Letas Teke Riso Tei Mae Pol Ka Khiloau Rom 9:4 - Buka Blahi Ka Cheke Holo

⁴ God neke vahidi naiknodi Israel mala jateula goro thugna eghu neku, eghuteuna mare jaola neke filoni nogna nolaghi biꞌo mana na. God neke edihi nogna nhaꞌa chekere baludi mare, eghuteuna tusu ranghidi u nogna vetula mae Moses na. Mana jaola farirhiudi thofno puhi te mala pogho soruni God na, eghuteuna mana neke nhaꞌa cheke ranghidi kmana glepo.

Letas Teke Riso Tei Mae Pol Ka Khiloau Rom 9:4 Iomraidhean Croise

Jenesis 15:18

Ka narane igne Lord ne nhaꞌa cheke ka mae Ebram. Lord ne cheke eghu ka mana, “Iara ginauna na tusu ari ka vikemu iagho re namono igne. Funu ka khoꞌu biꞌo Ijep tei posa ka Khoꞌu biꞌo Iufretis.

Jenesis 17:10

Igne unha nate eni iagho te mala laseni iara te thofno leghuni iagho nogu cheke iara na. Iagho nei thumure eghu mala tohi fagaglana, eghuteuna ghotilo mala kafe tohi fagaglana goro mae nalhaꞌu te au balumi re. Funu gognaro te haghe na ghotilo mala kafe tohi fagaglana goro mae sua nalhaꞌu tela kaisei wikidi hire. Ghotilo mala jaola kafe tohi fagaglana mae nomi sneka re nei mae thudi re eghu. Eghuteuna u fagaglana igne ginauna na au fabrahu ka gulimi ghotilo re mala theome ghatho ihoni ghotilo nogu nhaꞌa cheke iara na.

Jenesis 17:2

Iara ginauna na eni unha teke kulu nhaꞌa chekenihi iara ka iagho tifeiro ia. Thumu iagho re ginauna kmana fara.”

Jenesis 17:7

Iara ginauna na farerheta nogu nhaꞌa cheke na ka iagho nei ka thumu iagho nate mei ke leghumu iagho re eghu fabrahu tifa e tifa. Iara ginauna mala nou God iagho nei jaola mala nodi God thumu iagho re eghu.

Jenesis 32:28

Aonu mana ne cheke eghu ka mana, “Tifa na mare neke kiloni nanghamu iagho na Jekop. Nu gognaro na nanghamu iagho na Israel, naugna iagho ne magra balugna God nei jaola magra balugna naikno neu, la heta gheuhi la ulunihi iagho magra igne.” Nangha igne gaoghathogna na “Magra balugna God” eghu.

Ululahu Kings 8:11

eghuteuna mare ne theome tangomana te eni nodi gloku na, naugna siasiglagna nogna nolaghi biꞌo Lord na ne fodu ka nogna Sugablahi na.

Nehemaea 13:29

Nogu God, ghathodi sagho puhidi mare te diꞌa igre, naugna mare ne ei fadiꞌa nogna gloku pris na, eghuteuna mare ne goigoni u nhaꞌa cheke teke eni iagho baludi mae pris nei mae Livaet.

Nodi Khoje Hatimare Mae Jiu 147:19

Lord na tusu mei nogna cheke nei vetula teure mala farirhiu ghita tahati naiknoda Israel.

Nodi Khoje Hatimare Mae Jiu 63:2

Iara magnahaghei te ari te filo nigho ka sugamu na, mala laseni iara nou nolaghi biꞌo nei nafnakno teu iagho na.

Nodi Khoje Hatimare Mae Jiu 73:1

Tutuani fara, God na keli fara ka tahati naiknoda Israel, eigna gaoghathoda tahatire thofno gae fara.

Nodi Khoje Hatimare Mae Jiu 78:61

Mana neke snakredi mae naokare neke mei atha Bokis Blahi Nhaꞌa Cheke na. Bokis igne kaisei fagaglana gna nogna nolaghi God na.

Nodi Khoje Hatimare Mae Jiu 89:3

Iagho neke cheke eghu, “Iara neke enihi kaisei nhaꞌa cheke ka mae Devet nogu mae gloku teke vahini iara tifa ia.

Nodi Khoje Hatimare Mae Jiu 89:34

Uve, iara ginauna na theome ari fadidiꞌa nogu nhaꞌa cheke balugna mana na, eghuteuna iara ginauna na theome tuthughu kaisei glepo ka nhaꞌa cheke tuana.

Nodi Khoje Hatimare Mae Jiu 90:16

Ghehati gne nou mae gloku iagho, snakre ghami ghehati sagho mala filodi ghehati nou gloku biꞌo te edi iagho ra. Uve, snakredi iheire nate karha mei ka vikemi ghehati gre mala filoni nou nolaghi biꞌo iagho na.

Eksodas 34:27

Aonu Lord ne cheke eghu ka Moses, “Iagho rioriso soru cheke igre, naugna ka cheke igre teke eni iara Nhaꞌa Cheke igne balumu iagho nei naiknodi Israel.”

Eksodas 4:22

Ka narane tuana iagho na cheke eghu ka king, ‘Igne unha te chekeni Lord na: Naiknodi Israel igre jateula thugu teke kulu karha ra eghu iara.

Eksodas 40:34

Aonu nogna grokho biꞌo Lord na ne mei toku tafruni Suga Tapuale te Blahi te mala mei thafoni God, eghuteuna siasigla gna nogna nolaghi biꞌo Lord na ne fodu ka Suga Tapuale te Blahi igne.

Profet Isaia 41:8

“Nu ghotilo naiknomi Israel, teke karha mei ka vikegna mae kheragu iara mae Ebraham. Iara neke vahi ghami ghotilo mala thofno nogu naikno gloku iara.

Profet Isaia 46:3

Lord ne cheke eghu, “Fanomho mei ka iara, ghotilo iheire te aunga teu ka vikegna Israel ra! Funu tifa te mei ka narane teke karha mei ghotilo tagna na, iara neke reireghi ghami ghotilo.

Profet Isaia 5:2

Mana dokha koko thina te au ka glose igne mala joꞌu grep. Mana horo kaisei suga mala toetoe mala reireghi vido igne. Mana eni kaisei vido ka thina mala poji sisi grep. Eghuteuna mana ginauna rouronu sisi te keli, nu sisi te diꞌa kolho te thakle mei na.

Profet Isaia 60:19

Ka narane tuana naprai gne ginauna theome phae ka ghotilo, eghuteuna fei bongiro na glaba gne ginauna theome phae ka ghotilo. Nu iara Lord ginauna na au jateula naprai nei glaba eghu mala tusu ari fabrahu naphae na ka ghotilo. Nu iara Lord ginauna nomi naphae ghotilo fabrahu. Uve, naphaegna nogu nolaghi biꞌo iara nomi God ghotilo na ginauna agha mei fabrahu ka ghotilo.

Profet Jeremaea 31:20

Nu te chekeni iara ka ghotilo gognarona. Efrem gne thofno mae thugu iara, iara thofno namhani nei gleale'ani eghu mana. Kmana fata iara diꞌatagu fara ka mana eidi nakhibogna manare. Nu neuba, leuleghu fata na iara ghathoni mana, naugna iara namhani nei kokhoni noguni eghu mana.

Profet Jeremaea 31:33

Igne u nhaꞌa cheke majaghani nate eni iara baludi naiknodi Israel. Iara ginauna lilisei nogu vetula na lamna ka thiꞌadire, eghuteuna rioriso soru ka nagnafadire. Iara ginauna nodi God mare, eghuteuna mare ginauna mala nogu naikno iara.

Profet Jeremaea 31:9

Ka narane te atha fajifladi iara re, naikno igre ginauna tanhi nei tarai eghu ka iara nake pulo mei. Iara ginauna na baubatudi mei ka vido te au khoꞌu te keli, eghuteuna iara ginauna atha meidi ka nabrou te doglo mala theome uka mare. Iara ginauna eni igne, naugna iara jateula kmadi eghu vikegna Israel, eghuteuna vikegna Israel igne jateula thugu nalhaꞌu teke kulu karha ra eghu iara.

Profet Esikiel 1:28

Juta te siasigla fabiꞌo falithuini mana igne thono famane fara jateula maja eghu. Juta biꞌo igne agha fabiꞌo ka nogna nolaghi biꞌo God na. Kate filodi iara glepo igre, iara ne pogho soru pari ka glose na, aonu ka vido igne, iara ne nomhini kaisei naogla ne cheke mei ka iara.

Profet Hosia 11:1

Lord ne cheke eghu, “Kani teke jateula puhidi sua majaghani ra teku naiknodi Israel igre, iara neke namhadi fara jateula thofno thugu teke karha majaghani ra neku neke hata fajifladi Ijep.

Naba 7:89

Uve, leuleghu fata na mae Moses tei mala cheke balugna Lord ke lamnagna Suga tapuale te Blahi na, eghuteuna mana ne nomhini naoglagna Lord te cheke mei farihoteidi phei engel te toku tafru nogna Bokis Blahi Nhaꞌa Cheke Lord na.

Matiu 21:33

Mae Jisas ne cheke eghu ka mare, “Fanomho ka cheke naba igne. Kaisei fata, kaisei mae khoto glose na ne joꞌu kaisei nagare. Mana bara faligoho nagare na nei dokha kaisei khora mala poji sisi grep mala eni waen. Aonu, mana babana kaisei suga ikoi kligna mala toetoe. Gnafa teuna, mana snakre lao nagare igne ka hatimare mae greireghi nagare mala loku. Aonu, mana jifla ne tei au ka keha namono delei fara.

Jone 1:17

God neke tusu lao vetula na ka mae Moses. Nu khokofakasai ghe tutuani re neke mei balugna mae Jisas Kraes.

Jone 1:47

Mae Jisas filoni mae Natanel te mei ke ulugna mana na, ne cheke eghu eigna mana, “Filoni si ghotilo. Mae igne ngala thofno mae gna Israel na, naugna mana theome tangomana te chaghi na.”

Mae Khuru 2:39

Naugna u nogna nhaꞌa cheke God igne mala nomi ghotilo, nei maladi goro thumi are nei maladi iheire te theome karha nga teu. Uve, u nhaꞌa cheke igne maladi naikno te gnafa teke kilo meidi noda Lord.”

Letas Teke Riso Tei Mae Pol Ka Khiloau Rom 3:2

Uve, puhidi mae Jiure keli fara, naugna glepo mala togho ghita ka thua nafnata puhi fateo. Glepo te ulu na igne: te laseni naikno te gnafare, chekegna God na neke tusu lao ka khamedi mae kuꞌeda tahati mae Jiura.

Letas Teke Riso Tei Mae Pol Ka Khiloau Rom 8:15

Tharunga te Blahi teke tusu ari God ka ghotilo igne theome mala haru famaku ghami ka namhaghu jateula teke au ghotilo ka namhaghu tifa ia eghu. Theo. Nu mana togho ghami mala thugna God. Eghuteuna ka nogna nolaghi Tharunga te Blahi na tahati tangomana te cheke eghu ka God, “Mama, Mama.”

Letas Teke Riso Tei Mae Pol Ka Khiloau Rom 9:6

Neubane kmana mae Jiu te theome fatutuani ni nga teu mae Jisas Kraes, nogna nhaꞌa cheke God ranghidi mae Ebraham, mae Isak, nei mae Jekop na theome jafra. Naugna keha naikno ghu kolho Israel te thofno nogna naikno God re.

Fapea Korin 11:22

Mare cheke fahaehaghedi fara te mae Hibru, mae Israel nei vikegna mae Ebraham teuna. Uve, iara jaola tangomana te cheke fahaehaghe ghau jateula mare teuna.

Galesia 3:16

Uve, God neke chekedi nhaꞌa cheke igre ka mae Ebraham nei thugna. Grioriso te blahi na theome neke cheke eghu, “Nei maladi goro thumu.” Tuana gaoghathogna na kmana naikno. Nu God neke cheke eghu, “Nei mala thumu iagho.” Tuana gaoghathogna na kaisei mae kolho, eghume mae tuana, mae Kraes.

Diutronomi 14:1

Mae Moses ne cheke eghu, “Ghotilo thugna Lord nomi God. Eghume kate lehe kaisei naikno na, ghotilo thosei vahe thinimi themi are, ba ghoighori khakla ka greremi are eigna te lehe naikno na.

Diutronomi 29:1

Igre chekegna nhaꞌa cheke teke eni Lord baludi nogna naiknodi Israel. Cheke igre neke cheke mana ka mae Moses kani au teku mare Moab mala toutonu ranghidi naiknore. Nhaꞌa cheke igne neke nhaꞌa lao mae Moses ka nhaꞌa cheke teke eni Lord baludi mare tifa ka Thogele Sanai.

Diutronomi 29:14

Lord neke cheke eghu ka ghotilo, ‘Nu iara neke theome eni nhaꞌa cheke igne balumi ghotilo kolho, eghuteuna theome ghotilo kolho te mala leghuni nogna cheke te nheta mana igne.

Diutronomi 31:16

Aonu, Lord ne cheke eghu ka mae Moses, “Iagho ginauna lehe. Eghuteuna kate lehe iagho na, naikno igre ginauna na theome raugha tarai nei pogho soru eghu ka nodi god naikno te au ka glose nate tei ghotilo tagna na. Mare ginauna lisa ghau iara, eghuteuna mare ginauna huhughuni u nhaꞌa cheke teke eni iara baludi mare ia.

Diutronomi 4:13

Eghuteuna mana neke eni nhaꞌa cheke igne baluda tahati, neke cheke ranghi ghita tahati mala leghudi Nabotho Cheke teke rioriso mana ka phei thina tataba igre.

Diutronomi 7:6

Ghotilo mala edi glepo igre, naugna ghotilo nogna naikno blahi Lord, nomi God. Mana neke vahi fadelei ghami ka keha naikno te gnafa ka nauthoglu igne mala nogna naikno thegna.

Hibru 9:1

Kau nhaꞌa cheke ulu lahu na au kaisei vetula maladi iheire te pogho soru ka God nei kaisei vetula eigna vido te mala pogho soru ka God teke horo naikno ka nauthoglu igne.

Hibru 9:10

Naugna glepo te gnafa igre puhi eidi gano nei khoꞌu, ba nafnata puhi mala titihi igre maladi thini kolho. Eghuteuna vetula igre mala leghudi tahati ghilei thoke mei u narane God nate tughu ka nhaꞌa cheke te majaghani.

Hibru 9:3

Ke lamnagna suga tapuale igne au fapea chogho na eghuteuna mare lilisei kaisei pohe jare mala fanogra gna grengatha na. Mare kiloni chogho igne “Chogho thono blahi fara”.

Hibru 9:5

Ke tagrugna u bokis tuana au phei thotoghaledi engel te kilodi “Serabim”, fagaglana gna God te au ka vido tuana. U baghidi phei thotoghale igre toku tafruni fofothogna bokis na. Jare hatimare te fuafusa u dadara te mala hata fadelei nakhibodi naiknore. Nu ghehati gognaro na theome tangomana te toutonudi gobigna lepo igre ka ghotilo.

Hibru 9:6

Kate tarabanahi glepo igre, leuleghu narane na hatimare mae pris ruma ka chogho ulu lahu na mala eni nodi gloku na.