Taetus 1:13 - Buka Blahi Ka Cheke Holo

¹³ Unha glepo te chekeni mae profet igne thono tutuani fara ngala. Eghume iara magnahaghe nigho te cheke faheta ka naiknodi Krit are mala laseni naiknodi Krit re u nodi farirhiu chaichaghi mae velepuhi te chaichaghi te theome doglo igre eghu. Nu famane farirhiudi iagho eghu mala fatutuani ni kolho mare u farirhiu te tutuani na,

Taetus 1:13 Iomraidhean Croise

Nodi Khoje Hatimare Mae Jiu 119:80

Jame te keli na iara leghuni fara nou vetula iagho na mala theome tangomana iara te mamaja na.

Nodi Khoje Hatimare Mae Jiu 141:5

Keli kolho ka iara jame te mei cheke ghau nei farirhiu ghau teu kaisei mae te keli puhigna na, te mala doglo iara nakarhagu na. Nu iara thono tirogu fara te leghuni kaisei mae te diꞌa puhigna na te mala nogna naikno mana na, naugna leuleghu fata na iara toreni Lord koba mala paradi mana naikno te diꞌa puhidire tuare.

Proveb 27:5

Puhi te cheke thakleni iagho nakhibo gna naikno na, thofno keli fara salaꞌuni te namhani iagho na, nu theome chekeni ne namhani mana teuna.

Levitikas 19:17

“Ghotilo thosei tiromini fara kherami na, nu kate filoni ghotilo kherami igne te eni mana unha te jafra na, ghotilo tei cheke ka mana najafra igne. Ka puhi igne ghotilo ginauna theome eni nakhibo na ka mae tuana.

Fapea Korin 13:10

Iara riso ari letas igne kate theome au teu balumi ghotilo naugna kate ari iara te posa ka ghotilo na, iara theome magnahaghei te cheke faheta ranghi ghami ka nolaghi biꞌo teke tusu mei Lord ka iara igne. Mana neke tusu mei ka iara nolaghi igne mala toghodi nomi fatutuani ghotilo re mala heta, theome mala goigoni ghami ghotilo.

Ululahu Timoti 1:10

ba iheire te eni puhi te diꞌa, ba iheire te glalama fari nalhaꞌu, ba iheire te blau naikno te mala fofoli jateula sneka, ba iheire te cheke chaichaghi tafri, ba iheire te cheke chaichaghi ka fate, ba iheire te eni kaisei glepo te theome leghuni farirhiu te keli na.

Ululahu Timoti 4:6

Uve, iara magnahaghe nigho te chekedi glepo igre ka kherada naikno khiloau are. Te eni iagho igne, iagho ginauna kaisei nogna mae gloku keli mae Jisas Kraes. Eghuteuna iagho ginauna biꞌo haghe ka nogna farirhiu keli khiloau te leghudi te mei iagho ra.

Ululahu Timoti 5:20

Nu jame kaisei mae biꞌo ka khiloau tapla jafra ka nakhibo, iagho cheke faheta fara ka mana kate kafe au fodu teu naikno khiloaure mala mhaghu keha naiknore mala thosei ke enila najafra tuana.

Fapea Timoti 4:2

mala toutonuni koba chekegna God na. Tarabana leghu fata mala eni igne, neuba naiknore ne tirodi fanomho ka iagho. Iagho toghodi naiknore mala filo glani mare unha te jafra ka nakarhadire. Eghuteuna iagho fadodoglo puhidi naiknore ka unha te jafra ba toghodi mala nheta nodi fatutuani na. Eghuteuna kate farirhiudire, iagho mala taegodi nei farirhiu fakelidi eghu.

Taetus 2:15

Uve, iara magnahaghe nigho te farirhiudi naikno khiloaure u glepo te chekedi iara ka iagho igre. Iagho au nou nolaghi te mala toghodi mare te mala leghudi u farirhiu igre, nu ne theome leghudi nga mare u farirhiu igre nu chekedi iagho ka mare unha glepo te keli te mala edi mare re eghu. Iagho eni igne ka puhi te mala theome tangomana kaisei naikno te filo fapari nigho na.

Taetus 2:2

Famane farirhiudi goro mae biꞌo are mala reireghi fakelidi thedi, mala au fakeli, nei mala lalase eghu. Nu mala nheta nodi fatutuani na, nei mala nheta nodi namha na, nei mala loku famaku ka unha glepo te keli na.