Taetus 1:10 - Buka Blahi Ka Cheke Holo

¹⁰ Iara magnahaghe nigho te vahidi keha mae mala baubatu, naugna gognaro na kmana mae velepuhi chaichaghi au jare ka moumolu Krit. Mae velepuhi chaichaghi igre mare theome magnahaghei te leghuni chekegna ihei na, nu hatimare edi kmana thoutonu chaichaghi te theo nafudi kolho igre ranghidi naiknore. Kmana mae ka hatimare mae velepuhi igre mare au ka tothoghei mae te magnahaghedi naikno khiloau re te mala leghudi nodi vetula mae Jiu re.

Taetus 1:10 Iomraidhean Croise

Matiu 23:14

Puhi biꞌo ka ghotilo mae Farasi nei mae velepuhigna vetula nogna mae Moses teu igre! Ghotilo chaghi fara! Naugna ghotilo fakokhoanadi nei blaudi eghu koba nodi gobigna lepo goro naikno biꞌo te lehe khetodire. Eghuteuna ghotilo tarai brahu koba mala ne mae blahi eghu kolho. Tutuani, God ginauna para ghami fara ghotilo!

Mae Khuru 11:2

Aonu kate thoke mae Pita Jerusalem, naikno khiloau te heta fara ka puhi te vahe na ne diꞌa tadi fara, naugna mana ne gnokro baludi naikno te theome vahere. Eghuteuna mare ne cheke eghu ka mana,

Mae Khuru 15:1

Keha maedi Judia ne mei posa Antiok. Mare farirhiu ne cheke eghu ka naikno khiloau re, “Te theome leghuni ghotilo nogna vetula mae Moses eigna tohi fagaglana na, God ginauna theome fakarhi ghami ghotilo.”

Mae Khuru 15:24

Ghehati nomhinihi keha mae ka tothoghei ghehati gne ne ari ka ghotilo ne eꞌei puhi ne fadiꞌadi nagnafami ghotilo re ka unha teke chekedi mare re. Nu ghehati neke theome farirhiudi mare mala eni tuana!

Mae Khuru 20:29

Naugna iara la kulu lasenihi igne. Ke leghugna te tei koko ghami iara ginauna, keha naikno te diꞌa puhidire ginauna mei fariuriu lalamadi naikno ka khiloau gne.

Galesia 2:4

Ghehati neke cheke eigna puhi igne naugna keha mae thabusignare chaichaghi neke poru neke ruma mei ka noda tothoghei tahati gne. Eghuteuna mare magnahaghei te ruma mei mala filoni eigna noda naꞌau nasnagla tahati balugna mae Jisas Kraes. Mare magnahaghe ghita tahati te mala au jateula naikno sneka eghu ka nogna vetula mae Moses kolho.

Galesia 3:1

Ghotilo naikno fameomekro ka namono Galesia! Naugna cheke eigna mae Jisas Kraes teke lehe ke kligna gaju fafatha ia la mei glolahi ka ghotilo. Neuba keha naikno neke nunughere ghami ghotilo mala fameomekrodi gaoghathomi ghotilo re!

Efesus 4:14

Kate kotu haghe te naikno biꞌo na, tahati ginauna theome jateula vaka te pala tafri ka nuri ba galo biꞌo ia eghu. Tahati ginauna theome tangomana te ghosei leghuni u nafnata farirhiu te chaichaghi na. Neuba hatimare mae velepuhi chaichaghi are ne magnahaghei chaghi ghita tahati kolho mala leghuni tahati nabrou te jafra na.

Ululahu Timoti 1:4

Iagho jaola chekedi mae te farirhiu chaichaghi tuare mala thosei toutonudi mare nafnata susurei te theome tutuani nei thura nangha te brahu, nanghadi hatimare mae biꞌodi tifa ra. Glepo igre mala faꞌeiꞌei magra kolho ka naiknore, eghuteuna naiknore ginauna theome eni unha teke ghathoni God te mala eni mare teku na. Naugna kaisei puhi fatutuani ngala te tangomana te mala togho ghita te mala leghuni tahati gaoghathogna God na.

Ululahu Timoti 1:6

Nu keha naiknore la tei snivihi ka glepo igre nei chekedi koba glepo te theo nafudire.

Ululahu Timoti 1:9

Jaola tahati laseni vetula na neke theome lilisei mala fadoglidi iheire te keli, nu mala fadoglidi iheire te huhughuni vetula na, iheire te eꞌei puhi diꞌa fabrahu, iheire te theome leghuni God, iheire te au ka puhi nakhibo, iheire te cheke faparini God ba iheire te cheke fadiꞌadi glepo te blahi re. U vetula na jaola mala fadoglidi iheire te falehedi idodi ba kmadi, ba aknu poruni ihei,

Fapea Timoti 3:13

Tutuani fara, naikno te diꞌa nei mae velepuhi chaichaghi teu igre ginauna diꞌa fara puhidire. Mare ginauna chaghidi koba naiknore, nu mae Satan ginauna nake chaghi fapulo dila mare.

Fapea Timoti 4:4

Eghuteuna mare ginauna figri tagruni farirhiu te tutuani na mala fanomho kolho ka thoutonu te chaichaghire.

Taetus 1:6

Igne u nafnata naikno te mala vavahi iagho te mala baubatu kau khiloau na. Nu mae ihei te vavahi iagho na, mana mala kaisei mae te thono keli fara puhigna na, nu naiknore theome tangomana te filo deni kaisei najafra ka mana. Mana jaola mala tolaghi ka kaisei gaꞌase kolho. Eghuteuna thugna mana re mala fatutuani ni mae Jisas Kraes. Theome mala eni kaisei puhi te diꞌa, ba lalama ba huhughudi idodi kmadire.

Jemes 1:26

Mae ihei la naikno khiloau hi thegna teu ka gaoghathogna na nu theome saghe leghu fakelini nogna cheke na teuna, mana chaghini kolho thegna nei nogna fatutuani mana na theo nafudi kolho.

Ululahu Jone 2:18

Uve thuguro, narane leghu lahu na la namohi! Ghotilo nomhinihi nogna naoka mae Kraes la namo mei. Tutuani fara, gognaro na kmana nogna naoka mae Kraes auhi agne! Eghume tahati laseni u narane leghu lahu la namo meihi.

Ululahu Jone 2:4

Jame kaisei naikno cheke eghu, “Iara laseni God!” nu theome leghuni chekegna God teuna, mana kaisei mae chaichaghi. Eghuteuna cheke tutuani na theome au ke lamnagna mana.

Ululahu Jone 4:1

Uve kheraguro, gognaro na kmana mae profet chaichaghi ka nauthoglu gne. Eghume kate toutonu naiknore, thosei fatutuani nodi cheke te gnafare, nu faglanidi eghu glahula gaoghatho te au ka mare tuare neke mei funu ka God.

Thakle 2:14

Nu kaisei glepo langau te theome magnahagheni iara ka ghotilo na. Keha naikno ka ghotilo re leghuni nogna farirhiu mae Belam. Tifa na mana neke farirhiuni mae King Balak mala chaichaghidi naiknodi Israel re, naugna mana magnahaghedi naiknore te tapla jafra ka nakhibo. Mana farirhiudi mala ghamu gano teke fafara ka mumuju na, eghuteuna batudi kau puhi gnognoro.

Thakle 2:6

Nu kaisei glepo te gleale'ani iara ka ghotilo na, ghotilo theome magnahagheni puhidi naikno te leghuni nogna farirhiu mae te diꞌa Nikolas gne. Iara jaola theome magnahaghedi puhidi naikno tuare.