Taetus 1:4 - Buka Blahi Ka Cheke Holo

⁴ Uve ghema Taetus, iara na riso ari ka iagho. Eigna iagho jateula thofno mae thugu eghu iara kau noda khiloau gne naugna iagho fatutuani nila unha glepo te fatutuani ni iara gne. Gognaro na iara toreni God Kmada nei mae Fakarhaida Jisas Kraes mala fablahi nigho nei tusu ranghi nigho u nodi pharikeli na.

Taetus 1:4 Iomraidhean Croise

Luku 2:11

Ka bongi gognaro gne kaisei mae te mala fakarha ghami ghotilo ka nakhibo na la karhahi ka namonogna mae King Devet. Mana mae Kraes noda mae funei tahati.

Jone 4:42

Aonu, naiknore ne cheke eghu ka gaꞌase na, “Ulu lahu na ghehati neke fatutuani ni mae Jisas ka unha teke chekedi iagho ka ghehati ra. Nu gognaro na ghehati fatutuani naugna ghehati neke nomhini themi. Tutuani fara, ghehati laseni mae igne ngala thofno mae te mala fakarhadi naikno te gnafa ka nauthoglu gne.”

Letas Teke Riso Tei Mae Pol Ka Khiloau Rom 1:12

Te ghathoni iara na nomi fatutuani ghotilo re ginauna togho ghau iara mala au heta fabrahu, eghuteuna nogu fatutuani iara na ginauna jaola togho ghami ghotilo mala au heta fabrahu.

Letas Teke Riso Tei Mae Pol Ka Khiloau Rom 1:7

Letas te riso ari iara igne malami ghotilo hui naikno te au ka namono Rom, eigna God namha ghami ghotilo nei kilo ghamihi ghotilo mala nogna naikno blahi mana. Iara toreni nogna khokofakasai nei pharikeli God Kmada nei nogna mae Jisas Kraes noda Lord te mala au balumi.

Fapea Korin 12:18

Iara neke toreni mae Taetus mala ari ka ghotilo, eghuteuna iara jaola neke kuru ari kaisei mae thabusigna balugna mana. Ba, mae Taetus neke chaghi ghami ghotilo? Theo! Ghotilo laseni ghepa mae Taetus au kaisei gaoghatho kolho nei leghuni kaisei puhi ngala eghu ka gloku na!

Fapea Korin 2:13

Nu iara neke thono nanga nogu fara, naugna iara neke theome ludeni mae kherada Taetus. Aonu iara kubaedi kolho naiknore doglo nga me mei Masidonia.

Fapea Korin 4:13

Grioriso te blahi na ne cheke eghu, “Iara neke cheke naugna iara neke fatutuani.” Nomi fatutuani ghehati na kaisei nanaba ka tuana. Eghume ghehati toutonu eigna Kraes naugna ghehati ne fatutuani ni mana.

Fapea Korin 7:6

Nu neuba, God neke faglealeꞌa ghami ghehati kate mei posa mae Taetus na. Naugna God na tangomana te toghodi iheire te diꞌanagnafa mala ke gleale'a.

Fapea Korin 8:16

Ghehati tegio ka God naugna mana ne snakreni mae Taetus u nagnafa namha jateula ghehati teu te togho ghami ghotilo.

Fapea Korin 8:23

Eigna mae Taetus gne, mana mae kheragu fofodu iara, eghuteuna mana loku balugu iara mala togho ghami ghotilo. Eidi keha phei mae thabusigna igre, ka nanghadi khiloau gre teke kuru meidire nei nodi glokure mala kilo fnaknoni nanghagna Kraes.

Fapea Korin 8:6

Mae Taetus neke fufunu gloku igne ke lamnami ghotilo mala salo keha sileni ka namha. Eghume ghehati toreni mana mala loku fahui gloku igne.

Galesia 2:3

Eghuteuna mae Taetus te au balugu iara igne, mana theome mae Jiu, nu mana mae gna Griki. Eghuteuna mae biꞌo ka khiloau re, mare theome huhuruni mana mala vahe.

Galesia 3:26

Ghotilo te hui na la thugna hi God naugna ghotilo ne fatutuani ni mae Jisas Kraes.

Galesia 3:28

Eghume theo kaisei glepo te nhogri ka iheire te kaisei balugna mae Jisas Kraes, neubane mae Jiu ba theome mae Jiu, neubane mae sneka ba mae snagla, neubane nalhaꞌu ba gaꞌase. Ghotilo te hui na kaisei ngala.

Efesus 1:2

Iara toreni nogna khokofakasai nei pharikeli God Kmada nei nogna mae Jisas Kraes noda Lord te mala au balumi.

Kolose 1:2

riso ari ka ghotilo nogna naikno God te au ka namono Kolose, ghotilo kherami ghepa te thofno leghuni mae Kraes tela nognahi mana. Ghehati toreni God Kmada mala tusu ranghi ghami khokofakasai nei pharikeli.

Ululahu Timoti 1:12

Iara cheke fakelini mae Jisas Kraes noda Lord eigna mana rouronu ghau iara mala loku ranghini. Mana neke tusu ranghi ghau iara nanheta malagna gloku blahi igne.

Fapea Timoti 1:1

Iara mae Pol, nogna khuru mae Jisas Kraes. God neke kuru ghau iara mala toutonu eigna u karha fei tifa teke nhaꞌa cheke mana ranghidi naikno te gnafa te fatutuani ni mae Jisas Kraes.

Fapea Timoti 1:2

Uve ghema Timoti, iara riso ari letas igne ka iagho, eigna iagho jateula kaisei mae thofno thugu iara eghu. Iara toreni nogna khokofakasai, lolokeli, nei pharikeli God Kmada nei Jisas Kraes noda Lord mala au balumu.

Fapea Timoti 4:10

Iagho lasenihi, mae Dimas ia la tei koko ghauhi iara, naugna mana namhani fara puhigna nauthoglu igne, eghuteuna mana la teihi ka namono Tesalonika. Eghuteuna mae Kriseni la teihi ka Provins Galesia, eghuteuna mae Taetus la teihi ka nohi Dalamatia.

Taetus 1:3

Eghuteuna kate thokeni u thofno nogna narane thegna God na, mana ne fatakleni eigna u karha na kau nogna Nonomho te Keli te toutonuni iara ranghidi naikno te gnafa kau nauthoglu igne. Nu God noda mae Fakarhai na neke kuru ghau iara mala toutonuni u Nonomho te Keli igne ka naikno te gnafare.

Fapea Pita 1:1

Iara mae Simon Pita kaisei nogna mae gloku nei kaisei nogna mae khuru Jisas Kraes. Iara riso ari ka ghotilo iheire te hata nomi thofno fatutuani te keli fara ka God jateula ghehati. Tahati te gnafa na kafe hata u fatutuani igne naugna noda God nei Fakarhaida Jisas Kraes, mana kaisei mae keli nei eni unha te doglo fara.

Fapea Pita 1:11

Eghuteuna God ginauna tangomana te thofno snakre ghami mala ruma ka nauthoglu majaghani te theo ka huigna. Ka nauthoglu igne noda Lord nei fakarhaida Jisas Kraes na King fabrahu tifa tifa.

Fapea Pita 2:20

Faꞌunha? Jame lase fakelini naiknore eigna noda Lord Jisas Kraes mae ihei teke fakarhi ghita na meuna, mare na snagla ka puhigna nauthoglu igne. Nu jame teke pulo mare teke edi fabrahu puhi te diꞌa tuare, puhi biꞌo fara ginauna thokedi mare ke uluni teke ulu lahu na.

Fapea Pita 3:18

Nu ghotilo mala au fabrahu ka nogna khokofakasai nei glalase noda Lord Jisas Kraes. Tahati kilo fnaknoni tifa tifa nanghagna noda Lord mae ihei teke fakarhi ghita. Amen. Me gnafa. Iara, mae Pita.

Fapea Pita 3:2

Iara magnahaghe ghami ghotilo te ghathodi cheke teke edi hatimare mae profet blahi tifa ra. Eghuteuna ghotilo ghatho dila nogna cheke Lord mae ihei teke fakarhi ghita ia eghu. Ghehati mae khuru gre neke toutonunihi cheke igne ka ghotilo.

Ululahu Jone 5:14

Tahati thofno laseni igne, mana ginauna na nomhi ghita kate toreni tahati unha te leghuni gaoghathogna.

Letas Teke Rioriso Mae Jud 1:3

Ranghi ghami kheraguro, ulu lahu na iara magnahaghei te rioriso ari ka ghotilo kaisei letas eigna God te fakarhi ghita tahati te gnafa. Nu gognaro na iara thono tahu mei ka gaoghathogu na te mala rioriso letas igne, mala nheta ghotilo. Iara magnahaghei ghami ghotilo te magra heta mala loku famaku thofno cheke tela fatutuani nihi tahati igne. U thofno cheke igne God neke tusu mei kaisei fata ngala ka nogna naiknore, eghuteuna na keli fabrahu tifa tifa.