Letas Teke Riso Tei Mae Pol Ka Khiloau Rom 6:3 - Buka Blahi Ka Cheke Holo

³ Ghotilo lasenihi eida tahati tela kafe apublahi te mala laseni tela kaiseihi tahati balugna Kraes gne. Kate eni igne, tahati jaola kaisei balugna mana kau glehegna.

Letas Teke Riso Tei Mae Pol Ka Khiloau Rom 6:3 Iomraidhean Croise

Matiu 28:19

Eghume, ghotilo tei mala farirhiudi naikno ka namono te gnafa ka nauthoglu igne mala nogu mae fanomho iara. Faꞌapublahidi ka nanghagna Mama nei Thugna nei Tharunga te Blahi.

Mae Khuru 19:5

Kate nomhini igne, mare ne apublahi ka nanghagna Lord Jisas.

Mae Khuru 2:38

Mae Pita ne cheke eghu ka mare, “Tughu nagnafa, nei kafe apublahi ka nanghagna mae Jisas Kraes, aonu God ginauna hata fadelei u nakhibomire nei tusu ranghi ghami u Tharunga te Blahi na.

Mae Khuru 8:16

Naikno igre neke apublahi hi ka nanghagna Lord Jisas. Nu Tharunga te Blahi na neke theome soru mei neku ke kligna gna kaisei naikno ka mare.

Letas Teke Riso Tei Mae Pol Ka Khiloau Rom 6:16

Ghotilo kulu lasenihi igne, eigna te snakre ghami themi ghotilo te au ke parigna kaisei mae te mala leghuni nogna cheke na, ghotilo ginauna leghuni kolho nogna cheke naikno tuana. Ghotilo ginauna jateula tuana eghu ka nakhibo na. Naugna jame te eghu na, ghotilo ginauna jateula nogna mae sneka eghu kolho nakhibo, ka puhi tuana nakhibo na ginau falehe ghami kolho. Nu jame au jateula nogna mae sneka God teu ghotilo te mala leghudi chekegna mana re, God ginauna togho ghami mala au doglo ghotilo ke ulugna thegna.

Letas Teke Riso Tei Mae Pol Ka Khiloau Rom 6:8

Eghuteuna te lehehi tahati balugna Kraes na, tahati fatutuani ginauna jaola karha balugna mana.

Letas Teke Riso Tei Mae Pol Ka Khiloau Rom 7:1

Kheraguro, ghotilo ginauna laseni unha te chekeni iara tami na, naugna ghotilo thofno lasenihi nogna vetula mae Moses ia. Kate karha teu ngala naikno na, u vetula na au nogna nolaghi ke kligna gna mana.

Ululahu Korin 10:2

Eghuteuna mare neke kafe leghuni mae Moses neke kaisei balugna mana jateula te apublahi balugna mana ka khoveo nei ka thongna neku.

Ululahu Korin 12:13

Eghuteuna neuba tahati ne mae Jiu ba theome mae Jiu, mae sneka ba theome mae sneka, kaisei Tharunga te Blahi ngala teke kafe faꞌapublahi ghita na mala jateula kaisei thini eghu tahati. God neke tusu ranghi ghita hui kaisei Tharunga te Blahi ngala mala au ke lamnada.

Ululahu Korin 15:29

Jare iheire te apublahire mala toghodi naikno te lehe ra. Nu keha ka ghotilo cheke eghu, “Naikno te lehere theome tangomana teke karha fapulo na.” Jame te tutuani cheke tuana na mala unha si naikno teke apublahi grea?!

Ululahu Korin 3:16

Ghotilo lasenihi igne, eigna ghotilo jateula nogna Sugablahi God eghu, eghuteuna Tharunga gna God na auhi ka ghotilo.

Ululahu Korin 5:6

Nomi fahaehaghe ghotilo eidi puhi te diꞌare theome doglo. Naugna ghotilo lasenihi cheke igne, “Katha isi ikoi kolho te mala fabiꞌodi bret te gnafare.”

Ululahu Korin 6:19

Ba, ghotilo theome laseni thinimi ghotilo gre jateula Sugablahi nogna Tharunga te Blahi teuna!? Tharunga te Blahi na au ke lamnami ghotilo, eigna God neke tusu mei ka ghotilo. Ghotilo theome nomi themi,

Ululahu Korin 6:9

Ghotilo thofno laseni ihei te edi glepo te diꞌa igre ginauna theome thokeni u nakarha te funei frunini God na. Naikno igre te diꞌare: iheire te gnognoro, ba iheire te pogho soru ka mumuju, ba iheire te huhughuni vetula gna tholaghi, ba nalhaꞌu te ei puhi diꞌa fari nalhaꞌu, ba iheire te blau, ba iheire te mamagna, ba iheire te koꞌu te dranga, ba iheire te toutonu chaichaghidi keha naiknore, nei iheire te chaghi mala hata glepo ka keha naiknore. Eghume kheraguro, thosei snakreni ihei te mala chaghi ghami ghotilo eigna puhidi naikno te funei frunidi God re.

Ululahu Korin 9:13

Ghotilo lasedihi iheire te loku ka Sugablahi ra, mare tangomana te hata gano ka Sugablahi na. Eghuteuna iheire te gahu fafara ka olta ra, mare tangomana te hata vido gano teke fafara mare ka olta na.

Ululahu Korin 9:24

Ghotilo laseni, neubane kmana mae te chari kate fangenghele na, nu na kaisei mae ngala te hata taba na. Eghume, ghotilo te gnafa na mala loku heta ranghini God jateula te chari heta te mala hata taba ia eghu.

Fapea Korin 13:5

Ghotilo mala fariuriu ghami themi koba mala laseni ghotilo te thofno fatutuani ni Kraes ba theo. Tutuani, ghotilo thofno laseni mae Jisas Kraes te au ke lamnami na, na eghunu theome fatutuani ni mana ghotilo eghu!

Galesia 3:27

Ghotilo kaisei balugna Kraes kate apublahi na, eghuteuna ghotilo la funu leghunihi puhigna Kraes na.

Jemes 4:4

Ghotilo te tei kokoni God na, ghotilo ginauna na jateula kaisei gaꞌase te tei kokoni khetogna na te mala au fodu balugna kaisei mae delei ngau ia eghu. Ghotilo theome lasenihi igne? Mae ihei te magnahagheni kolho glepo te diꞌa ka nauthoglu igne na, mae tuana nogna mae naoka God. Naugna mae ihei te magnahaghei leghuni kolho nogna gaoghatho naiknogna nauthoglu igne na, mana theome tangomana te leghuni gaoghathogna God na.

Ululahu Pita 3:21

Eghuteuna khoꞌu igne kaisei fagaglana ranghi ghita eigna apublahi. God gognaro na fakarha ghami ghotilo ka khoꞌu naugna mae Jisas Kraes na kela karha fapulohi. Jaola, apublahi gne theome mala tihi koko thona ka thinimi ghotilo re, nu mala eni ghotilo kaisei nhaꞌa cheke ka God ka thofno gaoghatho te tutuani.