Letas Teke Riso Tei Mae Pol Ka Khiloau Rom 4:16 - Buka Blahi Ka Cheke Holo

¹⁶ Eghume naiknore hata nogna nhaꞌa cheke God na ka nodi fatutuani kolho. God neke eni u nhaꞌa cheke igne mala horoghoto ka nogna khokofakasai na. U nhaꞌa cheke igne theome maladi kolho naikno te leghuni nogna vetula mae Moses na. Nu jaola nodi naikno te gnafa te fatutuani ni God na jateula mae Ebraham eghu. Naugna mana ngala mae kuꞌeda tahati te gnafa na.

Letas Teke Riso Tei Mae Pol Ka Khiloau Rom 4:16 Iomraidhean Croise

Luku 19:9

Mae Jisas ne cheke eghu ka mana, “Gognarogne God ginauna fakarha nigho iagho nei naikno te gnafa te au ka sugamu gne! Naugna iagho kaisei mae neke karha la ka vikegna mae Ebraham.

Letas Teke Riso Tei Mae Pol Ka Khiloau Rom 15:8

Te chekeni iara ka ghotilo na, Kraes neke eni nogna gloku na mala toghodi mae Jiu, mala farerheta nogna nhaꞌa cheke God teke eni mana ka mae ku'edi mae Jiure ne tutuani.

Letas Teke Riso Tei Mae Pol Ka Khiloau Rom 3:22

Igne u nabrou te chekeni iara na. Naikno te gnafa te fatutuani ni mae Jisas Kraes re, God au kaisei nabrou te mala fadoglodi ke ulugna thegna. God theome edi phei nabrou, kaisei maladi mae Jiu nei kehana maladi mae te theome Jiu.

Letas Teke Riso Tei Mae Pol Ka Khiloau Rom 3:30

naugna God na kaisei ngala. Eghuteuna mana ginauna kafe toghodi gnafa iheire te fatutuani ni Kraes, neubane mae Jiu ba theome Jiu, mala doglo ke ulugna mana.

Letas Teke Riso Tei Mae Pol Ka Khiloau Rom 4:11

Kani theome tohi fagaglana nga teku na, mae Ebraham neke fatutuani ni God. Eghuteuna God filo glanini mae Ebraham jateula kaisei mae te doglo. Ke leghugna igne, mae Ebraham neke hata fagaglana gna tohi fagaglana jateula kaisei thotoghale eigna te mae doglo mana na. Naugna igne, mae Ebraham gne kafe ku'edi naikno te theome tohi fagaglana re, nu fatutuani ni God eghuteuna God ne filo glanidi jateula naikno te doglo.

Letas Teke Riso Tei Mae Pol Ka Khiloau Rom 5:1

Naugna tahati neke fatutuani ni God, mana la fadoglo ghitahi ke ulugna thegna. Tutuani, noda Lord Jisas Kraes neke togho ghita mala au tahati kau pharikeli balugna God.

Letas Teke Riso Tei Mae Pol Ka Khiloau Rom 9:8

Gaoghathogna cheke igne, theome naikno te gnafa ka vikegna mae Ebraham te karha mei ka puhidi goro sua te goro thugna God re, nu naikno te karha mei leghuni nogna nhaꞌa cheke God na te thofno thugna Ebraham re.

Galesia 3:14

Mae Kraes neke foli fajifla ghita mala tangomana iheire te theome Jiu te mala hatini unha God teke nhaꞌa cheke ka mae Ebraham na mala tusu ranghini mana. God fablahidi naugna mae Jisas Kraes. Eghuteuna ka puhi igne, tahati naikno fateo te fatutuani ra, tahati tangomana te hata Tharunga te Blahi God teke nhaꞌa chekehi ka tahati.

Galesia 3:16

Uve, God neke chekedi nhaꞌa cheke igre ka mae Ebraham nei thugna. Grioriso te blahi na theome neke cheke eghu, “Nei maladi goro thumu.” Tuana gaoghathogna na kmana naikno. Nu God neke cheke eghu, “Nei mala thumu iagho.” Tuana gaoghathogna na kaisei mae kolho, eghume mae tuana, mae Kraes.

Galesia 3:22

Nu igne theome tutuani, naugna u grioriso te blahi na cheke eghu, “U gaoghatho te mala eni nafnata puhi te diꞌa na funei frunidi naikno te gnafa ka nauthoglu igne.” Naugna igne tahati naikno te fatutuani ni mae Jisas Kraes ra ngala te tangomana hatini unha teke nhaꞌa chekeni God ka naikno te fatutuani re.

Efesus 2:5

Kate au tahati ka glehe eigna te huhughuni nogna cheke na, God neke fakarhi ghita balugna Kraes. Eghume ghotilo karha ka nogna khokofakasai God.

Efesus 2:8

Ka narane teke fatutuani ghotilo na, God neke fakarhi ghami. Ghotilo theome tangomana te fahaehaghe ghami themi neke hatini thofno nakarha na naugna gloku teke edi themire teuna. Theo. Ghotilo neke hatini thofno nakarha igne ka nogna khokofakasai God.

Taetus 3:7

Mana neke eni igne mala tangomana tahati te hatini u karha majaghani te theo ka huigna teke rouronuni teku tahati na. Tahati tangomana te hatini u karha igne naugna God na thofno namha ghita ne fadoglo ghita ke ulugna thegna.

Fapea Pita 1:10

Eghume, kheraguro, God neke kilo ghami nei vahi ghami mala nogna thegna. Hati nhetami na mala filo glani igne ka nakarhami na. Jame eni ghotilo igne na, ghotilo ginauna theome tangomana te tei kokoni u nabrou te tei thokei ka thofno nakarha te tutuani na.