Letas Teke Riso Tei Mae Pol Ka Khiloau Rom 7:7 - Buka Blahi Ka Cheke Holo

⁷ Ba, faꞌunha eghu tahati cheke eigna nogna vetula mae Moses gne? Tahati na chekeni, nogna vetula mae Moses gne mala batudi naiknore ka nakhibo signea eghu? Theo fara! Naugna nogna vetula mae Moses na mala falalase ghau iara te leghuni puhi te diꞌa na. Uve, kaisei cheke ka vetula na cheke eghu, “Thosei mamagnadi nodi keha naiknore.” Nu jame te theome laseni iara eigna cheke te risoni mare igne na, iara ginauna theome laseni puhi te diꞌa na.

Letas Teke Riso Tei Mae Pol Ka Khiloau Rom 7:7 Iomraidhean Croise

Jenesis 3:6

Kate filo laoni naꞌa gaju igne na, naꞌa ne keli tagna fara naugna gaju igne ne thofno keli fara fifilogna na, nei sisi gna re jaola keli fara te mala ghamu na. Aonu naꞌa ne cheke eghu ka nagnafa gna thegna na, “Uve, jame te imani iara sisi gna gaju igne na, iara gne jame kaisei naikno glalase fara.” Aonu naꞌa ne hata keha sisi ne ima. Eghuteuna naꞌa ne tusu lao keha ka mae Adam khetogna na. Mana ne jaola ne ima sisi gna gaju tuana.

Fapea Samuel 11:2

Kaisei narane, fei grafi, mae Devet dofra haghe ne tei faghaghafa ke tagru suga. Eghuteuna, kate au teu mana ke tagru suga na, mana ne filo teini kaisei gaꞌase apu neu. Gaꞌase igne thono famane fara.

Nodi Khoje Hatimare Mae Jiu 119:96

Te laseni iara gognaro na, gobigna lepo fateote'o igre ginauna hui, nu chekemu iagho na theo ka huigna.

Eksodas 20:17

“Thosei mamagnani nogna glepo ihei. Thosei mamagnadi nogna suga, khetogna, nogna naikno gloku, nogna buluka, nogna dongki ba keha glepo la ngau eghu teke nogna mana re.”

Profet Maeka 2:2

Kate magnahagheni nogna glose keha mae na, ghotilo tei atha kolho. Eghuteuna kate magnahagheni nogna suga keha mae na, ghotilo jaola tei atha. Ka puhi igne, ghotilo blaudi kolho nodi glepo naiknore, eghuteuna keha fatare ghotilo jaola blaudi tharaknadi mare re.

Matiu 5:28

Nu te chekeni iara ka ghotilo na, mae ihei te filo lao ka gaꞌase na eghuteuna magnahagheni naꞌa kau gaoghathogna na teuna, mana la enihi puhi te diꞌa na ka naꞌa.

Luku 12:15

Mae Jisas tudu ne cheke eghu, “Fiofilo fakeli ghami ka kmana nafnata khiri te magnahaghedi ghotilo igre. Naugna thofno nakarhagna naikno na theome leghudi kolho glepo kmana te khotodi mana re.”

Luku 20:16

Mana ginauna tei ka nagare na mala falehedi mae greireghi nagare igre. Aonu mana ginauna snakre lao nagare na ka keha mae greireghi nagare delei mala reireghi mare.” Kate nomhini naiknore cheke naba igne, mare ne cheke eghu, “Theo, theome jateula tuana eghu!”

Mae Khuru 20:33

Tutuani, kate au balumi ghotilo na, iara neke theome mamagnani nogna sileni ba nogna pohe ihei na.

Letas Teke Riso Tei Mae Pol Ka Khiloau Rom 13:9

Vetula na cheke eghu, “Thosei tolaghi pedo, thosei falehe naikno, thosei blau, thosei mamagnani nogna glepo ihei na.” Vetula te gnafa baludi keha vetula langau teu igre thofno kaisei vetula ngala, te chekeni na, “Namhani kheramu fofodu na jateula iagho te namha nigho themu eghu.”

Letas Teke Riso Tei Mae Pol Ka Khiloau Rom 3:20

Theo kaisei naikno te doglo ka tathagna God na, jame te leghuni kolho mana vetula na. Naugna vetula na mala falalase kolho nakhibodare.

Letas Teke Riso Tei Mae Pol Ka Khiloau Rom 3:5

Keha naiknore cheke eghu, “Kate eni tahati puhi te diꞌa na, tahati falalase ranghidi naiknore puhigna God te doglo fara. Eghume tahati laseni God te theome doglo na naugna mana ne para ghita kate leghuni puhi te diꞌa na!” Keha naiknore ne cheke eghu agne kate leghuni kolho mare gaoghathogna naikno na.

Letas Teke Riso Tei Mae Pol Ka Khiloau Rom 4:1

Unha te laseni tahati eigna fatutuani kate filoni tahati nakarhagna mae kuꞌeda Ebraham tifa ia?

Letas Teke Riso Tei Mae Pol Ka Khiloau Rom 4:15

Tutuani nogna vetula mae Moses na ne cheke eghu, “God ginauna paradi naikno te theome leghuni u vetula na.” Nu jame te theo kaisei vetula na, naiknore ginauna jaola theome huhughuni vetula na.

Letas Teke Riso Tei Mae Pol Ka Khiloau Rom 5:20

God neke tusu mei ka mae Moses u vetula na mala thofno laseni naiknore nodi najafra biꞌo na. Kate edi kmana najafra naiknore, nogna khokofakasai God na biꞌo ne salaꞌui ranghidi naiknore.

Letas Teke Riso Tei Mae Pol Ka Khiloau Rom 6:15

Ka gaoghathodi u cheke teke chekedi iara ra, jame kaisei mae cheke eghu, “Gognarona tahati theome au ke parigna nogna vetula mae Moses, nu tahati au ngala ke parigna nogna khokofakasai God mala togho ghita. Eghume tahati eni fabrahu ngala nakhibo na eghu.” Cheke mana igre thofno doglo fara? Theo fara!

Letas Teke Riso Tei Mae Pol Ka Khiloau Rom 7:11

Eghuteuna puhi nakhibo na neke filoni kaisei nabrou ka nagnafagu iara na ne hata keha cheke ka vetula na ne saosagro ghau iara nei falehe ghau iara neu.

Letas Teke Riso Tei Mae Pol Ka Khiloau Rom 7:13

Ba, u vetula te keli igne site falehe ghau iara na ia? Theo fara! Nu iara neke lehe ke ulugna God, naugna iara neke leghuni u nabrou te jafra na. Neubane keli vetula na, puhigna nakhibo na salo fodu baludi vetula igre te mala kotu biꞌo ke lamnagu iara u gaoghatho te mala eni puhi nakhibo na. Ka puhi igne tahati filo glanini nakhibo na glepo diꞌa. Naugna u chekegna vetula na falalase puhigna nakhibo na thofno diꞌa fara kolho.

Letas Teke Riso Tei Mae Pol Ka Khiloau Rom 7:5

Nu kani leghudi teku kolho tahati puhida theda te diꞌa fara tifa ra, tahati neke thofno magnahaghei te leghuni koba unha te blahi fara ka u vetula na. Eghume, tahati neke snakre lao ghita theda kolho ka puhi te diꞌa nabagna te mala lehe na.

Letas Teke Riso Tei Mae Pol Ka Khiloau Rom 7:8

Eghuteuna nakhibo na au nogna nabrou ka cheke te au ka vetula na igre na batu ghau iara ka nafnata gaoghatho te diꞌa te mala mamagna na. Jame te theo vetula na, u gaoghatho te mala eni nakhibo na theome au ka iara.

Ululahu Korin 15:56

Tutuani, glehe na au nolaghi mala roꞌedi naiknore naugna glehe na funu mei ka nakhibo. Eghuteuna nogna vetula mae Moses na ngala te au nogna nolaghi te mala fatakle nakhibo ka nakarhadare.

Efesus 5:3

Nu te gnognoro ba eni te kaisei nafnata glepo te diꞌa ba mamagna teu igre, thofno theome naba ghotilo naikno blahi nogna God ra te edire.

Diutronomi 5:21

Thosei mamagnadi nogna glepo kherami fofodu na mala hata mala nomi themi. Thosei mamagnani khetogna mana na, ba nogna suga na, ba nogna nagare na, ba nogna naikno gloku na, ba nogna buluka na, ba nogna dongki na, ba unha nogna glepo mae kheramu fofodu na.”

Kolose 3:5

Eghume, kafe nhaꞌa fadelei ka nagnafamire puhigna nauthoglu te diꞌa igre, tulao: puhi gnognoro, puhi diꞌa te gnafa, puhi te sneka ka gaoghatho te diꞌa, nei puhi magnahaghei glepo te diꞌa. Eghuteuna ghotilo jaola nhaꞌa fadelei ka nagnafamire puhi te mamagnadi nodi glepo keha naikno gre, naugna puhi igne jateula te tufru soruni eghu mumuju.

Ululahu Tesalonika 4:5

Thosei lisa lao thinimi are ka gnognoro jateula naikno te theome laseni God ra eghu.

Josua 7:21

Ka teke magra tahati teke hata glepodi Jeriko ra, iara neke filoni kaisei famane pohe gna Babilonia, nei kaisei vido silva eghu, tahugna na jame phei kilo gram, nei kaisei vido gol, tahugna na jame kaisei vido kilo gram. Iara thono magnahaghedi fara glepo igre neke hata malagu thegu. Iara hata glepo igre neke titifuni lamna glose ka nogu suga tapuale na, baludi silva re pari lahu.”