Letas Teke Riso Tei Mae Pol Ka Khiloau Rom 5:2 - Buka Blahi Ka Cheke Holo

² Ka noda fatutuani ka mae Jisas, God tangomana te eni kaisei nabrou te mala laseni tahati nogna u khokofakasai na. Tutuani fara, tahati tangomana te au ke lamnagna thofno nakarha na naugna mana ne namha ghita. Eghume tahati au noda grouronu ka God te mala au balugna kligna.

Letas Teke Riso Tei Mae Pol Ka Khiloau Rom 5:2 Iomraidhean Croise

Nodi Khoje Hatimare Mae Jiu 17:15

Nu iara gne neke theome eni kaisei najafra, eghume iara gne ginauna na thofno ari filo nigho. Kate dofra haghe te filo nigho na, iara ginauna na thofno glealeꞌa fara.

Nodi Khoje Hatimare Mae Jiu 73:24

Iagho farirhiu ghau iara fabrahu mala leghudi iara puhimu iagho re, eghuteuna ke leghu na, iagho ginauna ghatho tahu ghau iara nei hata ghau iara mala au balumu.

Proveb 14:32

Mae te diꞌa puhigna na ginauna au papara kate thoke mei puhi biꞌo na. Nu neubane lehe mae te doglo na, mana au nogna vido mala poru ka God.

Profet Habaku 3:18

Iara ginauna gleale'a fabrahu kolho, naugna nogu Lord God ginauna fakarhi ghau iara.

Matiu 25:21

“Aonu, mae funei na ne cheke eghu ka nogna mae gloku na, ‘Ghema, iagho kaisei mae gloku keli fara! Eghuteuna iagho ghathodi koba unha te chekedire. Eghume, naugna te ghatho branani iagho nou gloku na ka sileni ikoi teke tusu ari iara ia, gognarona iara na tusu ari kmana glepo ke biꞌodi igrei ka iagho mala reireghidi iagho. Aonu iagho mei mala gleale'a balugu iara.’

Jone 10:7

Mae Jisas neke cheke eghu ka mare, “Tutuani fara te chekeni iara ka ghotilo na. Iara gne jateula ngau u grengatha eghu mala rumadi u sipure.

Jone 10:9

Iara gne jateula u grengatha eghu. Naikno te ruma mei ka iara na, mana ginauna tangomana te ludeni u vido te keli na. Eghuteuna mana ginauna tangomana nate ruma mei nei jifla teu kau nasnagla na. Eghuteuna mana ginauna ludedi u glepo te keli te malagna u nakarhagna na.

Jone 14:6

Mae Jisas ne cheke eghu ka mana, “Iara nabrou na, iara tutuani na, nei iara karha na. Jare na theo kaisei nabrou heva nga te mala tei te thoke ka Mama na, mei ka iara.

Jone 5:24

Mae Jisas ne cheke eghu ka mare, “Tutuani fara te chekeni iara ka ghotilo na. Mae ihei te nomhidi nei leghudi teu u nogu cheke iara re, nei fatutuani ni Mama mae ihei teke kuru mei ghau iara na teuna, mana na athini u karha te theo ka huigna na. Mae tuana iara na theome fate faleheni mana, naugna mana jateula mae ihei teke lehehi nu ke karha fapulo teu ia eghu.

Mae Khuru 14:27

Kate thoke Antiok na, phiamare ne salo fodudi naikno khiloau re ne toutonu ranghidi unha teke eni God ranghidi phiamare na, nei unha puhi te eni God te mala fatutuani ni mae Jisas naikno te theome Jiure.

Letas Teke Riso Tei Mae Pol Ka Khiloau Rom 11:20

Tuana tutuani fara. Nu God neke kato koko grege tuare naugna mare ne theome fatutuani ni mae Jisas. Eghuteuna ghotilo mala kaisei vidogna thofno gaju oliv igne fabrahu, naugna ghotilo ne fatutuani. Ghotilo mala thosei fahaehaghe ghami eigna igne, nu fiofilo ghami eghu.

Letas Teke Riso Tei Mae Pol Ka Khiloau Rom 12:12

Gleale'a fabrahu ka unha teke nhaꞌa chekeni God ka ghotilo na. Kate au papara na, au kmu. Tarai koba.

Letas Teke Riso Tei Mae Pol Ka Khiloau Rom 14:4

Ba, iagho ihei sia mala fateni iagho nogna mae gloku keha funei na? Nogna funei thegna na jame te au nolaghi te mala chekeni te mala loku fakeli ba te loku fadiꞌa mana na. Nu mae gloku igne ginauna na eni fakeli fabrahu nogna gloku na, naugna Lord na toghoni mana ka unha te eni mana na.

Letas Teke Riso Tei Mae Pol Ka Khiloau Rom 15:13

God mae ihei ngala te thofno togho ghita te mala hata unha mana teke nhaꞌa cheke ranghi ghita. Iara toreni God mala gleale'a biꞌo ghotilo nei tusu ranghi ghami pharikeli kate fatutuani ni mana na. Eghuteuna nogna nolaghi Tharunga te Blahi na ginauna faheta ghami mala rouronuni God fabrahu ghotilo te mala eni unha mana teke nhaꞌa chekeni.

Letas Teke Riso Tei Mae Pol Ka Khiloau Rom 2:7

Iheire ngala te edi koba gloku te keli, nei iheire te magnahagheni God te fafnaknoni nanghadi, nei ghatho tahudi, nei toghodi mala theome lehe tifa te tifa. Igre ngala God nate tusu ranghidi u thofno karha tutuani te theo ka huigna.

Letas Teke Riso Tei Mae Pol Ka Khiloau Rom 3:23

Theo. Naugna naikno te gnafa ka nauthoglu igne kafe tapla jafra ka nakhibo. Eghume mare kafe au khaba ka God mae ihei te doglo fabrahu.

Letas Teke Riso Tei Mae Pol Ka Khiloau Rom 5:5

Eghuteuna u grouronu igne theome mala fadiꞌa nagnafa ghita tahati. Naugna God neke falalasehi nogna namha na ka tahati nei mana neke kuru mei nogna Tharunga te Blahi na mala au ke lamnada.

Letas Teke Riso Tei Mae Pol Ka Khiloau Rom 8:1

Gognaro na tahati kaisei balugna Jisas Kraes mala theome tangomana God te fate falehe ghita na.

Letas Teke Riso Tei Mae Pol Ka Khiloau Rom 8:24

God neke fakarha ghitahi eghuteuna tahati ofodi glepo te keli teke nhaꞌa cheke malada tahati. Nu jame neke filodihi tahati unha te ofodi teu tahati gre meuna, tahati ginauna theome tangomana te ofo na. Naugna naiknore theome rouronu eigna unha te auhi tadi na.

Ululahu Korin 15:1

Gognaro na, kheraguro, iara magnahaghe ghami ghotilo teke ghatho fapuloni u Nonomho te Keli teke toutonunihi iara ka ghotilo ia. Ghotilo neke hata balu gleale'a, eghuteuna nomi fatutuani ghotilo re kegra maku tagna.

Fapea Korin 3:18

Tahati te gnafa na theome nabada kaisei glepo te mala toku tafrudi thinidare jateula teke eni mae Moses tifa ia eghu kate mei te namo ka Lord na. Nu tahati mala fakakhana u siasigla gna nogna nolaghi biꞌo Lord na. Eghuteuna leuleghu fata na siasigla gna Lord mae ihei te Tharunga igne mana na loku ke lamnada mala ghilei tughu tahati jateula thegna mana eghu.

Fapea Korin 4:17

Ghehati au papara katha vido te kmoꞌei kolho gognaro na, nu hoholo igne mala togho ghami mala hatani u nakarha te keli te theo ka huigna na ka God kligna! Nakarha igne ke uluni hoholo tuana.

Efesus 2:18

Eghume gognaro na tahati hui, mae Jiu ba mae te theome Jiu tangomana te mei ke ulugna God Kmada ka nogna nolaghi kaisei Tharunga te Blahi.

Efesus 3:12

Naugna tahati kaisei balugna Kraes nei tahati fatutuani ni mana, nagnafadare heta fara nei tahati theome mhaghu te mei ka God na.

Efesus 6:13

Eghume, gognaro na ghotilo fahaghe gobigna lepo te mala magra teke tusu ari God ka ghotilo ra. Eghuteuna ghotilo ginauna tangomana te fanograni mae naoka igne, neuba mana ne mei ka unha narane te mala eni ranghi ghami ghotilo glepo te diꞌa fara na. Eghuteuna kate magra te gnafa na, ghotilo ginauna kegra heta fabrahu.

Fapea Tesalonika 2:16

Ghehati tarai ka noda Lord Jisas Kraes thegna nei God Kmada mala fameomego ghau nei farheta ghau ka gobigna lepo te keli te edi ba chekedi ghotilo re. God neke namha ghita nei ka nogna khokofakasai na mana tusu ranghi ghita grouronu te keli nei fameomego ghita fabrahu tifa tifa.

Hibru 3:6

Nu mae Kraes Thugna God na, mana pha'u mae te mala reireghini tharaknagna God na nei eni unha te magnahaghei God na. Jame loku famaku tahati noda fatutuani na nei jame jaola gleale'a fabrahu eidi gobigna lepo God nate edi ranghi ghita na, tahati gne thofno tharaknagna God.

Hibru 6:18

Uve, tahati laseni gaoghathogna God na ginauna theome tughu. Eigna mana neke kulu nhaꞌa cheke ka mae Ebraham nei jaola farerheta nhaꞌa cheke tuana kate cheke ka nhaꞌa cheke ka nanghagna thegna. Eghuteuna God na theome tangomana te chaghini naikno na! Eghume, ka phei glepo igre tahati te gnafa na thono rheta fara gaoghathodare. Uve, tahati rikha ari ka God mala reireghi ghita. Gognaro na tahati au noda fatutuani biꞌo te mala athini glepo teke nhaꞌa chekeni mana na.

Ululahu Pita 3:18

Naugna mae Kraes te doglo fara ka tathagna God na neke lehe tughudi naikno te diꞌare kaisei fata ngala. Kate au papara na, mana neke hata fadelei ne hui nakhibomi ghotilo re, eghuteuna ke batu fapulo ghami ka God. Tutuani fara, kate au nga teu mana ka nauthoglu gne, naiknore neke faleheni mana, nu God neke fakarha fapuloni mana ka nogna nolaghi mae Tharunga te Blahi.

Thakle 21:11

Eghuteuna siasigla gna nogna nolaghi God na ne siasigla lao ka namono na. Siasigla fara jateula kaisei famane thina jaspa te klino fara jateula thiro eghu.

Thakle 21:23

Naprai ba glaba theome phae soru ke kligna gna namono biꞌo tuana, naugna nogna nolaghi biꞌo God na siasigla mei fabrahu tagna. Eghuteuna Lam na u naphaegna namono tuana.

Thakle 21:3

Aonu iara ne nomhini kaisei cheke ne jifla mei ka nogna sape nafnakno mae King na, ne eha eghu fabiꞌo, “Filo si ghotilo, gognaro na God au baludi nogna naiknore. Tutuani fara, God thegna ginauna au baludi mala nodi God mare.

Thakle 3:21

Iheire te leghu ghau fabrahu te ghilei lehe na, iara ginauna snakreni mana mala funei fruni balugu iara. Naugna iara tapla sorudihi nogu naokare, eghuteuna iara gognaro na funei fruni balugna mae Mama.