igne ka ghotilo naikno khiloau te au ka namono Filipae. Eghuteuna ghepa riso ranghidi langau hatimare mae biꞌo nei hatimare mae te totogho ka khiloau Filipae.

Taetus 1:5

Iara neke lilisei fapulo nigho ka moumolu Krit naugna iara magnahaghe nigho te mala ke edi fagnafa keha glepo teke theome edi fagnafa nga teku ra. Nu iara magnahaghei nigho te mala vavahi keha mae mala baubatu ka khiloau gne leuleghu namono. Leghudi unha teke chekedi iara ka iagho ra.

Taetus 2:3

Nu iagho ginauna na famane farirhiudi goro naikno biꞌo are mala au fakeli reꞌe, mala thosei buiburi naikno, ba thosei khuru koꞌu waen. Mala farirhiuni reꞌe unha glepo te keli na.

Ululahu Pita 4:10

God neke tusu ari ka ghotilo soasopai khokofakasai te mala edi nogna glokure. Eghume ghotilo loku fakeli ka khokofakasai igre mala fari totoghoi ka kmana nafnata puhi.

Ululahu Pita 5:2

reireghi fakelidi naikno khiloau are jateula mae mala reireghi sipu eghu. Theo kaisei naikno te huhuru ghami te mala eni gloku igne. Nu, ghotilo sasaꞌa mala reireghi fakeli, naugna igne teke magnahagheni God mala eni ghotilo teku na. Theome keli te eni ghotilo gloku igne te mala hata nomi sileni kolho na. Theo. Ghotilo mala loku ka gloku igne naugna ghotilo gleale'a fara te mala toghodi naiknore.

Fapea Pita 2:10

U fate tuana tulao maladi iheire te tapla jafra ka nakhibo te magnahagheni fara thedi, nei maladi iheire te filo faparini nogna nolaghi God. Mae velepuhi chaichaghi igre thono patugama fara, nei mare magnahaghei te leghudi kolho nagnafadi thedire. Eghume mare theome mhaghu te cheke fadiꞌadi engel di klignare.